Gazment Bardhi, kreu i Grupit Parlamentar të PD, në një konferencë për mediat nga selia e kësaj partie, tha se vendimi i Apelit ndaj deputeti Ervin Salianji është politik dhe i urdhëruar nga Edi Rama.

Ai u shpreh se ndaj kësaj padrejtësie ne nuk duhet të pajtohemi, nuk duhet të nënshtrohemi, dhe për këtë arsye i kërkojmë Ervin Salianjit të mos e zbatojë vendimin politik të Edi Ramës të firmosur nga 3 gjyqtarë të Apelit.

Bardhi tha se nga ky moment nuk do të ketë asnjë marrëdhënie normale institucionale me mazhorancën e komanduar nga Edi Rama. Bardhi u shpreh se do të ketë një përshkallëzim të aksionit opozitar, duke nisur nga data 6 tetor.

Kjo nuk është betejë që ne demokratët e bëjmë për partinë, por e bëjmë për Shqipërinë”, tha Bardhi.

“Në përfundim të mbledhjes së Grupit Parlamentar dua të ndaj me ju qëndrimin e grupit lidhur me vendimin e djeshëm politik të urdhëruar nga Edi Rama, dhe të shkruar dhe të shpallur nga një Gjykatë Apeli i Juridiksionit të Përgjithshëm.

Ky është një akt i mirëfilltë hakmarrjeje të grupeve kriminale ndaj një deputeti të opozitës që ka pasur guximin ti drejtojë gishtoin lidhjeve të grupeve kriminale me pushtetin e Edi Ramës”, tha Bardhi.

Në këtë kuadër, Bardhi tha se Grupi Parlamentar në mënyrë unanime vendosi ngujimin pa afat dhe pa ndërprerje të deputetëve në selinë e PD-së.

“Në këtë rast jemi të detyruar të respektojmë vendimin personal të deputetit Ervin Salianji, i cili ka vendosur që të përballet me të keqen, pa prova, pa fakte, me burgun politik që i ka caktuar Edi Rama. Kjo sakrificë duhet të shërbejë si këmbanë alarmi për secilin prej nesh”, tha Bardhi, duke shtuar se vendimi personal i Salianjit do të zbatohet.

Po mbahet në selinë e PD mbledhja e grupit parlamentar.

Bardhi propozon Grupit: Mos pranimin e padrejtësisë, grupi parlamentar t’i kërkojë Ervin Salianjit të mos ekzekutojë vendimin politik të Edi Ramës. Grupi Parlamentar të ngujohet 24 orë pa ndërprerje, pa afat, në selinë e Partisë Demokratike.

Mos pranimin e padrejtësisë, grupi parlamentar t’i kërkojë Ervin Salianjit të mos ekzekutojë vendimin politik të Edi Ramës. Grupi Parlamentar të ngujohet 24 orë pa ndërprerje, pa afat, në selinë e Partisë Demokratike”, ishte propozimi i Gazment Bardhit në mbledhje.

Më 15 tetor pritet nisja e negociatave me Bashkimin Europian, me hapjen e grupit të parë të kapitujve, ku përfshihen: Prokurimi, Statistikat, Gjyqësori dhe të drejtat themelore, drejtësia, liritë individuale, siguria dhe kontrolli financiar.

Vendimi i marrë nga ambasadorët e 27 shteteve anëtare të Bashkimit Europian, nënkupton se procesi i integrimit në BE të Shqipërisë dhe Maqedonisë së Veriut, procese që deri më tani kanë qenë bashkë, do të ndahen.

Pavarësisht se RMV zgjidhi problematikat me Greqinë, për shkak të të cilave ndryshoi edhe emrin, nuk arriti të zgjidhë problemet me Bullgarinë, aq më tepër me ardhje në pushtet të qeverisë së re, ku kryeministri Hristijan Mickoski ka deklaruar se edhe marrëveshjet e deritanishme do të rishikohen.

Mbi këtë fakt ka reaguar ish-kryeministri i Bullgarisë, Boyko Borisov, i cili mban  edhe postin e kryetarit të komitetit të punëve të jashtme.

“Nga ne kërkohet durim. Reaguan të gjitha institucionet. Ne nuk duhet të tregohemi agresivë, sepse taktika e kolegëve tanë nga Maqedonia e Veriut është që të na bëjnë fajtorë. Dua të siguroj popullin bullgar se gjithçka që bëmë në Partinë Popullore Evropiane, në Këshillin e Evropës, në Komisionin Evropian është dëgjuar shumë mirë. Kështu funksionojnë institucionet evropiane. Ata nuk kërcënojnë, nuk bëjnë fyerje, dhe rezultati është se Shqipëria do të ecë përpara, ajo e pranoi pakicën bullgare, dhe kolegët tanë nga Maqedonia e Veriut duhet të mbajnë pasojat e sjelljes së tyre. Komisioni i Çështjeve të mos sillet emocionalisht, por të sillet në mënyrë pragmatike dhe të arsyeshme. Ndonjëherë ata thonë se hakmarrja shërbehet më së miri e ftohtë. Ne si shtet duhet të ngrihemi dhe të mos ndjekim tonin e ndonjë ministri”, tha Borisov.