Fier Një ngjarje e pazakontë ka ndodhur pak minuta më parë në aksin Fier- Patos, pranë Drejtorisë së Policisë. Drejtuesi i një traileri , té ndërmarrjes sé Ujitjes dhe Kullimit Fier ka mbetur i dëmtuar rëndë teksa ka qënë duke ndërruar gomën.
Nga presioni , goma kka plasur si bombë duke dëmtuar drejtuesin Ismail Cjapi, i cili është transportuar me urgjencë drejt Spitalit nga kalimtarë të rastit, ku ndodhet nën kujdesin e mjekëve. Sipas informacioneve paraprake , i dëmtuari aktualisht ndodhet jashtë rrezikut për jetën, por gjëndja e tij po monitorohet me kujdes.

Një 32 vjeçar është vënë në pranga për shfrytëzim prostitucioni ndaj një gruaje.Policia e Beratit bën me dije se në kuadër të operacionit “Precedenti”, si dhe në zbatim të masës së sigurisë “Arrest në burg”, të caktuar nga Gjykata e Beratit, përkatësisht për veprat penale “Shfrytëzimi i prostitucionit “ dhe “Prostitucioni”, u kap dhe u vu në pranga shtetasi A. K., 32 vjeç, banues në Berat, gjithashtu në bashkëpunim me Stacionin e Policisë Memaliaj u kap dhe ndalua shtetasja A. H., 36-vjeçe, banuese në Memaliaj, Tepelenë, për veprën penale “Prostitucioni”.

32-vjeçari akuzohet se ka shfrytëzuar për prostitucion në Berat dhe në Lushnjë, shtetasen A. H.Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.

Autorët e grabitjes dhe vrasjes së 89-vjeçarit Çaush Shehaj në fshatin Klos të Mallakastrës, janë dërguar për gjykim nga Prokuroria e Fierit, që mbylli hetimet për ta.

Ervis Halimi, Musa Gudo dhe shtetasi me iniciale F.Ç. akuzohen për veprat penale vjedhja me pasojë vdekjen, e kryer në bashkëpunim dhe mbajtja pa leje dhe prodhimi i armëve, armëve shpërthyese dhe i municionit.

Nga hetimet e Prokurorisë, provohet se në  19 nëntor 2022, rreth orës 02:00, këta shtetas kanë vjedhur me armë banesën e 89-vjeçarit Çaush Shehaj, të cilin edhe e kanë dhunuar fizikisht. Si pasojë e plagëve të marra në pjesën e fytyrës dhe të trupit, i moshuari ndërroi jetë.

Autorët i shkaktuan plagë të rënda në trup edhe bashkëshortes së 89-vjeçarit. Shenjat e gjakut që u gjetën në banesë po thyerja e dyerve dhe mobiljeve, ishin prova të forcës që autorët përdorën.

Ngjarja e rëndë e dy viteve më parë, tronditi banorët e fshatit Klos në Mallakastër.

Ish-presidenti i Republikës, Ilir Meta, i kërkon Gjykatës së Lartë ta lirojë nga qelia.

Përmes avokatit Genci Gjokutaj, Meta ka depozitur një rekurs kundër vendimit të 19 nentorit 2024, që konfirmoi masën e sigurisë “arrest në burg” ndaj tij.Meta qëndron në paraburgim teksa po hetohet nga SPAK për “korrupsion”, “pastrim të parave” dhe “fshehje e mosdeklarim të pasurisë”.

Janë identifikuar raste të vjedhjes së llogarive bankare të qytetarëve nga faqe të rreme në internet. Deri më tani, personat që fshihen pas këtye mashtrimeve janë shtetas të huaj të cilët bëjnë oferta joshëse në faqet e bizneseve shqiptare për të vjedhur të dhënat personale dhe bankare të qytetarëve shqiptarë.

Në një deklaratë për mediat, Sekretari i Shoqatës Shqiptare të Bankave, Spiro Brumbulli, u shpreh se këto përpjekje mashtruese kanë kohë që qarkullojnë.

Këto mashtrime vijnë me mesazh në telefon dhe mund të ndodhë edhe me email në adresën personale. Edhe ato që shfaqen në rrjetet sociale, pasi i klikon të kërkojnë njësoj të dhëna bankare dhe personale. Nëse ndjek linqet e sugjeruara, ato të kërkojnë të dhëna personale dhe të dhëna sigurie, si kode, PIN etj., si në një rast të vërtetë, por që paratë shkojnë në llogaritë e tyre, sepse lidhja është në një faqe të rremë”.

Shoqata Shqiptare e Bankave bën thirrje që qytetarët të mos tregojnë kuriozitet ndaj ofertave joshëse të këtyre tregtarëve të rremë që shpeshherë përdorin emra, apo marka të mirënjohura biznesesh.

“Fshini çdo mesazh, apo email të ardhur nga një burim i panjohur që ju kërkon të kryeni veprime në linqe të cituara, apo të kryeni telefonatë në numrin e treguar në tekst. Kryeni pagesa online vetëm në dyqanet dhe tregtarët e besueshëm, pasi të keni verifikuar faqen e tyre zyrtare në internet ose në qoftë se keni kryer më përpara një blerje të suksesshme. Kontrolloni në mënyrë periodike veprimtarinë e llogarisë tuaj nëpërmjet shërbimit online banking dhe aktivizoni shërbimet e njoftimeve. Njoftoni menjëherë bankën tuaj për të gjurmuar burimin e mesazhit dhe marrë masa për të bllokuar dërguesin”.

Bankat porosisin klientët që të tregojnë kujdes kur ndajnë të dhënat bankare me të tjerë.