Një aksident i rëndë ka ndodhur në autostradën Rrogozhinë-Lushnjë, në afërsi të fshatit Golem këtë të premte. Automjeti tip Mercedez me targa AA 334 RP ka humbur kontrollin pasi ka kaluar barrierat e hekurta ka përfunduar në kanalin anësor të autostradës. Drejtuesi i automjetit K.B. në momentin e aksidentit udhëtonte bashkë me dy fëmijët e mitur dhe pas aksidentit janë transportuar me urgjencë në spitalin e Lushnjës dhe ndodhen nën kujdesin e mjekëve. Policia dhe grupi hetimor janë në vendngjarje për të dokumentuar ngjarjen dhe shkaqet e aksidentit. Paraprakisht dyshohet lagështia në dhe shpejtësia r lartë. Pranë spitalit të Lushnjës mësojmë se dy fëmijët dhe drejtuesi janë jashtë rrezikut për jetën.

Janë paraqitur në gjykatë të akuzuarit për ngjarjen me dy viktima në Roskovec.

Në gjykatë janë paraqitur: Altin Kukaj 49 vjeç autori, Ervis Kukaj 21 vjeç djali, Emauris Kukaj 18 vjeç djali, Tomori Zykaj 67 vjeç Cukalat BR Dhe babai Y.Kukaj 79 vjeç.

Prokurore e çështjes është Elona Gixhari.
Gjyqtare është Glediana Bregu

Ngjarja

Ne dt 10 shtator ,rreth orës 14:00, në fshatin Kurjan, Roskovec, shtetasi A. K., 49 vjeç, dyshohet se ka vrarë me armë zjarri, shtetasit L. K. dhe G. K.

Shërbimet e Policisë eshte vetedorezuar në Komisariat, autori i dyshuar i ngjarjes, shtetasin A. K.Gjithashtu, shërbimet e Policisë kanë sekuestruar armën e dyshuar të krimit (armë zjarri automatike).

Në pranga kanë rënë edhe tre fëmijët e autorit të ngjarjes së djeshme në Roskovec, të cilët janë bashkëpunëtorë në vrasjen e dyfishtë

Në vijim të veprimeve të thelluara hetimore të kryera në drejtimin e Prokurorisë, për zbardhjen e rrethanave të ngjarjes së ndodhur ditën e djeshme, në Roskovec, ku u vranë me armë zjarri 2 shtetas, specialistët për Hetimin e Krimeve të Rënda të DVP Fier arrestuan në flagrancë shtetasit:

-A. K., 49 vjeç, E. K., 21 vjeç dhe E. K., 18 vjeç (babai dhe 2 djemtë e tij), të tre banues në Fier, pasi dyshohet se në bashkëpunim me njëri-tjetrin, kanë vrarë me armë zjarri automatik, shtetasit L. K., 46 vjeç, dhe G. K., 52 vjeç, për motive të dobëta;

T. Z., 67 vjeç, banues në fshatin Çukalat, për veprën penale “Përkrahja e autorit të krimit”, parashikuar nga neni 302 i K. Penal.

Gjithashtu, u referuan materialet në Prokurori ku nisi procedimi në gjendje të lirë për shkak të moshës, për shtetasin Y. K., 79 vjeç, banues në fshatin Kurjan (babai i shtetasit A. K.), për veprat penale “Mbajtja pa leje dhe prodhimi i armëve, armëve shpërthyese dhe i municionit”, dhe “Prodhimi dhe mbajtja pa leje i armëve të gjuetisë dhe sportive”, parashikuar nga nenet 278 dhe 280 i K. Penal.

Në cilësinë e provës materiale u sekuestruan 1 armë zjarri automatik, 1 armë zjarri pistoletë, 1 armë gjahu, 4 krehra, municion luftarak, 5 automjete dhe 1 motoçikletë.

Një konflikt i momentit mes autorit Altin Kuka dhe dy viktimave, xhaxhait dhe nipit Lavdosh dhe Gramos Kurtaj është bërë shkak për tragjedinë në Roskovec.

Ata janë qëlluar për vdekje me breshëri plumbash nga 49-vjeçari Kuka.

Shkak për ngjarjen dyshohet se ka qenë një sherr i nisur mes fëmijëve, duke degjeneruar në përdorimin e armës së zjarrit nga Altin Kuka.

Viktimat kanë ndërruar jetë në spital, ku u dërguan me urgjencë pas të shtënave

Në reagimin e parë për mediat, Policia e Fierit njoftoi se ka arrestuar autorin e ngjarjes, ndërsa është sekuestruar dhe arma e krimit.

Burimet e kufizuara financiare dhe njerëzore i shtyjnë mediat online që të mbijetojnë përmes riprodhimit të informacionit, duke cenuar sipas ekspertëve të drejtat e autorit dhe rritur rrezikun e përhapjes së dizinformimit dhe propagandës në Shqipëri.

Saktësia dhe paanshmëria janë dy parimet bazë të Kodit të Etikës së Gazetarit, që i detyron këta të fundit që të verifikojnë informacionin përpara botimit si dhe të bëjnë çmos që t’i ofrojnë publikut raportim të paanshëm dhe të balancuar.

Por në epokën e mediave dixhitale, Kodi i Etikës po zëvendësohet përditë e më shumë nga praktika e ‘copy-paste’, duke ngritur shqetësime për cenimin e së drejtës së autorit si dhe rrezikun e përhapjes së propagandës dhe dizinformimit.

Shqipëria numëron me qindra portale informacioni, duke ofruar në dukje një fasadë diversiteti qëndrimesh dhe pikëpamjesh. Megjithatë në realitet, shumica e këtyre mediave kanë burime të kufizuara financimi dhe një numër të vogël gazetarësh, çka i shtyn të mbijetojnë përmes riprodhimit të përmbajtjes që marrin nga mediat e tjera.

Ekspertët e medias thonë se kjo situatë ka sjellë një shkelje masive të së drejtës së autorit në mjedisin mediatik shqiptar.

“Të drejtat e autorit janë një nga problemet më të mëdha të gazetarisë në Shqipëri,” thotë Koloreto Cukali, kryetar i Këshillit të Medias.

“Në momentin që gazetaria funksionon me ‘copy paste’, ai që punon me përkushtim nuk diferencohet nga ai që thjesht kopjon,” shtoi ai, ndërsa theksoi se nëse nuk do të kishte shkelje të së drejtës së autorit, në vend nuk do të mbeteshin më shumë se 10 portale.

Ligji “për të drejtën e autorit” nuk e ndalon riprodhimin e ngjarjeve të aktualitetit pa autorizimin e autorit, me qëllim informimin e publikut. Në rastet e riprodhimit të artikujve apo fotografive, ligji parashikon që kjo mund të ndodhë nëse autori nuk e ka ndaluar shprehimisht një përdorim të tillë.

Megjithatë, ligji përcakton në të gjitha rastet që materialet e riprodhuara duhet detyrimisht të tregojnë burimin dhe autorin e veprës.

Paralelisht me ligjin, edhe Kodi i Etikës së Gazetarit e dënon plagjiaturën dhe u kërkon gazetarëve që të respektojnë të drejtat e autorit dhe duhet t’ia atribuojnë informacionin që përdorin burimit origjinal.

Por drejtues të mediave thonë se ata i përpunojnë informacionet që marrin nga mediat e mëdha, pasi e kanë të vështirë që të prodhojnë vetë përmbajtje origjinale.

“Është shumë e vështirë që të mbash një portal në këmbë me materiale origjinale, pasi kërkon forcë punëtore dhe mbështetje financiare,” thotë Era Dushi, drejtuese e portalit Darling.al që publikon të rejat nga personazhet e showbizzit dhe stili i jetesës.

“Përpiqemi t’i ndryshojmë dhe t’i përshtasim, jo vetëm copy-paste,” shtoi ajo, duke theksuar se informacionet i siguronin nga mediat e mëdha, rrjetet sociale dhe postimet e personave publikë.

Elvin Luku, drejtues i MediaLook dhe pedagog i Gazetarisë thotë se gazetaria ‘copy-paste’ nuk është vetëm një problem i medias shqiptare, por një problem global dhe zgjidhja sipas tij vjen nga atribuimi i burimit origjinal dhe autorit të shkrimit.

“Shpeshherë autorët nuk merren në konsideratë dhe kjo është një shkelje e rëndë e të drejtave të tyre,” tha Luku për BIRN.

Ai theksoi ndërkohë se edhe në rastet kur autori ndalon shprehimisht shpërndarjen, është e vështirë që të gjendet e drejta e autorit në gjykatë.

“Pjesa dërmuese e portaleve janë të paregjistruar, gjë që e bën të vështirë ndjekjen ligjore,”  shton ai.

Cënimi i së drejtës së autorit nuk është shqetësimi i vetëm i të ashtuquajturit fenomeni ‘copy-paste’ në Shqipëri. Ekspertët e medias besojnë gjithashtu se kjo po sjell një përforcim të propagandës politike si dhe rritjen e dizinformimit, në rastet kur lajmi i rishpërndarë është i pasaktë apo i paverifikuar.

Luku i tha BIRN se media që ai drejton ka zhvilluar një hulumtim sesi mediat më të mëdha në vend pasqyronin kronikat e gatshme të shpërndara nga Bashkia Tiranë dhe nga të dhënat rezultoi se këto informacione transmetoheshin të paverifikuara në masën nga 93-99%.

Edhe Cukali nga Këshilli Shqiptar i Medias thekson se kjo praktikë ngre shqetësime për cilësinë e informacionit dhe përhapjen e dizinformimit. Për këtë arsye, ai sugjeron se ka ardhur koha për një ndryshim në ligj në raport me realitetin e ri të rrjeteve sociale.

“Copy-paste” është shumë i dëmshëm, sepse nëse lajmi i parë që kopjon është dezinformues, dhe nëse ky lajm kopjohet 30 herë, atëherë dezinformimi shpërndahet 30 herë,” përfundoi Cukali për BIRN.-BIRN ALBANIA-

Drejtoria Vendore e Policë Fier 

Komisariati i Policisë Fier arrestoi shtetasit:

-A. M., 44 vjeç, banues në fshatin Frakull, pasi ka ushtruar dhunë ndaj bashkëshortes së tij dhe e ka kanosur atë, me mjet prerës (thikë). Mjeti prerës u sekuestrua në cilësinë e provës materiale;