Rënia e gurëve ka shkaktuar dëme në disa banesa në zonën e ujit të Ftohtë, te Kalaja në Vlorë.Dy nga banesat janë shkatërruar tërësisht dhe tashmë janë jashtë funksionit. Banorët e prekur tregojnë se gurët dhe balta kanë hyrë brenda, duke krijuar kushte të papërshtatshme për të qëndruar në banesë.

Banorët tregojnë se në momentin e rënies, ata dolën jashtë për siguri dhe kanë kërkuan ndihmë nga institucionet, por deri tani nuk kanë marrë asnjë reagim. Banorët bëjnë thirrje për ndërhyrje urgjente dhe mbështetje nga autoritetet.

Hyrja është mbushur plot me baltë, jam me qiell të hapur, nuk di ku të shkoj. Lutem shtetit të më ndihmojë, as rroba nuk kam, na janë tharë në trup”, tha një nga banoret, shtëpia e së cilës është shkatërruar

Reshjet intensive dhe të dendura në Vlorë kanë shkaktuar dëme në qytet me përmbytje, ndërsa në disa rrugë ka patur rrëshqitje të dherave.Një nga akset e bllokuara është bypass-i në afërsi të fshatit Kaninë, ku në një pjesë të saj dherat e kanë mbuluar tërësisht.

Ndërkohë disa rrugë të qytetit, si në lagjen Rilindja apo 28 nëntori, janë ende nën ujë, edhe pse reshjet kanë ndaluar.Sipas burimeve, 33 familje janë evakuuar dhe janë vendosur në konviktin e qytezës studenti dhe atë të shkollës Industriale Pavarësia.

Në disa lagje energjia elektrike vijon të mbetet e stakuar për të mos krijuar probleme pasi në disa gabina ka prezencë uji. Ndërkohë shumë familje dhe biznese janë ende nën ujë.

Rreth orës 00:15, policia ka marrë njoftim se në azilin në rrugën “Ali Visha”, kishte rënë zjarr dhe të moshuarit që akomodohen në ambientet e azilit, kishin mbetur të bllokuar.

Në bashkëpunim me forcat “Shqiponja”, të moshuarit janë evakuuar nga azili, ndërsa katër nga të moshuarit janë dërguar në spital për ndihmë mjekësore dhe ndodhen jashtë rrezikut për jetën.

Zjarri është fikur, por nuk dihen ende dëmet, ndërsa dyshohet se ka rënë aksidentalisht. Materialet procedurale i kaluan Prokurorisë.

Moti i keq goditi vendin tonë, ndërsa situata më problematike ishte në qarkun e Vlorës ku reshjet intensive të shiut shkaktuan përmbytje të mëdha. 33 familje të evakuuara kanë kaluar natën jashtë banesave të tyre, ndërsa Bashkia e Vlorës i strehoi në konvikt.

Shiu i dendur i së premtes përmbyti shtëpi, biznese dhe rrugë ndërsa nuk është raportuar për viktima.

Kryetari i bashkisë së Vlorës, Ermal Dredha, tha për mediat se situata mbetet shqetësuese dhe se edhe shumë familje të tjera kërkojnë të evakuohen.

Ditën e sotme (5 tetor) situata në Vlorë, i është rikthyer normalitetit në pjesën më të madhe të qytetit. Me përjashtim të rrugës së Universitetit, rrugës Albano dhe Romina dhe zonës së kishës.

Reshjet e shiut kanë shkaktuar përmbytje edhe në Fier, Lushnje, dhe Pogradec.

Njoftimi i policisë:

Informacion paraprak

Rreth orës 18:25, në aksin rrugor “Korçë-Pogradec”, në vendin e quajtur “Ura e Leshnicës” është gjetur i pa jetë shtetasi F. P. 40 vjeç, banues në Petrushë.

Nga veprimet e para të kryera në vendin e ngjarjes dhe këqyrja paraprake e trupit dyshohet të jetë aksidentuar nga një mjet i cili është larguar nga vendi i ngjarjes.

Grupi hetimor nën drejtimin e Prokurorisë ndodhet në vendngjarje dhe po punon për zbardhjen e rrethanave të ngjarjes, identifikimin e mjetit dhe drejtuesit të tij që dyshohet se ka aksidentuar me pasojë vdekjen, shtetasin F.P.

Ndërkohë shërbimet e Policisë po vijojnë kontrollet në servise dhe ambiente të ndryshme në të gjithë aksin rrugor Korçë – Pogradec dhe në fshatrat përreth, me qëllim gjetjen e automjetit dhe arrestimin e drejtuesit të tij.

Moti i keq i shoqëruar me reshje të intensitetit të pazakontë ka shkaktuar probleme të shumta në disa zona të vendit, duke rritur shqetësimet për sigurinë dhe mirëqenien e qytetarëve. Sipas një njoftimi nga Ministria e Mbrojtjes, situata në Vlorë është rënduar ndjeshëm për shkak të prurjeve të mëdha dhe problemeve në stacionet e pompimit.

Në përgjigje të kërkesës për ndihmë nga pushteti vendor, Agjencia Kombëtare e Mbrojtjes Civile dhe Forcat e Armatosura janë angazhuar për të ofruar mbështetje të menjëhershme. Në këtë kuadër, janë dërguar në Vlorë dy moto varka, dy ekipe të pajisura me motopompa, tetë mjete të kalueshmërisë së lartë dhe tridhjetë forca ushtarake për të ndihmuar në menaxhimin e situatës emergjente.

Agjencia Kombëtare e Mbrojtjes Civile po koordinon gjithashtu strukturat operacionale në nivel vendor dhe qendror, duke angazhuar edhe gjashtë forca dhe dy mjete nga Reparti i Këmbësorisë së Jugut për të përballuar situatën e krijuar.

Ne mbetemi në monitorim të situatës gjatë orëve në vazhdim,” theksoi Ministria e Mbrojtjes në njoftimin e saj, duke bërë thirrje për kujdes nga qytetarët dhe gatishmëri nga autoritetet lokale.