Elon Musk bëhet personi i parë në histori me pasuri prej 400 miliardë dollarësh – duke tejkaluar pasurinë neto të kombinuar të Bill Gates dhe Jeff Bezos

Elon Musk është bërë personi i parë në histori që grumbullon një pasuri prej më shumë se 400 miliardë dollarë. Pasuria e tij neto tani është rreth 440 miliardë dollarë (345 miliardë £), sipas Indeksit të Miliarderëve të Bloomberg – më shumë se ajo e themeluesit të Microsoft, Bill Gates dhe Jeff Bezos i Amazon te marre se bashku.

Pasuria e Musk ka lulëzuar në javët pas fitores së Donald Trump në zgjedhjet presidenciale në SHBA. Gjatë fushatës, pronari i X shërbeu si një donator dhe avokat i madh politik për miliarderin tjetër dhe ai pritet të ketë ndikim të konsiderueshëm kur zoti Trump të marrë pushtetin në janar.

Aksionet e firmës së makinave elektrike Tesla – ku Musk, 53 vjeç, është shef ekzekutiv – janë rritur me rreth 65 për qind që nga zgjedhjet, mes shpresave se zoti Trump do të eliminojë kreditë tatimore që kanë ndihmuar konkurrentët në industri.

Dhe entuziazmi nuk tregoi shenja të ngadalësimit mbrëmë, pasi aksioni arriti një tjetër rekord prej rreth 420 dollarë.

Tesla është një pjesë e madhe e pasurisë së përgjithshme të zotit Musk. 12.8 përqind e aksioneve të tij në biznes ka në vetvete një vlerë prej afro 172 miliardë dollarësh. Ai gjithashtu pritet të përdorë bashkëudhëheqjen e tij të Departamentit të planifikuar të Efikasitetit të Qeverisë për të nxitur ndryshime të dobishme.

Në një tjetër nxitje për zotin Musk, investitorët në fillim të kësaj jave ranë dakord të blinin aksione me vlerë 1.25 miliardë dollarë në SpaceX, duke e vlerësuar firmën e tij të raketave dhe satelitëve në rreth 350 miliardë dollarë – duke e bërë atë biznesin fillestar më të vlefshëm në botë.

Rritja është një kthesë e jashtëzakonshme për Musk, pasuria e të cilit ra në 137 miliardë dollarë dy vjet më parë.

Plagoset me arme zjarri 24 vjecari shqiptar ne Greqi

Një 24 vjecar ka mbetur i plagosur rëndë mbrëmjen e sotme pas një atentati në rrugën “Egnatia” pranë Selanikut. Ronaldo Pecaku, 24-vjec, me origjinë nga Elbasani por lindur në Selanik e banues në Sozopoli të Halkidikisë, është qëlluar me armë zjarri teksa po udhëtonte me motor. Paraprakisht mendohet se ndaj tij është hapur zjarr nga një tjetër motor që po e ndiqte.

Ngjarja ka ndodhur pak para kabinave të pagesës së rrugës në Oraiokastro. Pecaku ka marrë një plumb në bark dhe i plagosur ka mundur të ecë edhe pak deri tek kabinat e Oraiokastros. Aty ka rënë dhe punonjës e kalimtarë kanë njoftuar ambulancën dhe policinë. 24-vjecari është transportuar drejt spitalit “Axepa”, ndërkohë që policia ka nisur hetimet.

Ronaldo Pecaku rezulton me precedentë penalë, i arrestuar në korrik 2021 për vjedhje dhe i liruar para një muaji.

Konkurimi per shefa komisariati ne Polici-Nga 251 konkurrentë, 102 prej tyre kanë fituar më shumë se 70 pikë (dhe ne zbatim të rregullores u lind e drejta për tu emëruar).

Policia e Shtetit

Komisioni i Vlerësimit të Aplikimeve për përzgjedhjen e kandidatëve për pozicionin “Shef Komisariati”, pas shqyrtimit të dokumentacionit dhe intervistës së kandidatëve, të cilët kanë aplikuar për këtë pozicion, shpalli listën e pikëve të fituara gjatë procesit të konkurrimit.

Gjatë fazës së aplikimit, shprehën interes 290 kandidatë, ndërkohë që gjatë fazës së verifikimit të dokumentacionit 16 prej tyre u skualifikuan pasi nuk plotësonin kriteret për të vijuar konkurrimin.

Gjatë fazës së intervistimit, janë tërhequr nga konkurrimi 23 aplikantë.

Nga 251 konkurrentë, 102 prej tyre kanë fituar më shumë se 70 pikë (dhe ne zbatim të rregullores u lind e drejta për tu emëruar).

Të gjithë konkurrentet kanë të drejtën e ankimimit pranë Komisionit të Shqyrtimit të Ankesave brenda 2 ditësh nga momenti i publikimit në faqen zyrtare të Policisë së Shtetit të vendimit, me vlerësimin përfundimtar të secilit.

Monika Kryemadhi paraqitet në SPAK

Deputetja e Partisë së Lirisë, Monika Kryemadhi është paraqitur ditën e sotme në ambientet e SPAK.Kryemadhi është shfaqur e shoqëruar nga vajza e saj Bora Meta, teksa hynte në ambientet e godinës.

Ndaj saj është caktuar masa e detyrimit të paraqitjes, ndërsa ish-bashkëshortja e Presidentit Ilir Meta, ishte vendosur nën hetim pasuror njëherazi si kreu i PL, i arrestuar me urdhër të SPAK.

Hekurudhë nga Aeroporti, në Vlorë – Balluku: Si do sigurohen trenat e rinj

Teksa disa projekte hekurudhore me financim të huaj janë në zbatim, projekte të tjerë do të kërkojnë financim të brendshëm për t’u realizuar, pasi nuk janë pjesë e rrjeteve europiane. Gjatë diskutimeve të projektbuxhetit 2025 në komisionin parlamentar të Ekonomisë dhe Financave, ministrja Belinda Balluku përmendi disa prej tyre, duke veccuar nisjen e studimit të lidhjes me hekurudhë të aeroportit të Vlorës, me rrjetin tjetër hekurudhor. 

“Disa hekurudha që nuk janë pjesë e korridoreve europiane do të jenë me financim të  brendshëm. Kam këtu parasysh hekurudhën Aeroport i Vlorës – Vlorë dhe Fier – Rrogozhinë. Po ashtu, edhe hekurdha Durrës – Shkodër – Gjakovë, që do të bëjë lidhjen me Kosovën do të jetë me financim të brendshëm”, – tha Balluku.

Paralelisht, ministrja tha se po synohet gjetja e fondeve për rikthimin e trenit te Bulevardi i ri, ndërsa shtoi se financimi i trenave të rinj është pjesë e paktesë së elektrifikimit të hekurudhave.

“Rehabilitimi i linjës Tiranë – Durrës dhe ndërtimi i linjës së re Kthesa e Kasharit – Rinasit është projekti kryesor.  Aplikimi i parë është bërë për 34 km nga kthesa e Kamzës në Durrës. Kemi identifikuar nevojën të shtohen 4 km nga Kashari në Bulevardin e ri dhe do të përfshihen në këtë projekt. Hekurudhat e reja do të operjnë me elektricitet. Duke qenë në përafrim të plotë të kërkesave të BE për transportim me “zero” emetime. E gjitha kjo kërkon një flotë të re, të transprotit hekurudhor. Kosto totale e elektrifikimit është vlerësuar 21 mln euro, financimi i këtij projekti do të në vijimësi të këtij projekti, pra do të jetë një paketë e plotë, që do të ndikojë sigurisht edhe një flotë totalisht të re”, – tha Balluku.

Programi i transportit hekurudhor financohet me 6 mld lekë, 802.7 mln lekë ose 15.2% më shumë se viti 2024. Ky volum ndahen 537.5 mln lekë apo 9.9% financim i brendshëm dhe 4.99 mld lekë ose 90.1% të volumit të shpenzimeve kapitale, janë financim i huaj. 

Nafta falas në bujqësi, përfituesit për 3 vitet e ardhshëm

spraying a field

Ministria e Bujqësisë parashikon një rritje graduale të numrit të përfituesve nga nafta falas në bujqësi, por pas vitit 2025.

Për vitin 2024 dhe 2025, parashikohet që nga Skema e Subvencionit të naftës për bujqësinë të jenë përfitues 31.500 fermerë.

Ndërsa në vitin 2026, ky numër do të shkojë në  32.500 përfitues dhe në 2027-ën në 33.000. Pra rritja në 3 vitet e ardhshme, deri në 2027-tën do të jetë 1 mijë fermerë më shumë.

Sipas të dhënave nga Agjencia e Zhvillimit Bujqësor dhe Rural, për vitin 2024, 54.255 aplikime për mbështetje me naftë për punime të mekanizuara në bujqësi, janë përzgjedhur në fazën e parë janë përzgjedhur 23.190 prej tyre apo afro gjysma e fermerëve që kanë kërkuar mbështetje.

Duke qenë se Ministria e Bujqësisë është shprehur se fondi prej 12 milionë eurosh për këtë qëllim do të ndahet në mënyrë proporcionale mes aplikantëve që plotësojnë kriteret e nevojshme, duket se përgjysmimi i tyre ka të bëjë me problematika në këtë drejtim. 

Të dhënat tregojnë se qarku Fier, ku dhe bujqësia është me e zhvilluar,  është ai që kryeson për nga numri i aplikantëve dhe përfituesve, ndjekur nga Qarku i Korçës, Beratit, Shkodrës, Elbasanit dhe Vlorës.

Përfitimi për sipërfaqen që kultivohet varion:  deri në 100% të vlerës, për fermerët/aplikantët me sipërfaqe deri në 10 hektarë. Ndërsa  për sipërfaqen mbi 10 hektarë, masa e përfitimit zvogëlohet me 50%, përjashtuar rastet e aplikantëve me status “grup fermerësh” ose “SHBB”.

Skema e mbështetjes me naftë këtë vit ka ndryshuar dhe nuk do të bëhet përmes kartave si vitet e kaluara, por me para’ të cilat do të kalojnë në llogaritë e fermerëve.

Ministria e Bujqësisë është shprehur se po punohet për të arritur një marrëveshje me bankat tregtare që të mundësohen llogari me kosto të reduktuar për ata fermerë që janë përfitues të naftës.

Kryebashkiaku i Fierit dyfishon pagën e vet,rritja e pagave për shefat në bashki votohet edhe nga këshilltarët e PD

Vendimi i Bashkisë së Fierit për të rritur maksimalisht pagën e kryetarit dhe administratës së bashkisë është miratuar unanimisht në mbledhjen e këshillit bashkiak, por larg vëmendjes së medias.

Ndonëse VKM-ja e qeverisë përcaktonte një kufi nga 2 milion e 55 mijë lekë të vjetra për pagën e kryebashkiakut deri në 2 milionë e 900 mijë lekë, Armando Subashi zgjodhi të rrisë rrogën e tij 88% duke zgjedhur kufirin maksimal prej 2 milionë e 900 mijë lekësh të vjetra, po ashtu për tre nënkryetarët e kësaj bashkie, Adela Hysenaj, Andius Olldashi dhe Eleni Gjikondaj, paga u rrit me 78%, nga 1 milion e 26 mijë lekë që merrnin më parë më parë, të tre nënkryetarët do të paguhen ne 2 milion e 25 mijë lekëve të vjetra.

Por ndryshe nga treshja drejtuese e bashkisë, rritja e pagave ishte e ulët për 13 administratorët e njësive administrative. Ato u rritën vetëm me 22%, ndërsa pagat e 13 drejtorëve të drejtorive me 25%.

Nga rritja e pagave përfituan edhe këshilltarët bashkiakë, të cilëve ligji iu dikton një rritje sa 10% i pagës së kryetarit të bashkisë, por në përqindje rritja ishte njësoj sa e kryetarit. E në këtë pikë, këshilltarët e djathtë në Fier e harruan mosbindjen civile që dikton politika në Tiranë. Mbyllën sytë e votuan bashkë me mazhorancën.

“Në gusht, miratuam rritjen për zjarrfikësit, ndërsa në shtator për punonjësit e bashkisë me arsim të lartë, në përputhje me vendimin e Këshillit të Ministrave, duke marrë parasysh diapazonin e përcaktuar nga shteti. Këshilli Bashkiak, me shumicë votash, miratoi pa dallim rritjen e pagave, duke filluar nga kryetari deri te specialistët”, tha Ilia Fili, këshilltar i PD-së në Bashkinë e Fierit.

Nga kjo rritje u përjashtuan plotësisht 817 punonjës të shërbimeve bazë, që do vazhdojnë të marrin paga minimale. Për ta nuk menduan sa të majtë e as të djathtë, duke ia lënë fajin vendimit të qeverisë.

“Nuk e përcakton vkm. Po rishikojmë një mundësi për rritjen e pagave në 2025”, tha Eleni Gjikondaj, nënkryetare e Bashkisë së Fierit.

“Për punonjësit e bashkisë me arsim të mesëm dhe të ulët, kemi bërë një rritje pagash në fund të vitit të kaluar dhe po shpresojmë se, pas bilancit të ndryshimeve aktuale, do të shqyrtojmë mundësinë për rritje, sado të vogël, për këtë kategori.”, u shpreh Ilia Fili, këshilltar i PD-së në Bashkinë e Fierit

Kjo rritje pagash nuk tregoi gjë tjetër veç thellimit të kontrastit mes funksionarëve të lartë, nëpunësve civilë dhe pjesës tjetër të punëtorëve të thjeshtë, nevojat e të cilëve nuk janë marrë parasysh.

T/CH

1...304305306Faqja 306 nga 306