Turqia u ndalon pasagjerëve të ngrihen në këmbë përpara se të fiket shenja e rripit të sigurimit në avion, në të kundërt do të gjobiten.

Autoriteti Turk i Aviacionit Civil (CAA) ka miratuar rregulloren e re për të përmirësuar sigurinë dhe për të zvogëluar ndërprerjet gjatë procesit të zbarkimit të avionëve.

Kur pasagjerët nxitojnë të ngrihen, ndërsa avioni është ende në lëvizje, ata shpesh shtyjnë pasagjerët e tjerë ose rrezikojnë të shkaktojnë lëndime duke u përpjekur të hapin ndarjet sipër kokësVendimi synon të zvogëlojë nevojën që ekuipazhi i kabinës të lëshojë në mënyrë të përsëritur udhëzime sigurie që shpesh injorohen.

Sipas rregullit të ri, pasagjerët duhet të qëndrojnë të ulur me rripat e sigurimit të lidhur derisa avioni të arrijë vendin e caktuar të parkimit dhe shenja “lidh rripin e sigurimit” të çaktivizohet.

Ata gjithashtu duhet të presin që të thirret rreshti i tyre për të zbritur nga avioni, përcjell A2 CNN.

Rregullorja, e bazuar në nenin 143 të Ligjit të Aviacionit Civil Turk nr. 2920, prek të gjithë transportuesit që operojnë fluturime në Turqi.

Pasagjerët që shkelin rregullat e reja do të përballen me gjobë prej 70 dollarësh ose 62 euro.Sipas rregullores, linjat ajrore janë të detyruara t’u kujtojnë pasagjerëve të vendosin rripat e sigurimit gjatë dhe pas uljes derisa të arrijnë në pozicionin e parkimit dhe të theksojnë shprehimisht se çdo shkelje do t’i raportohet autoritetit të aviacionit dhe do të vendoset një gjobë”, deklaron CAA.

Turkish Airlines e ka përditësuar tashmë njoftimin e uljes, i cili paralajmëron në mënyrë të qartë pasagjerët për penalitete të mundshme për mosrespektimin e vendimit, raporton A2 CNN.

Aty thuhet, “pasagjerët që nuk i përmbahen rregullave do të raportohen në Drejtorinë e Përgjithshme të Aviacionit Civil përmes një Raporti për Pasagjerët e Shkelur dhe do t’u vendoset një gjobë administrative në përputhje me rregulloret ligjore në fuqi.”

Reagimet kanë qenë të shumta në lidhje me këtë vendim.

Ndërsa disa e kanë lavdëruar, komentet në mediat sociale sugjerojnë se ka edhe skepticizëm sa i përket efektivitetit të masës për të frenuar zakonin bezdisës të përdorimit të fletëpalosjeve.

Ende nuk dihet nëse linjat ajrore të tjera do të paraqesin paralajmërime të ngjashme për Turkish Airlines për fluturimet që mbërrijnë në Turqi

Mjetet green vijojnë të rrisin dominimin e tyre në qarkullimin rrugor në Shqipëri. Sipas Drejtorisë së Përgjithshme të Shërbimeve të Transportit Rrugor, për periudhën Janar-Prill 2025 janë regjistuar 1.277 mjete all-electric ose 56% më shumë krahasuar me të njëjtën përiudhë të një viti më parë. Ndërsa, 32.8% e mjeteve me 0 km të regjistruara për herë të parë janë elektrike.

Ecuria pozitive reflektohet edhe në faktin se, në total flota e mjeteve elektrike në prill të 2025 arriti 7.655, pra 20 % më shumë krahasuar me vitin 2024. Nga ana tjetër, përsa i përket mjeteve elektrike/hybrid plug- in, 74% e autoveturave me 0 Km të regjistruara për herë të parë janë electric/ hybrid plug- in.

Këto shifra dëshmojnë një transformim në kulturën e transportit në vendin tonë dhe reflekton interesin e qytetarëve për alternativat e gjelbra të transportit.

Po kështu, tendenca pozitive e regjistimeve të mjeteve elektrike pasqyrohet edhe në impaktin ambiental, pasi ka kontribuar në uljen e emetimeve të CO2 me 10.104.600 kg CO2/vit më pak. Kjo përkthehet në 336.820 mushkëri ambientale më të pastra.

Po kështu, sipas të dhënave nga DPSHTRR, 72 % e autoveturave të regjistruara gjatë janar-prill 2025 janë Euro 5 e sipër apo më të reja, duke përmirësuar ndjeshëm cilësinë por dhe duke rritur sigurinë e flotës rrugore në vend.

Shqipëria po ecën drejt një tranzicioni më miqësor me mjedisin. Të dhënat tregojnë për një rritje të interesit për makina ekologjike green në vend dhe një ndërgjegjësim të shtuar nga ana e qytetarëve duke përqafuar teknologjitë e pastra në transport.

Tatimpaguesit që nuk paguajnë në kohë detyrimet e tyre, rrezikojnë bllokim të automjeteve personale apo të biznesit.

Administrata Tatimore ka nënshkruar një marrëveshje me Drejtorinë e Përgjithshme të Shërbimeve të Transportit Rrugor, në bazë të së cilës është mundësuar kërkimi i të dhënave mbi mjetet e tatimpaguesve në kohë reale në sistemin tatimor.

Të gjithë tatimpaguesit në zbatim të legjislacionit në fuqi duhet të përmbushin në afat shlyerjen e të gjitha detyrimet tatimore, pasi në të kundërt Administrata Tatimore do të vendosë masa të sigurimit mbi mjetet dhe do të zbatojë të gjitha procedurat e mbledhjes me forcë.

Tatimet  ju bën thirrje tatimpaguesve të përmbushin detyrimet tatimore në mënyrë vullnetare dhe të mos tjetërsojnë pasuritë e tyre për të shmangur këto detyrime.

Çdo subjekt që hyn në transaksione shit-blerje të mjeteve, duhet të sigurohet që mjetet objekt transaksioni nuk i përkasin tatimpaguesve debitorë.  Tatimet theksojnë se çdo akt i nënshkruar në keqbesim ndërmjet palëve me qëllim shmangien e detyrimeve ndaj Administratës Tatimore do të sjellë pasoja ligjore për pavlefshmëri.

Nga ana tjetër, Drejtoria e Kontrollit të Specializuar pranë Administratës Tatimore ka nisur kontrollin për makinat e luksit të blera nga individë të paregjistruar në organet tatimore. Sipas njoftimit të tatimeve, nga të dhënat e vëna në dispozicion nga Drejtoria e Përgjithshme e Shërbimeve të Transportit Rrugor rezulton se 400 automjete janë blerë gjatë vitit 2023-2024 nga persona të cilët nuk kanë të ardhura të deklaruara!

Administrata Tatimore u sugjeron individëve të deklarojnë të ardhurat e përdorura për blerjen e këtyre mjeteve në mënyrë që të shmangin penalitetet. Sipas tatimeve, të gjithë individët që zotërojnë automjete të kategorisë luksoze do të përfshihen në procesin e verifikimit nëpërmjet analizës së: Të ardhurave të deklaruara pranë Administratës tatimore; Përputhshmërisë së tyre me vlerën e pasurive të zotëruara; Dokumentacionit justifikues të burimit financiar.

Në prag të sezonit turistik veror, çmimet e apartamenteve që jepen me qira ditore në zonat më të frekuentuara turistike, si Dhërmi, Shëngjin, Himarë dhe Velipojë, kanë shënuar një rritje të lehtë prej 3-5%.

Sipas të dhënave nga platforma Booking, gjatë muajit qershor dhe në fillim të korrikut, çmimet për një natë variojnë nga 45 euro në Velipojë e renditur si zona më e lirë për akomodim, deri në 95 euro në Dhërmi, që aktualisht është zona me çmimin më të lartë mesatar për natë në hotele apo struktura të ngjashme.

Ndërkohë, edhe në platformën Airbnb, ku ofrohen apartamente për qira afatshkurtër, vihet re një çmim mesatar prej afro 90 dollarësh për natë në fillim të muajit korrik.

Nga ana tjetër, Ksamili duket se ka pësuar një ulje të lehtë në çmimet e akomodimit afatshkurtër, ku çmimi për një natë qëndron aktualisht në intervalin 55–60 dollarë. Kjo përfaqëson një zbritje krahasuar me një vit më parë, kur çmimet ishin më të larta për të njëjtën periudhë.

Për sa i përket numrit të listimeve në Airbnb, në fillim të verës së kaluar Shqipëria arriti në 21,500 listime aktive, duke shënuar një rritje prej 39% krahasuar me të njëjtën periudhë të vitit 2023.

Pritshmëritë për këtë vit janë që ky trend të vazhdojë, megjithëse me një ritëm më të moderuar rritjeje, për shkak të fluksit më të madh të turistëve të huaj dhe vendas që kanë mbërritur në vend gjatë muajve të parë të vitit 2025.

Qindra studentë të Harvardit protestuar, pas vendimit të Donald Trump për të ndërprerë të gjitha kontratat që qeveria federale ka me universitetin prestigjioz.

Presidenti amerikan ka nisur një sulm të ashpër ndaj Harvardit.

Masa më e fundit e njoftuar dje nga administrata Trump ishte t’u kërkonte autoriteteve federale të hartonin një listë të kontratave që kanë nënshkruar me Harvardin dhe të informonin “nëse ato mund të anulohen ose të ridrejtohen diku tjetër”. Sipas shtypit amerikan, shuma totale e këtyre kontratave arrin në 100 milionë dollarë.

Trump = tradhtar”, shkruhej në një nga pankartat që mbanin protestuesit, mes thirrjeve studentët e huaj, të cilët republikani dëshiron t’i pengojë të studiojnë në universitetet amerikane me arsyetimin se disa vijnë nga vende “që nuk janë aspak miqësore me SHBA-në”.

Megjithatë, një gjyqtar federal në Massachusetts pezulloi përkohësisht anulimin e certifikimit të Sistemit të Informacionit për Studentët dhe Vizitorët e Shkëmbimit (SEVIS) të Harvardit për vitin akademik 2025-26, i cili ishte kërkuar nga Sekretarja e Sigurisë Kombëtare të SHBA-së, Christie Noem.

4 automjete dhe një motoçikletë janë përfshirë në një aksident të ndodhur pasditen e sotme tek bulevardi i palmave në Lushnje.Fatmirësisht ka pasur vetëm dëme materiale dhe pa pasoja për jetë njerëzish.

Ambulanca është thirrur për sigurinë e personave të përfshirë në aksident për ekzaminime.Policia ka shkuar menjëherë në vendngjarje dhe përveç dokumentimit të aksidenti po disiplinon dhe trafikun qytetas.

Kryeministri Edi Rama ka publikuar disa foto nga procesi i punës në zgjerimin e superstradës Tiranë-Durrës.Ai shkruan se punimet kanë ecur me ritme të shpejta, ndërsa deri më tani ka përfunduar 50% e realizimit fizik.

“MIRËMËNGJES 😊 dhe nga kantieri i punës për zgjerimin e superstradës Tiranë-Durrës, Faza II, ku punimet kanë ecur me ritme shumë të mira e tashmë realizimi fizik ka arritur në masën 50%, ju uroj një ditë të mbarë”, shkruan Rama.