Seanca per Erion Veliaj do te zhvillohet ne diten e neserme ne oren 12:30 .

Pas më shumë se 7 orësh, Apeli i Posaçëm nuk ka dalë me një vendim për Erion Veliajn. Kryebashkiaku i Tiranës, së bashku me 4 biznesmenë të tjerë të dosjes së tij, kishte kërkuar zëvendësimin e masës së sigurisë.

Gjykata vendosi që ta shtyjë seancën për ditën e mërkurë në orën 12:30. Mësohet se avokatët do të njihen me provat e reja te paraqitura nga SPAK

Veliaj, për më shumë se një muaj qëndron në paraburgimin e Durrësit, nën akuzën e korrupsionit dhe të pastrimit të parave.

Gjykata nuk ka pranuar avokatin amerikan, i cili kishte deklaruar më herët se kishte ardhur me statusin e vëzhguesit

Policia e Tiranës ka referuar në Prokurori materialet për procedim penal në gjendje të lirë ndaj katër vajzave të reja, të cilat u përfshinë në një konflikt në Rrugën e Kavajës.

Sipas njoftimit zyrtar nga Specialistët për Hetimin e Krimeve të Komisariatit Nr. 3, bëhet fjalë për shtetaset J. D. (18 vjeçe), J. Sh. (19 vjeçe), H. K. (19 vjeçe) dhe A. K. (18 vjeçe), të cilat janë konfliktuar për motive të dobëta me një grua 37-vjeçare.

Policia ka nisur hetimet, ndërsa materialet procedurale i janë referuar Prokurorisë së Tiranës për veprime të mëtejshme ligjore.

Njoftimi i policisë:

Specialistët për Hetimin e Krimeve të Komisariatit të Policisë Nr. 3

-referuan materialet në Prokurori ku nisi procedimi në gjendje të lirë për shtetaset J. D., 18 vjeçe, J. Sh., 19 vjeçe, H. K., 19 vjeçe dhe A. K., 18 vjeçe, pasi në Rrugën e Kavajës janë konfliktuar për motive të dobëta me një shtetase 37-vjeçare.

Kryebashkiaku i Beratit, Ervin Demo, ka dhënë dorëheqjen.
 Demo ka konfirmuar se ka dorëzuar dorëheqjen në Këshillin Bashkiak.

Ai do të jetë në listat e PS për deputet, së bashku me Agron Malajn dhe Tërmet Peçit, të cilët gjithashtu dhanë dorëheqjen nga bashkitë e tyre.

Kryebashkiaku i Tepelenës, Tërmet Peçi ka dhënë dorëheqjen nga ky pozicion, pasi pritet të garojë si deputet i Partisë Socialiste në qarkun e Gjirokastrës.

Peçi bëhet i dyti kryebashkiak socialist që ndërmerr këtë veprim pas Agron Malajt, i cili po ashtu dha dorëheqjen nga pozicioni i kryebashkiakut në Mat.

Në një intervistë për News 24, deputeti i PS-së, Petro Koçi, ka komentuar kandidimin e Ceno Klosit në listën e Fierit për zgjedhjet e 11 majit, duke u shprehur se nuk është e përshtatshme që personat nën hetim nga SPAK të kandidojnë.

Koçi ka theksuar se një individ që ka një hetim serioz nga SPAK, që mund ta çojë në statusin e të pandehurit, duhet të shmangë kandidaturën për t’i hapur rrugë fushatës më të pastër dhe për të mos i dhënë mundësi opozitës për ta sulmuar.

Ai ka bërë thirrje që këta individë të mos paraqiten si kandidatë në zgjedhje, pasi një gjë e tillë mund të dëmtojë fushatën dhe imazhin e Partisë Socialiste.

Petro Koçi: Do ishte në nderin e çdo kandidati, që nëse ka hetim serioz nga SPAK (kur është proces që mund të të çojë në statusin e të pandehurit), duhet që vetë personi të mos kandidojë. Nuk është e mirë për fushatën. Kjo, sepse i jep mundësi Koalicionit të Shëmtisë Madhështore që të thotë që ky individ kështu e ashtu. Megjithëse aty ka njerëz që kanë probleme me drejtësinë. Nuk i duhet dhënë mundësi këtij grupimi që të na sulmojë qoftë dhe me kandidatë aty-këtu. Unë iu bëj thirrje personave të tillë mos të kandidojnë.

Postimi i Salianjit: 

Nuk jam i habitur nga vendimi i Gjykatës së Lartë.

Lënia në fuqi e një ndëshkimi të nxitur, kërkuar dhe stisur nga Edi Rama e draftuar prej tij, e lajmëruar prej tij në Parlament, mbrojtur me zjarr prej tij, është rruga e shkurtër dhe komode që Gjykata e Lartë zgjodhi sot. Nuk kanë etikë profesionale dhe as guximin minimal që të japin drejtësi e të hyjnë në konflikt me Edi Ramën.

Kjo është një vijë sjellje.

Nëse Gjykata e Lartë do të ishte garanci për të drejtën, do të ishte garanci për proces juridik të rregullt e të ligjshëm, as gjykatat më poshtë s’do të guxonin të firmosinin farsat që firmosen.

Dënimi im politik bëhet për të më eleminuar nga beteja politike!

Ne çdo përballje e kam mundur Edi Ramën dhe shpurën e tij. Më e fundit në Kavajë në fitoren e bashkisë, e kudo tjetër.

Denimi im politik është kërcënim i hapur për cilindo që lufton krimin, korrupsionin dhe mafien e veshur me pushtet.

Dënimi im politik është një mbështetje e hapur ndaj mafies dhe trafikantëve ndërkombëtarë. Koha e zgjedhur për të dhënë vendimin një ditë para shpalljes së listave është po ashtu një mesazh kërcënimi për këdo guxon e flet të vërtetat!

Në këto kohë parade turpi, kohë aferash të renda financiare, unë jam me zero korrupsion, zero akuzë për asnjë qindarkë. Ndaj, burgosja për denoncimin, për fjalen, është një medalje.

Jam krenar për betejat e mia në interes të njerëzve. Kam zgjedhur që në fillim luftën e pakompromis dhe qytetarët më kanë mbeshtetur për këtë.

Gjykimet ndaj meje do hyjnë në turpet historike, të kauzeve gjyqësore si rast i përdorimit të drejtësisë për hakmarrje personale nga Rama e Xhafaj.

E nisën duke paguar deshmitarë të sajuar, u kapen në pergjime drejtorët e policisë duke paguar dëshmitarin e sajuar, manipuluan në gjykata duke caktuar gjyqtar si fillim ushtarin e Aldo Bares, me pas me kunatën e Belinda Ballukut dhe ish përfaqesuesin e PS në KQZ dhe sot duke manipuluar shortin në Gjykatë të Lartë, zëvëndësuan trupën gjyqësore e lanë për të më gjykuar ish-ministrin e drejtësisë së Partisë Socialiste dhe një komunist, birin e ish-drejtorit të dëbim internimeve dhe ish-sekretar të parë!

Nuk janë këto institucionet që meritojmë, nuk janë shtet i së drejtës dhe as sundim i ligjit.

Për cilindo që shqetesohet i them ta marrë paradhënie dhe zvarritjen dhe vendimin kundër në Gjykatë Kushtetuese, dhe më pas do shohim se si do jetë e drejta në Strasburg.

Unë do të luftoj e do ta kërkoj të drejten deri në fund. Shqipëria do të jetë nje vend më i mirë kur të ketë drejtësi, kur Gjykatat do të kenë kurajon të japin drejtësi edhe kur kjo nuk i pelqen autokratit.

Ky vend i mirë mund të duket utopi, por nuk është e largët dita ku dhe për drejtësinë fjalën e madhe do ta kenë qytetarët.

Pavarësisht se nga izolimi së bashku do të luftojmë për një Shqipëri të denjë e normale ku sundon ligji! Personalisht zgjedh betejën dhe jo qurravitjet!

Nderin dhe respektin e qytetarëve e kam fituar unë, turpin dhe neverinë e hanë me korrupsionin e përditshëm “të burgosurit” e autokratit, që nuk kanë as ndërgjegje dhe as guxim të shkojnë as në tualet pa lejen e tij!

Gjykata e Posaçme dënon me 4 vjet burg ish-deputetin e PS, Alqi BllakoGjykata e Posaçme ka dënuar këtë të martë ish-deputetin e PS-së Alqi Bllako.

Bllako u dënua me katër vite heqje lirie. Por, për shkak të gjykimit të shkurtuar, Bllako u dënua në mënyrë përfundimtare me 2 vite e 8 muaj burg.

GjKKO ka shpallur fajtor ish-Sekretarin e Përgjithshëm të Ministrisë së Mjedisit, Alqi Bllako, për korrupsion pasiv të funksionarëve të lartë shtetërorë dhe të zgjedhurve vendorë. Bllako është akuzuar për dy raste korrupsioni, lidhur me pagesa dhe favore që ka marrë nga kompania e Klodian Zotos, një biznesmen i njohur dhe i lidhur ngushtë me politikën.

Në çështjen e parë, Bllako është shpallur fajtor për një pagesë prej 120 mijë eurosh nga kompania e Klodian Zotos, e cila kishte lidhje me fabrikën e birrës së babait të ish-deputetit të Partisë Socialiste. Në çështjen e dytë, Bllako është akuzuar për ndikim në punësimin e Klodian Zotos si këshilltar i jashtëm për Vladimir Bezhanin, një tjetër funksionar i lartë, duke abuzuar me detyrën e tij.

Prokuroria e Posaçme Anti-Korrupsion ka kërkuar një dënim për Alqi Bllakon prej 5 vite burg, si dhe 5 vite qëndrim jashtë të gjitha funksioneve publike.

Gjykata e Larte ka vendosur sot -Mospranimin e rekurseve të paraqitura nga të giykuarit Jetmir Olldashi dhe Ervin Salianji, kundër vendimit nr.2059/30-2024-6822, datë 26.09.2024, të Gjykatës së Apelit të Juridiksionit të Përgjithshëm.