Helikopteri me 6 persona në bord rrëzohet në Indinë veriore

Një helikopter me gjashtë persona në bord u rrëzua në shtetin verior indian të Uttarakhand të dielën, njoftoi agjencia e lajmeve ANI.Helikopteri ishte zhdukur në distriktin Gaurikudu të shtetit, njoftoi ANI, duke cituar një zyrtar.

Kryeministri i shtetit, Pushkar Singh Dhami, tha në një postim në rrjetet sociale X se Forca e Reagimit ndaj Fatkeqësive të Uttarakhand, autoritetet lokale përkatëse dhe ekipet e shpëtimit janë mobilizuar dhe po marrin pjesë në operacionet e shpëtimit.Rrjeti televiziv India Today raportoi, duke cituar deklarata nga zyrtarët, se helikopteri doli nga kursi për shkak të motit të keq.



Administratori i inceneratorit të FIERIT , kapet në Zimbabve dhe ekstradohet në Shqipëri

Njoftim:

Policia e Shtetit

Vijon operacioni policor ndërkombëtar “The Wanted”.

Falë bashkëpunimit të ngushtë mes Interpol Tiranës dhe Interpol Harare, u bë e mundur lokalizimi, kapja dhe ekstradimi nga Zimbabve, shtet në Afrikën Jugore, i shtetasit shqiptar L. D., 42 vjeç, lindur në Lushnjë, i shpallur në kërkim ndërkombëtar.

Ky shtetas ishte shpallur në kërkim ndërkombëtar pasi Gjykata e Posaçme kundër Korrupsionit dhe Krimit të Organizuar (GJKKO), në vitin 2022, i kishte caktuar masën e sigurisë “Arrest në burg”, për veprat penale “Korrupsioni aktiv i funksionarëve të lartë shtetërorë ose i të zgjedhurve vendorë” dhe “Pastrimi i produkteve të veprës penale ose i veprimtarisë kriminale”, të kryera në bashkëpunim.

Nga hetimet ka rezultuar se shtetasi Loran Dusha., në cilësinë e administratorit të një kompanie private, ka përfituar fonde publike në mënyrë të paligjshme, përmes faturave dhe pagesave fiktive, për punë dhe shërbime të pakryera.

Pas mbërritjes në Shqipëri, 42-vjeçari iu dorëzua Drejtorisë së Përgjithshme të Burgjeve.

Policia e Shtetit është maksimalisht e angazhuar në bashkëpunimin ndërkombëtar për lokalizimin, kapjen dhe ekstradimin e shtetasve shqiptarë që fshihen jashtë vendit, me qëllim shmangien nga drejtësia.

Ndërron jetë në spitalin e Vlorës 69-vjeçarja amerikane

Një 69-vjeçare ka ndërruar sot jetë në spitalin e Vlorës. 

Policia bën me dije se 69-vjeçarja e identifikuar me inicialet M. C., banuese në Florida dyshohet se ka ndërruar jetë për shkaqe natyrale. 

Vijon puna për zbardhjen dhe dokumentimin e plotë të rastit.

Materialet procedurale iu referuan Prokurorive përkatëse, për veprime të mëtejshme

Disa te arrestuar ne FIER ne 24 oret e fundit

Drejtoria Vendore e Policisë Fier

Specialistët për Hetimin e Krimeve të Komisariatit të Policisë Fier arrestuan në flagrancë shtetasin A. J., 36 vjeç, banues në Fier, pasi dyshohet se ka ushtruar dhunë ndaj prindërve të tij.

Specialistët e Sektorit të Qarkullimit Rrugor:
-arrestuan në flagrancë shtetasin A. S., 20 vjeç, banues në Lushnjë, pasi u kap duke drejtuar automjetin, pa leje;
-referuan materialet në Prokurori, ku filloi procedimi penal për shtetasin K. C., 55 vjeç, banues në Lushnjë, pasi u kap duke drejtuar motomjetin, pa leje.

Specialistët e Seksionit për Hetimin e Narkotikëve referuan materialet në Prokurori, ku nisi procedimi penal për shtetasin L. L., 20 vjeç, banues në Patos, pasi gjatë kontrollit fizik, shërbimet e policisë i gjetën një sasi me lëndë narkotike Cannabis Sativa.

Specialistët për Hetimin e Krimeve të Komisariatit të Policisë Lushnjë referuan materialet në Prokurori, ku filloi procedimi penal për shtetasit:
-M. M., 34 vjeç dhe E. M., 24 vjeç, të dy banues në Lushnjë, pasi dyshohet se për motive të dobëta kanë goditur me grushte, një shtetas 36 vjeç;
-E. Y., 36 vjeç, banues në Tiranë, pasi firma në të cilën është administrator, e cila operon në fushën e përpunimit e bërsisë së ullirit në Golem, krijon ndotje të ajërit.

Specialistët për Hetimin e Krimeve të Komisariatit të Policisë Mallakastër referuan materialet në Prokurori, ku filloi procedimi penal për shtetasit A. A. dhe D. M., për veprën penale “Ndërtimi i paligjshëm”.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Daily Mail :Shqiptarët shkojnë në Angli me jahte luksoze të vjedhura.

Një jaht luksoz i marrë me qira në Francë është përdorur nga trafikantë ndërkombëtarë për të transportuar emigrantë shqiptarë ilegalisht drejt Britanisë së Madhe.

Jahti, i quajtur Tacoma dhe me vlerë 70,000 paund, ishte marrë me qira në prill nga një burrë me pasaportë austriake, për një udhëtim të supozuar turistik përgjatë bregut të Bretanjës.

Sipas bashkëpronarëve të kompanisë charter “Eridan” në Brest, dokumentet e qiramarrësit – përfshirë pasaportën, certifikatën detare dhe të dhënat personale – dukeshin të rregullta. Por shumë shpejt, pas nisjes nga porti francez, drejtuesi i kompanisë, Valery Roue, vuri re përmes pajisjeve të gjurmimit se jahti kishte devijuar kursin drejt brigjeve britanike, thekson Daily Mail.

Më 13 prill, Forca Kufitare Britanike ndërhyri pranë grykëderdhjes së lumit Helford, afër Falmouth-it, dhe ndaloi jahtin. Në bord u gjetën 17 emigrantë shqiptarë, përfshirë një grua, që po përpiqeshin të hynin ilegalisht në Mbretërinë e Bashkuar. Mendohet se ata ishin marrë nga një vend i fshehtë në bregun francez pak pas nisjes së jahtit.

Autoritetet britanike njoftuan se trafikantët ishin pjesë e një rrjeti kriminal që po përdor mjete luksoze detare për të shmangur kontrollin intensiv ndaj gomoneve në Kanalin e La Manshit. Pasagjerët e jahtit janë marrë në pyetje nga Agjencia Kombëtare e Krimeve, autoritetet e emigracionit dhe oficerë të Forcës Kufitare. Ata pritet të përballen me dëbim.

Dy nga anëtarët e ekuipazhit, shtetas shqiptarë në të 30-at, kanë pranuar fajësinë në një gjykatë në Bodmin për shkeljen e urdhrave të mëparshëm të dëbimit nga Britania dhe janë në pritje të dënimit.

Ndërkohë, personi që kishte marrë jahtin me qira – i prezantuar si austriak – është zhdukur pa gjurmë. Dokumentet që ai kishte paraqitur dyshohet se janë të falsifikuara dhe hetimet zbuluan se ai është me origjinë nga Maqedonia e Veriut. Autoritetet britanike dhe franceze janë në ndjekje të tij në të gjithë Evropën dhe Ballkanin.

Pas 52 ditësh të sekuestruar në Cornwall, jahti Tacoma është rikthyer në Brest nga kompania franceze, megjithëse kjo e fundit është detyruar të paguajë tarifë për çdo ditë ndalimi të mjetit gjatë hetimit.

Ky nuk është rasti i vetëm i trafikut të emigrantëve me jaht këtë pranverë. Më 8 maj, një jaht tjetër i ngjashëm me Tacoma-n, i marrë me qira 14 milje larg nga La Trinité-sur-Mer, u gjet i braktisur në bregun britanik. Mendohet se edhe në këtë rast emigrantët, të cilët sipas autoriteteve janë gjithashtu shqiptarë, kanë zbritur fshehurazi në Britani.

Zyrtarët e Forcës Kufitare paralajmërojnë për rritjen e përdorimit të mjeteve detare private për trafik emigrantësh. “Ne patrullojmë 24 orë në ditë, por me qindra porte dhe marina, nuk është e mundur të kemi praninë tonë në çdo pikë,” deklaroi drejtori i operacioneve detare.

Ministria e Brendshme e Britanisë tha se ky rast tregon se bandat e kontrabandës po përshtatin taktikat e tyre për të shmangur kontrollet kufitare dhe për të çuar emigrantët në vend në mënyra të reja e më të sofistikuara.

Pagat në turizëm, nga 55 mijë deri në 140 mijë lekë! – DPT: Kontrolle të thelluara ndaj bizneseve 

Bizneset në sektorin e turizmit që i paguajnë punonjësit më pak se paga indikative e përcaktuar nga Drejtoria e Përgjithshme e Tatimeve, do t’i nënshtrohen një kontrolli më të thelluar tatimor.

Drejtoria e Përgjithshme e Tatimeve ka dalë me një njoftim zyrtar ku informon të gjithë tatimpaguesit e sektorit të turizmit, se në kuadër të zbatimit të planit sektorial të turizmit dhe rritjes së pagesave për sigurimet shoqërore në funksion të rritjes së pensioneve, Administrata Tatimore do të analizojë pagat e punonjësve të deklaruar në listëpagesa.

Si rezultat i nëndeklarimit të pagave nga ana e bizneseve, por jo vetëm, skema e pensioneve është në vend numëro. Aktualisht, raporti kontribues-përfitues është 1.17 me 1. Pra për një pensionist, sot kontribuojnë vetëm 1.17 të punësuar.

Për vlerësimin e riskut të tatimpaguesve që shmangin pagesën reale të pagave të punonjësve, analiza do të ketë si element krahasues pagat indikative të profesioneve në sektorin e turizmit.

Në listën e publikuar nga Drejtoria e Përgjithshme e Tatimeve, jepen pagat indikative për profesione si kamarier, menaxher, roje, pastrues, kuzhinier, punëtor dhe të tjerë. Paga më e ulët është 55,000 lekë për rojen e parkimit dhe varion deri në 70,000 apo 80,000 për kamarierët, 60,000 për punëtorët apo sanitaret, 90,000 ose 110,000  për menaxherët, 140,000 për kuzhinierët apo kryekuzhinierë etj.

Çdo tatimpagues që pagën e punonjësit të tij të deklaruar, për profesionet e sipërpërmendura ose të ngjashme me to, do ta ketë nën nivelin e pagës indikative, do të konsiderohet me risk dhe do të bëhet objekt i verifikimeve të thelluara.

Pra, nëse një kamarier paguhet më pak se 70,000 lekë në muaj nga një biznes që ushtron aktivitet në fushën e turizmit, ky biznes ka risk më të lartë për penalitete.

Popullsia zbret në 2.36 mln banorë, nga emigracioni dhe rënia e lindjeve

Popullsia e Shqipërisë më 1 Janar 2025 rezulton 2.363.314 banorë, duke pësuar rënie me 1,2 %, krahasuar me 1 Janar 2024.

Rënia e popullsisë është rezultat i dy komponentëve kryesorë demografikë:

• Shtesës natyrore, që për vitin 2024 ishte pozitive me +1.208 lindje më shumë se vdekje;

• Migracionit neto, i cili mbeti negativ me -28.836 persona.

Raporti gjinor në lindje u rrit nga 106,8 në vitin 2023 në 107,8 në 2024.

Përllogaritjet e popullsisë më 1 Janar 2025 tregojnë se vetëm qarku i Tiranës shënoi rritje të popullsisë, krahasuar me një vit më parë me 0,2%.

Uljet më të mëdha të popullsisë u shënuan në qarqet: Shkodër (-2,5 %) dhe Kukës (-2,3 %). Tirana, Fieri dhe Elbasani kanë peshën më të lartë në popullsinë gjithsej.

Më 1 Janar 2025, Tirana zë rreth 32,2 % të popullsisë gjithsej, duke vazhduar të jetë qarku më i populluar i vendit, ndjekur nga Fieri dhe Elbasani me nga 9,9 % dhe 9,6 % përkatësisht.

/Monitor

Benz-i perplaset me furgonin me pasagjerë, përfshihet nga flakët

Një aksident i frikshëm ka ndodhur rreth orës 03:30 të mëngjesit në autostradën Fier–Lushnje, pranë vendpushimit të njohur të shoferëve. Ngjarja përfshiu një automjet tip Benz dhe një furgon udhëtarësh, duke shkaktuar disa të plagosur, mes tyre edhe dy persona në gjendje të rëndë.

Sipas burimeve, Benz-i që udhëtonte me shpejtësi të lartë ka goditur nga pas furgonin me pasagjerë, duke shkaktuar humbjen e kontrollit dhe përplasjen e fortë të të dy mjeteve. Si pasojë, automjeti tip Benz theu barrierat mbrojtëse metalike të rrugës, përfundoi në kanalin kullues përgjatë autostradës dhe u përfshi nga flakët.

Katër personat që ndodheshin brenda Benz-it fatmirësisht kanë arritur të dalin nga mjeti dhe të shpëtojnë gjallë, megjithëse janë dërguar në spital për trajtim mjekësor.

Ndërkohë, furgoni që po udhëtonte drejt aeroportit të Rinasit me 7 pasagjerë ka përfunduar disa qindra metra më tej nga vendi i përplasjes. Të gjithë udhëtarët kanë marrë lëndime, ndërsa dy prej tyre ndodhen në gjendje të rëndë në Spitalin Rajonal të Lushnjes.

1...333435...493Faqja 34 nga 493