Një aksident ka ndodhur në mesnatë në hyrje të qytetit të Beratit, në vendin e quajtur “Dogana”.Një automjet, tip ‘Hyundai’, që po qarkullonte në drejtim të qytetit të Beratit, ka humbur kontrollin dhe ka dalë nga rruga. Makina është rrokullisur dhe më pas ka përfunduar në kanalin në anë të rrugës.

Si pasojë e përplasjes janë plagosur 3 shtetasit që ndodheshin brenda në mjet. Të plagosurit mësohet se janë dy vëllezër dhe një grua, janë transportuar me ambulancë drejt Spitalit Rajonal Berat.

Burime nga spitali i Beratit kanë konfirmuar se të plagosurit kanë marrë plagë të shumta dhe ndodhen nën kujdesin e mjekëve, jashtë rrezikut për jetën. Në vendngjarje kanë shkuar forca të policisë, që po kryejnë edhe kqyrjen e vendit të aksidentit, për të nxjerrë edhe shkaqet e tij.

Me një ofertë prej rreth 36 mln euro, pa TVSH Autoriteti Rrugor Shqiptar ka shpallur kompaninë fituese për rehabilitimin e aksit rrugor Fier – Kthesa e Patosit – Ballsh – Fratar.

Fondet për këtë aks u vunë në dispozicion me ndryshimet që iu bënë buxhetit të shtetit pak kohë më parë, teksa fitues është shpallur kompania “Gjoka Konstruksion”.

Sipas dokumenteve të tenderit aktualisht rruga Fier – Fratar është në gjendje tejet të amortizuar, pasi prej vitesh nuk janë kryer investime.

“Si pasojë e zhvillimeve demografike të ndodhura në 20 vitet e fundit, kjo rrugë në disa pjesë të saj kalon në qendrat e banuara, rritja e të cilave në numër popullsie dhe mungesa e investimeve, në rrugë, ka çuar njëkohësisht edhe në rritjen e numrit të aksidenteve rrugore”, – thuhej ndër të tjea në dokumentet e tenderit.

Ndërkaq, segmenti ku do të ndërhyhet ka një gjatësi prej 43.6 km, përfshirë qytetin e Ballshit, me gjatësi prej 0.9 km. Pjesa tjetër ndahet në 3 segmente, ku i pari nis nga Fieri, deri në Kthesën e Patosit, me gjatësi 5.9 km.

Segmenti i dytë përfshin aksin kthesa e Patosit – Hyrje Ballsh, me një gjatësi 17.2 km, ndërsa i treti salje Ballsh – Fratar, me një gjatësi 19.6 km.

Ne tregun e sotem ne pazar ne Fier,Roskovec e Mallakaster  ,cmimi per kg i gjelit te detit ishte 800 leke te reja per kg  ( pesha e gjalle) nderkohe qe pula e detit ishte 1000 leke kg .Ne treg rastisje te gjeje dhe fermere qe kerkonin edhe cmime me te larta ,duke e justifikuar cmimin ,me rritjen e tyre bio

Rritesit e gjelit te detit ne Fier qe vijne nga zona te ndryshme per te tregetuar , jane shprehur se kete vit ,cmimi eshte me i ulet pasi ka rene fluksi i bleresve ,por edhe pasi ,ka sasi me te medha ne numer te gjelave qe rriten nga fermeret.

 Shume prej rritesve te gjelave te zones se Fierit , Roskovecit e Mallakatres jane shprehur se prisnin nje cmim me te larte kete vit por deri tani jane te zhgenjyer. 

Ata shpresojne qe  ne ditet ne vijim dhe kur afrojne festat te kete nje rritje te ketij cmimi pasi sipas tyre kjo do te kompensonte mundimet dhe shpenzimet per rritjen e gjelit te detit

Në një kohë kur vendet e Bashkimit Europian kanë hedhur hapa të shumtë drejt implementimit të makinave elektrike, Shqipëria është ende duke i hedhur këmbët “çalë-çalë”.

Sipas të dhënave nga Eurostat, gjatë vitit të kaluar, në vendet e BE-së mbi 45% e automjeteve të importuara ishin me bateri ose hibride. Ndërkohë, në Shqipëri, në të njëjtën periudhë, sipas të dhënave nga DPSHTRR, importimi i automjeteve elektrike ose hibride nuk zinte as 5% të totalit të importuar.

E thënë ndryshe, nga rreth 75 mijë automjete të importuara në vitin 2023, vetëm 5% ishin elektrike ose hibride. Kjo statistikë lidhet ngushtë me faktin që shqiptarët po preferojnë të importojnë makina të përdorura me motorë nga Koreja e Jugut, me çmime që po konkurrojnë gjithnjë e më shumë tregjet europiane.

Ky trend vjen për shkak se vende nga Azia kanë miratuar politika që nuk lejojnë më në qarkullim automjete të vjetra, duke nxitur makinat me bateri dhe duke i detyruar pronarët e këtyre automjeteve t’i shesin kundrejt çmimeve të ulëta.

Sipas të dhënave nga Drejtoria e Përgjithshme e Shërbimeve të Transportit Rrugor, gjatë periudhës janar-tetor 2024, importimi i makinave nga Koreja e Jugut që punojnë me naftë ose benzinë zë rreth 75% të totalit.

Gjatë muajit tetor të 2024, automjetet e ardhura nga vendi aziatik arritën të fitojnë terren kundrejt tregjeve europiane, si Italia dhe Gjermania.

Erozioni, një forcë natyrore, e kombinuar me pasojat e dorës njerëzore është kthyer në një kërcënim të heshtur, një katastrofë që na kalon përpara syve pa bërë zhurmë.

Sipas specialistëve rreth 150 kilometra të vijës sonë bregdetare po i nënshtrohet me ritme të shpejta erozionit duke shkaktuar dëme të konsiderueshme social-ekonomike.

Sipas një raporti të Programit të Zhvillimit të Organizatës së Kombeve të Bashkuara, humbja e tokës për shkak të erozionit është 2-3 herë më e lartë në Shqipëri sesa në vendet e tjera të Mesdheut dhe 10 deri në 100 herë më e madhe se sa në shumë vende të tjera Europiane. Ndërsa institucionet shtetërore qëndrojnë indiferent.

Bregdeti mahnitës shqiptarë i shtrirë në 454 kilometra, një pasuri natyrore e jashtëzakonshme, ka tërhequr vëmendjen e miliona turistëve nga e gjithë bota.

Plazhet me rërë të artë, ujërat e kristalta të deteve Jon dhe Adriatik, si dhe vijat malore që prekin bregun, krijojnë një peizazh unik të pakrahasueshëm.

Nga plazhet e gjata dhe të qeta të Vlorës, te bukuritë e Shëngjinit e deri në ishujt dhe gjiret e fshehura të jugut, çdo pjesë e bregdetit shqiptar ofron një eksperiencë të paharrueshme. Udhëtarët mund të shijojnë një kombinim të historisë, kulturës dhe natyrës.

Natyra i ka dhënë gjithçka i duhet një vendi për të qenë unik, ndërsa dora e njeriu shqiptar ka shkatërruar pa ndalur.

253 kilometra vijë bregdetare përbëhet nga plazhe me rërë të sedentuar, të cilat kërcënohen nga erozioni që vjen si pasojë e ndërtimit të digave në lumenj dhe ulja e prurjeve si rrjedhojë e ndryshimeve klimatike.

Ky emision do t’ju çojë në një udhëtim tek rezervati natyror i Kune Vainit në Lezhë, plazhi i Shëngjinit, Kepi i Rodonit, Golemi, Hamallaj, Rrushkulli, Shkëmbi i Kavajës, plazhi i Darëzezës në Fier dhe Pylli i Sodës në Vlorë. Atje ku natyra flet përmes shenjave të saj, dhe ne do të zbulojmë se sa shumë mund ta ndryshojë dora e njeriut për mirë a për keq atë çfarë na ka fal Zoti.

Do të shihni se çfarë do të ndodhë nëse vazhdojmë të humbasim çdo ditë nga pak, këtë betejë me erozionin duke shkatërruar pasuri që natyra e na e ka dhuruar, duke humbur gjithnjë e më shumë copa toke që ka mbajtur brez pas brezi.

Sipas dekanit të Fakultetit të Pyjeve në Universitetin Bujqësorë Kamëz, Ervin Toromani, “në aspektin e erozionit detar zona më e dëmtuar është ajo e Kune-Vainit në bashkinë e Lezhës, është zona e Semanit që i përket bashkisë së Fierit, janë zona problematike ku janë konstatuar humbje të tokës dhe avancimi i detit duke hyrë në brendësi të territorit në zona të caktuara, sidomos në zonën e Kune Vainit po rrezikohen habitatet e lagunës dhe të ligatinave duke ndikuar drejtpërsëdrejti në florën dhe faunën që jeton pikërisht në këto habitate.”