Qeveria shqiptare ka miratuar zyrtarisht ndërtimin e një centrali gjenerues të energjisë elektrike fotovoltaike me kapacitet 128 megavat, në zonën Sheq-Marinas, Bashkia Fier. Projekti do të realizohet nga shoqëria “SOLEN ENERGY” sh.p.k. dhe nuk do të jetë objekt koncesioni apo skemash mbështetëse financiare.

Vendimi i Këshillit të Ministrave parashikon që ndërtimi, pajisja me leje dhe vënia në operim e impiantit të përfundojnë brenda 36 muajve nga hyrja në fuqi e vendimit, ndërsa leja e operimit do të jetë për 49 vjet.

Sipas dokumentit zyrtar, parku fotovoltaik do të ndërtohet në tokë private në territorin e Qarkut Fier dhe do të shoqërohet me vepra ndihmëse për funksionimin e tij.

Një element i rëndësishëm i marrëveshjes është përfitimi i drejtpërdrejtë për shtetin shqiptar:

“SOLEN ENERGY” do t’i japë Ministrisë së Infrastrukturës dhe Energjisë 2% të prodhimit vjetor të energjisë, në formë royalty, ose vlerën monetare të konvertuar të kësaj sasie, e cila do të derdhet në buxhetin e shtetit.

Shoqëria ka gjithashtu detyrimin:

• të raportojë çdo 3 muaj mbi ecurinë e projektit;
• të respektojë lejet dhe kushtet mjedisore;
• të dorëzojë sigurim kontrate në masën jo më pak se 5% të vlerës së investimit;
• dhe, sipas nevojës, të shesë një pjesë të prodhimit për furnizuesin publik.

Ministria e Infrastrukturës dhe Energjisë dhe Agjencia Kombëtare e Burimeve Natyrore do të ushtrojnë mbikëqyrje periodike çdo tre muaj, për të garantuar që projekti zbatohet sipas standardeve teknike dhe ligjore.

Ky projekt konsiderohet një hap i rëndësishëm drejt rritjes së prodhimit të energjisë nga burime të rinovueshme dhe forcimit të pavarësisë energjetike të vendit, veçanërisht për zonën e Fierit dhe gjithë jugun e Shqipërisë.

Vendimi është firmosur nga Kryeministri Edi Rama dhe hyn në fuqi menjëherë pas botimit në “Fletoren Zyrtare”.

Policia e Fierit ka referuar në Prokurori disa raste të dhunës në familje që tronditën komunitetet e Fierit, Cakranit dhe Ferrasit.

Mes të referuarve janë:

• A. S., 51 vjeç, banues në Cakran, i cili ushtronte dhunë ndaj bashkëshortes së vëllait të tij.
• L. O., 39 vjeç, O. O., 19 vjeç dhe një 17-vjeçar (babai dhe dy djemtë), të cilët sulmuan L. M., 43 vjeçe, motrën e L. O., dhe vajzën e saj të mitur, duke krijuar një situatë të rrezikshme për familjen në Fier.
• M. T., 28 vjeç, banues në Ferras, për dhunë ndaj vëllait të tij.

Policia bën thirrje për të denoncuar çdo rast dhune në familje, ndërsa materialet procedurale janë dërguar në Prokurorinë e Fierit për veprime të mëtejshme ligjore.

Drejtoria Vendore e Policisë Fier

Specialistët për Hetimin e Narkotikëve të DVP Fier vunë në pranga shtetasin A. D., 63 vjeç, banues në Fier, pasi Gjykata e Apelit e Juridiksionit të Përgjithshëm ka vendosur që ky shtetas të kryejë në Shqipëri, pjesë e mbetur nga dënimi 8 vjet e 8 muaj burgim, që i ka caktuar Gjykata e Milanos, për veprat penale “Pjesëmarrja në organizatë kriminale” dhe “Trafikimi i lëndëve narkotike”.

Gjithashtu, këta specialistë referuan materialet në Prokurori ku nisi procedimi penal për shtetasin A. P., 34 vjeç, banues në fshatin Libofshë, Fier, pasi shërbimet e Policisë i gjetën një sasi të vogël lënde të dyshuar narkotike kanabis.

Specialistët e Qarkullimit Rrugor të DVP Fier arrestuan shtetasin A. H., 39 vjeç, banues në Tiranë, pasi duke drejtuar automjetin, në gjendje të dehur, ka humbur kontrollin dhe si pasojë automjeti është përplasur me barrierat e rrugës. Nga aksidenti është dëmtuar lehtë 39-vjeçari.

Specialistët për Hetimin e Krimeve Ekonomike të DVP Fier referuan materialet në Prokurori ku nisi procedimi penal për shtetasin F. S., 42 vjeç, banues në Fier, pasi në servisin e tij u gjetën automjete pa dokumentacionin përkatës, të cilat u sekuestruan në cilësinë e provës materiale.

Specialistët për Hetimin e Krimeve të Komisariatit të Policisë Fier referuan materialet në Prokurori ku nisi procedimi penal për shtetasit:
-A. S., 51 vjeç, banues në Cakran, pasi ka ushtruar dhunë ndaj bashkëshortes së vëllait të tij;
-L. O., 39 vjeç, O. O., 19 vjeç dhe për një 17-vjeçar (babai dhe dy djemtë), pasi kanë ushtruar dhunë ndaj shtetases L. M., 43 vjeçe (motra e shtetasit L. O.) dhe vajzës së saj të mitur;
-M. T., 28 vjeç, banues në fshatin Ferras, Fier, pasi ka ushtruar dhunë ndaj vëllait të tij.

Specialistët për Hetimin e Krimeve të Komisariatit të Policisë Lushnjë referuan materialet në Prokurori ku nisi procedimi penal për shtetasin M. Gj., 37 vjeç, pasi u konstatua duke kryer punime pa leje.

Materialet procedurale iu referuan Prokurorisë së Fierit, për veprime të mëtejshme.

Qeveria miratoi sot Amnistinë Penale. Lajmin e konfirmon Ministri i Drejtësisë, Besfort Lamallari, përmes një deklarate pas mbledhjes së Këshillit të Ministrave. Ai thotë se 447 persona përfitojnë lirim të menjëhershëm nga burgu dhe 853 të tjerë ulje dënimi. Mes tyre ka gra, të mitur dhe shtetas të huaj. Numri real i përfituesve nga pushimi i ndjekjes penale është shumë më i lartë. 

“Në mbledhjen e sotme të Qeverisë miratuam Amnistinë Penale, nismën që prezantuam rreth një muaj më parë dhe nga sot ky vendim depozitohet në Kuvend. Nga të dhënat më të fundit të rakorduara me Drejtorinë e Përgjithshme të Burgjeve, Shërbimin e Provës si dhe Prokurorinë e Përgjithshme, rezulton se plot 447 persona përfitojnë lirim të menjëhershëm dhe 853 të tjerë ulje dënimi, ndërkohë nga Shërbimi i Provës amnistohen 5077 të dënuar me masa alternative. Për më tepër, duke filluar nga viti 2024 pushohet ndjekja penale për plot 14 mijë procedime për vepra të lehta. Përveçse një akt i qartë human dhe një mundësi e dytë për rehabilitim dhe ri-integrim, ky është një hap konkret që ul presionin e popullimit të burgjeve dhe për të fokusuar drejtësinë aty ku rreziku shoqëror është real. Nuk bëhet fjalë për tolerancë ndaj krimit, por për një qasje të matur që synon riintegimin dhe përdorimin më efikas të drejtësisë penale teksa ne po punojmë për të ulur përdorimin e panevojshëm të paraburgimit, në përputhje me shqetësimet e drejta të ngritura nga Këshilli i Evropës si dhe standardet evropiane”, shprehet ministri Lamallari. 

Ministri i Drejtësisë thotë më tej në deklaratën e tij se pret që Parlamenti ta shqyrtojë projektligjin pa vonesa në mënyrë që amnistia të fillojë efektet e saj. 

“Objektivi ynë ambicioz është të kemi një sistem që di të ndëshkojë fort kur duhet, por edhe të japë një shans për t’u rikthyer në shoqëri. Drejtësia nuk është vetëm ndëshkim, por edhe një mundësi e dytë e drejtuar nga humanizmi dhe rehabilitimi. Falënderoj të gjitha institucionet që kontribuuan në këtë proces dhe pres që Parlamenti ta shqyrtojë projektligjin sa më parë, në mënyrë që efektet pozitive të amnistisë të ndihen nga mijëra familje shqiptare”, deklaron Ministri i Drejtësisë, Besfort Lamallari. Nga kjo amnisi nuk përfitojnë subjektet e Prokurorisë dhe Gjykatës së Posacme për Korrupsionit dhe Krimit e Organizuar. 

Projektligji i amnistisë do të depozitohet në Kuvend, ku do të nisë shqyrtimi në komisionet parlamentare dhe më pas kalon për miratim në seancë plenare.