Automjeti përplaset me trafikndarësen dhe kalon në korsinë e biçikletave, drejtuesi përfundon në spital

Një aksident është regjistruar pak min më parë në aksin rrugor Lin-Pogradec, ku një automjet ka humbur kontrollin dhe është përplasur me trafikndarësit. Për pasojë, ka kaluar në korsinë e biçikletave, duke shkaktuar dëme të shumta materiale.

Dyshohet se shkak i aksidentit ka qënë lagështia në rrugë dhe humbja e kontrollit të mjetit. Aktualisht raportohet se nuk ka të dëmtuar, drejtuesi i automjetit ka qenë duke udhëtuar i vetëm dhe pas aksidentit është transportuar në spital për kontrolle, por pa dëmtime.Në vendngjajre ndodhet grupi hetimor për zbardhjen e shkaqeve të aksidentit.

Policia FIER jep detaje nga perplasja e 4 makinave

Fier/Informacion paraprak

Rreth orës 18:40, në lagjen “8 Shkurti”, automjeti me drejtues shtetasin F. G., 21 vjeç, banues në Fier, është përplasur me automjetin me drejtues shtetasin M. B., 38 vjeç, banues në Fier.

Gjithashtu janë përfshirë në këtë aksident edhe automjeti me drejtuese shtetasen M. H., si edhe një automjet i parkuar.

Si pasojë e aksidentit është dëmtuar shtetasi F. G, shtetasi M. B., të cilët pasi morën mjekim u larguan nga spitali, si dhe pasagjeri, shtetasi I. B., 68 vjeç, i cili ndodhet në spital, jashtë rrezikut për jetën.

Grupi hetimor po punon për sqarimin e plotë të rrethanave dhe shkakut të aksidentit.

200 mijë kërkesa për 22 mijë bileta/ Përballja me Serbinë. Masa të forta kontrolli në stadiumin që do të rrethohet

Më pak se 10 ditë larg ndeshjes së radhës kualifikuese të Shqipërisë përballë Serbisë dhe kryefjala mbetet më tepër tek bileta pasi sportdashësit fitoren e konsiderojnë një detyrim më shumë se sa në ndeshjet e tjera të kuqezinjve përballë këtij kundërshtari, si rrjedhojë janë të shumtë ata që do të duan të jenë dëshmitarë të saj në Arenën Kombëtare më 7 qershor.

Në një intervistë për Top Channel, sekretari i përgjithshëm I FSHF-s, Ilir Shulku tregon se çfarë ndodh me procesin e biletave që ndryshe nga takimet e tjera për këtë ndeshje janë me prenotim dhe më pas me një short kompjuterik të rastësishëm.

“Ka mbetur edhe një ditë nga prenotimi i biletave që është data 30 maj pasi procesi i prenotimit ka filluar më 15 maj dhe ndryshe nga ndeshjet e tjera këtë herë ka patur një kërkesë mbi 200 mijë bileta ndërkohë që kapaciteti I stadiumit është 22 mijë vende. Për të hyrë në stadium do të duhet që sportdashësit të kenë me vete edhe një kartë ID që korrespondon me emrin në biletë për ndryshe nuk do të futen dot”, tha Ilir Shulku, sekretar i përgjithshëm i FSHF-s.

A ka patur masa ekstra nga policia për këtë ndeshje dhe keni patur komunikime?

Shulku: Po kemi patur disa takime me drejtuesit e policisë dhe më I fundit ishte dje pasi kjo ndeshje konsiderohet me risk të lartë dhe këtë herë policia do të ketë masa shumë të rrepta dhje do të ketë disa rrethime kontrolli. 

Në aspektin sportiv si e shihni këtë ndeshje sa I përket ngarkesës dhe presionit që e rrethon?

Shulku: Ndonjëherë ngarkesa të tilla e kalojnë cakun dhe nuk bën mirë, por lojtarët tanë aktivizohen në klube të rëndësishme në Europë dhe patjetër që unë jam optimist dhe besoj se I kemit ë gjitha shanset për të fituar. 

Shqipëria ka zhvilluar deri më tani dy ndeshje sa I përket fushatës eliminatore të Botërorit 2026-të me Anglinë dhe Andorrën nga të cilat ka fituar 3 pikë duke u renditur e dyta pas 3 luanëve në Grupin K, ndërkohë që Serbia do të zhvillojë ndeshjen e parë pikërisht ndaj Shqipërisë më 7 qershor në këtë fushatë eliminatore të botërorit.T/CH

Itali-Vullkani që pritet të shp*rthejë dhe al*rmi i ekspertëve.

Një seri e pandalshme tërmetesh që janë regjistruar pranë Campi Flegrei, ku kohë më parë ka qenë një vullkan në Itali, ka ngritur shqetësimet e ekspertëve për një riaktivizim të fuqishëm nga ky krater, që mund të çojë botën në kaos.

Gjatë këtij muaji, zona u godit nga një tërmet 4.4 ballë, i cili konsiderohet si ndër më të fortët në 40 vite, por për vullkanologët mund të jetë dhe një paralajmërim.

Në 6 muajt e fundit zona ka regjistruar mbi 3000 lëkundje sizmike, shoqëruar me rritjen e emetimeve të gazrave, shenjë kjo që magma mund të jetë duke u ngjitur drejt sipërfaqes.



Studiuesit nga Instituti Italian i Gjeofizikës (INGV) paralajmërojnë se struktura e tokës po kalon nga një fazë përkuljeje në çarje, çka mund të nënkuptojë se jemi afër një shpërthimi të mundshëm. Nëse ndodh, do të ishte shpërthimi i parë që nga viti 1538. Në skenarin më të keq, do të prekte mbi 4 milionë banorë në rajonin e Napolit.
Por pasojat nuk do të ishin vetëm lokale. Shqipëria dhe Ballkani, mund të ndiejnë efektet e ndotjes atmosferike, ndryshimeve klimatike dhe reshjeve të hirit vullkanik, që mund të ndikojnë në bujqësi, shëndetin publik dhe transportin ajror.

Rreth 40,000 vjet më parë, shpërthimi i Campi Flegrei shkaktoi një nga katastrofat më të mëdha vullkanike në historinë e Tokës, me ndikim të madh në klimën globale.

Shtëpia e barit në fshatin Vadhizë, Prokuroria e Fierit nis hetimet për katër vepra penale ndaj pronarit dhe specialistit teknik të OSHEE

Shtëpia e barit në fshatin Vadhizë, Prokuroria e Fierit nis hetimet për katër vepra penale ndaj pronarit dhe specialistit teknik të OSHEE

Prokuroria pranë Shkallës së Parë e Juridiksionit tëPërgjithshëm Fier nis hetimet për veprat penale “Prodhimi dheshitja e lëndëve narkotike”, “Kultivimi i bimëve narkotike”, “Vjedhja e energjisë elektrike ose impulseve telefonike” tëparashikuara nga nenet 283/1, 284/1 dhe 137/1 të Kodit Penal në ngarkim të shtetasit I.G. dhe “Shpërdorimi i detyrës”, e parashikuar nga neni 248 i Kodit Penal, në ngarkim tështetasit R.M.

Ky procedim ka filluar mbi bazën e njoftimit të marrë në datë25.05.2025, lidhur me ndalimin e shtetasit P.G. në Pikën e Kalimit Kufitar Morinë, pasi gjatë kontrollit të ushtruar nëautomjetin që ky shtetas drejtonte, është konstatuar një sasilënde bimore e dyshuar si lëndë narkotike e llojit cannabis sativa. Nga policia gjyqësore është ushtruar kontroll nëbanesën e këtij shtetasi, e ndodhur në fshatin Vadhizë, Bashkia Fier, gjatë së cilit është konstatuar përshtatja e ambienteve të shtëpisë në një shtëpi bari, ku njëkohësishtbanonte edhe familja.

Gjatë këqyrjes së banesës janë gjetur bimë narkotike tëkultivuara për të cilat ishte vendosur sistem ngrohje, aspirimidhe ventilimi, fidanë të bimëve narkotike, një sasi lëndenarkotike, si edhe fara të dyshuara të bimëve narkotike. Gjithashtu, është konstatuar lidhja e paligjshme e energjisëelektrike duke u ndërhyrë për të siguruar që të mos matejenergjia që përdorej për rritjen e bimëve.

Policia gjyqësore ka kryer arrestimin në flagrancë të shtetasitI.G. dhe të specialistit teknik të terrenit të OSHEE-së qëmbulon zonën, R.M.

Në vijim, Prokuroria pranë Gjykatës së Shkallës së Parë Juridiksionit të Përgjithshëm Fier, shpreh angazhimin e plotë dhe vënien para përgjegjësisë ligjore të të gjithë personave që kryejnë vepra penale në fushën e narkotikëve, si dhe që gjatë ushtrimit të detyrës kryejnë veprime në kundërshtim me ligjin.

30 Maj, afati i fundit për fermerët per naften falas

Fermerët në të gjithë vendin do të kenë afat për të aplikuar për fonde në bujqësi deri më datën 30 maj dhe më pas do të kalojnë në filtrin e verifikimit të aplikimeve dhe përzgjedhjen e tyre.

Aplikimet e Skemës Kombëtare të Mbështetjes në Bujqësi janë hapur më 14 Prill dhe sipas të dhënave të AZHBR deri më 28 Maj, regjistrohen mbi 66 mijë aplikime, ku interes me të lartë ka patur për mbështetjen me naftë me mbi 50 mijë aplikime nga ana e fermerëve.

Sa i takon shpërndarjes gjeografike, edhe këtë vit nuk ka pasur surpriza pasi numri më i lartë i aplikimeve është në qarqet ku bujqësia dhe blegtoria është më e zhvilluar, si Fier, Korçë, Berat dhe Elbasan.

Fondet e vëna në dispozicion për fermerët nga ana tjetër kanë rritur ndjeshëm edhe formalizmin në bujqësi, pasi kushti kryesor për të përfituar është pasja e një nipti aktiv. Si rezultat, këtë vit janë mbi 5,200 fermerë të cilët janë pajisur rishtazi me një nipt në tatime.

Mbështetje do të jepet për bujqësinë, kryesisht për kultivimin e perimeve, frutave, bimëve aromatiko-mjekësore si dhe fermat organike,  blegtorinë, dhe bletarinë.  Ndër kriteret kryesor është toka në pronësi apo përdorim si dhe mospasja e detyrimeve në Institutin e Sigurimeve Shoqërore.

Këtë vit, fermerët do të përfitojnë pagesa cash për naftën që përdorin për punime të mekanizuara në bujqësi.

Fondi është 3.2 miliardë lekë dhe do ti jepet më shumë prioritet në financim shoqërive të bashkëpunimit bujqësor, të cilat nuk do të kenë kufizim në financim.

Mbi 67 mijë fermerë në të gjithë vendin kanë përfituar fonde nga Skema e Subvencioneve në bujqësi përgjatë vitit 2024. Të dhënat zyrtare nga Ministria e Bujqësisë, tregojnë se janë disbursuar fondet konkretisht për 67,132 përfitues në total,  nga të cilët 14,937 përfitues nga skema kombëtare si dhe 52,195 nga skema e subvencionimit me naftë për bujqësinë.

Elon Musk largohet nga administrata e Trump – Cila është arsyeja e largimit të tij të papritur nga qeveria amerikane?!

Ekzekutivi miliarder i Teslës, Elon Musk, po largohet nga administrata Trump pasi udhëhoqi një fushatë të trazuar, gjatë së cilës ai përmbysi disa agjenci federale, por në fund dështoi të ofronte kursimet gjenerative që kishte kërkuar.

“Largimi i tij nga qeveria do të fillojë sonte”, një zyrtar i Shtëpisë së Bardhë konfirmoi kështu largimin e Musk nga qeveria. Musk më herët përdori platformën e tij të mediave sociale X për të falënderuar Presidentin Donald Trump ndërsa koha e tij si një punonjës i posaçëm qeveritar me Departamentin e Efikasitetit të Qeverisë po i afrohej fundit.

Largimi i tij ishte i shpejtë dhe i thjeshtë. Ai nuk pati një bisedë zyrtare me Trump para se të njoftonte largimin e tij, sipas një burimi me njohuri për çështjen, i cili shtoi se largimi i tij u vendos “në një nivel të lartë stafi”.

Ndërsa rrethanat e sakta të largimit të tij nuk ishin menjëherë të qarta, ai u largua një ditë pasi kritikoi projektligjin e taksave të Trump, duke e quajtur atë shumë të shtrenjtë dhe një masë që do të dëmtonte punën e tij me Shërbimin DOGE të SHBA-së.

Disa zyrtarë të lartë të Shtëpisë së Bardhë u irrituan veçanërisht nga këto komente dhe Shtëpia e Bardhë u detyrua të telefononte senatorët republikanë për të përsëritur mbështetjen e Trump për paketën. Ndërsa Musk mbetet i afërt me presidentin, largimi i tij vjen pas një rënieje graduale, por të qëndrueshme në pozicion.

Pas inaugurimit të Trump, miliarderi u shfaq shpejt si një forcë e fuqishme në orbitën e Trump: shumë i dukshëm, i zhurmshëm dhe shumë larg nga normat tradicionale.

Ervin Salianji kërkon lirinë me kusht

Ervin Salianji i është drejtuar me një kërkesë Gjykatës së Fierit, ku kërkon lirinë me kusht, pasi ka kryer 2/3 e dënimit.Salianji ndodhet prej 27 shtatorit të vitit të kaluar në burgun e Fierit, pasi Gjykata e Apelit la në fuqi vendimin e Shkallës së Parë duke e dënuar me 1 vit burgim . Ky vendim u la në fuqi edhe nga Gjykata e Lartë.Ish-deputeti demokrat e konsideron veten si një të dënuar politik dhe ka paralajmëruar se çështjen do e ndjekë deri në Strasburg.

1...939495...310Faqja 94 nga 310