Shirat e dendur që shoqëruan zonën e Myzeqesë dy ditët e fundit sollën mjaft probleme.Veç dëmeve të shkaktuara nga erërat e forta në pemë dhe makina, probleme janë shfaqur dhe në tokat bujqësore.

Niveli i lartë i reshjeve ka bërë që kanalet të mbushen në nivelin maksimal duke bërë që uji të përhapet dhe në të mbjella, ndërkohë që janë përmbytur edhe stanet.

Në hidroforin e Karavastasë është dëmtuar një nga pompat dhe më pak ujë tërhiqet nga zonat bujqësore.

T/CH

Drejtori i Përgjithshëm i Agjencisë Kombëtare të Mbrojtjes Civile, Haki Çako, deklaroi sot se, akset kryesore të të gjithë zonave në vend janë të hapura ndërsa vijon moti i keq.

Pas një situate të ngarkuar prej 3 ditësh në shkallë vendi me reshje të shumta dëbore dhe shiu nga veriu në jug të vendit, aktualisht situata është shumë e përmirësuar dhe gjendemi tashmë në një situatë të favorshme totalisht, pasi rrugët, akset kryesore të të gjithë zonave janë të hapura”, tha ai.

“Thuajse edhe ato rurale janë drejt hapjes dhe përmirësimit në zonat më të thella dhe të gjitha strukturat janë të angazhuara, janë në krye të detyrës”, vijoi Çako.

Ai theksoi se, “ka funksionuar shumë mirë Mekanizmi i Mbrojtjes Civile në shkallë vendi, duke angazhuar të gjitha institucionet dhe strukturat dhe të gjitha kapacitet për t’i ardhur në ndihma të gjitha rasteve të kërkuara ndihmë nga qytetarët.

“Reshjet pothuajse janë ndërprerë në shkallë vendi. Tashmë ka prezencë të dëborës vetëm në zonat e thella malore, por shpresohet që shumë shpejt edhe ato pak fshatra të jenë të aksesueshme”, tha Çako.

Ai theksoi se, “ka një përmirësim të ndjeshëm të motit si që do të vijojë në ditët në vazhdim dhe AKMC në kontakt intensiv me të gjitha institucionet e paralajmërimit të hershëm me informacionin do të vërë në dijeni qytetarët për çdo situatë që do të përvëlojë më pas”.

Çako përcolli një mesazh për të gjithë qytetarët, të cilët u shpreh ai, “do të duhet patjetër të jenë të kujdesshëm për zonat me prezencë të shtuar të dëborës dhe të akullit për të qarkulluar me automjete me zinxhirë, por edhe me goma dimërore si dhe të jenë të kujdesshëm për lëvizjet e kontrollueshme në rastet kur ka rrezikshmëri të theksuar”.

“Pothuajse të gjitha strukturat gjithashtu janë të gatshme në Qendrën Kombëtare të Emergjencave Civile dhe në të gjitha strukturat e tjera, duhet t’i drejtohen për nevojat që do të kenë”, tha ai.

REAGIMI I MINISTRISE

Edhe Ministria e Mbrojtjes ka bërë një përditësim në lidhje me situatën e motit të keq, ku njofton se të gjitha akset kombëtare janë të kalueshme. Problematikë, sipas ministrisë, paraqiten disa akse rurale në zona të ndryshme të vendit.

Më konkretisht, në bashkinë Dibër ka problematika në rrugët rurale në disa fshatra të njësive Maqellare, Melan, Luzni, Muhurr. Po punohet për hapjen e rrugëve që lidhin njësinë administrative Kala e Dodës me fshatrat Sllovë, Selishtë dhe Arras.

Në bashkinë Bulqizë janë të bllokuara rrugët rurale të njësive administrative Ostren, Trebisht, Klenjë, Gjoricë, Zerqan dhe aksi rrugor Trebisht-pikë kalimi kufitar.

Në bashkinë Klos janë të bllokuar rrugët e fshatrave me qendrat administrative Gurë dhe Xibër. Në bashkinë Mat janë të bllokuara 2 fshatra në njësinë administrative Komsi dhe aksi rrugor Vig Macukull.

Në bashkinë Krujë po vijon puna për hapjen e rrugës që lidh fshatin Shkretë me aksin Cudhi-Qafështamë. Në bashkinë Fushë-Arrëz vazhdon të jetë e bllokuar rruga me njësinë administrative Iballë me fshatrat e saj.

Në Bashkinë Devoll vijon puna për hapjen e rrugëve lidhëse me fshatrat Miras. Në bashkinë Pogradec po punohet për hapjen e rrugëve të fshatrave Proptisht, Velçan, Trebinjë, Dardhas dhe Çërravë.

Në bashkinë Has po punohet për hapjen e rrugës që lidh njësinë administrative Arrën me rrugën nacionale dhe rrugët e fshatrave Cahan dhe Xhebexhi.

Vijojnë angazhimin për normalizimin e situatës në Vlorë, prej tashmë tre ditësh Forcat e Armatosura me 7 pompa thithëse dhe 15 mjete të kalueshmërisë së lartë, ekskavatorë, kamionë vetëshkarkues etj.

Një plagosje ka ndodhur pak më parë në qytetin e Shkodrës.Mësohet se plagosja ka ndodhur në zonën pranë teatrit “Migjeni”, ndërsa është përdorur armë e ftohtë e tipit me thikë, ndërsa i plagosur është këngëtari shkodran Ademir Fresku, ndërsa mësohet se edhe autori Gjergj Dardha është prangosur.

Policia ka dhene detajet e para në lidhje me personat e përfshirë në konflikt apo arsyet që çuan drejt ngjarjes.

Njoftimi i Policise Shkodër

Dëmtoi me mjet prerës, një shtetas, gjatë një konflikti të çastit, Policia identifikoi autorin dhe vijon kontrollet për kapjen e tij.

Rreth orës 11:00, te sheshi “Demokracia”, dyshohet se shtetasi Gj. B., 50 vjeç, ka dëmtuar me mjet prerës (thikë), shtetasin A. F., 30 vjeç, i cili është jashtë rrezikut për jetën. 
Njoftimi i Policise Shkodër

Dëmtoi me mjet prerës, një shtetas, gjatë një konflikti të çastit, Policia identifikoi autorin dhe vijon kontrollet për kapjen e tij.

Rreth orës 11:00, te sheshi “Demokracia”, dyshohet se shtetasi Gj. B., 50 vjeç, ka dëmtuar me mjet prerës (thikë), shtetasin A. F., 30 vjeç, i cili është jashtë rrezikut për jetën. Shërbimet e Policisë po vijojnë kontrollet për kapjen e shtetasit Gj. B. Grupi hetimor, në drejtimin e Prokurorisë, po punon për zbardhjen e rrethanave të rastit.

Kushtet e motit janë përmirësuar në Lezhë, teksa intensiteti i erës ka rënë në mesatare.Në bashkitë Kurbin, Lezhë dhe Mirditë, ka probleme me energjinë elektrike, ndërkohë po punohet për riparimin e defekteve. Po ashtu, po punohet për pastrimin e qytetit nga mbeturinat e sjella nga era.

Në Mirditë, po punohet për pastrimit rrugëve nga bora dhe kriposjen e tyre. Kuota e lumit Drin e Mat vazhdojnë të jenë në nivele minimale, ndërsa hidrovorët janë në gatishmëri.

Në vijim të hetimeve për vrasjen e shtetasit Kristian Marku, e ndodhur në autostradën Fier-Vlorë, grupi hetimor ka zbuluar mjetin që dyshohet se kanë përdorur autorët.

Sipas informacionit të fundit, është gjetur një automjet tip “Volkswagen Golf” i djegur, pranë vendit të quajtur “Kripa”,nga i cili besohet se kanë hapur zjarr atentatorët.

Nga verifikimet paraprake, është zbuluar se targat e automjetit janë raportuar të vjedhura më herët. Grupi hetimor, nën drejtimin e Prokurorisë, ka nisur këqyrjen e automjetit të djegur për të siguruar çdo gjurmë që mund të çojë në identifikimin e autorëve të këtij atentati të rëndë.

Një 30-vjeçar është vrarë pasditen e sotme me armë zjarri në aksin Fier-Vlorë pasi drejt automjetit të tij është qëlluar me armë zjarri.

Viktima është identifikuar si shtetasi Kristian Marku, 30 vjeç.

Marku është gjetur i pajetë në automjetin e tij tip Volksëagen në afërsi të fshatit Novoselë, ndërsa policia ka rrethuar zonën dhe po vijon kërkimet për autorët.

Marku, dinamika e vrasjes së të cilit ende mbetet e paqartë, nuk është një emër i panjohur për autoritetet e policisë, pasi ai ka precedentë të mëparshëm penalë për “vrasje me dashje në bashkëpunim të mbetur në tentativë” dhe “mbajtje pa leje të armëve të zjarrit dhe municionit luftarak”.

Në vitin 2023 Kristian Marku alias Kristi Bardhi është skeduar nga policia si i dyshuar për një ngjarje të ndodhur në 26 mars të këtij viti në Rrëshen, ku pati të shtëna me armë zjarri në drejtim të shtetasit me iniciale S. R.

Më tej, në shtator të vitit 2023, Marku është arrestuar nga policia e Kurbinit pasi është kapur me një armë zjarri tip pistoletë të cilën e mbante pa leje.

Mësohet se Marku është sinjalizuar nga shërbimet e policisë për të ndaluar në afërsi të fshatit Shëmri të Kurbinit, por sapo ka vërejtur autoritetet ai ka hedhur armën e mbushur me fishekë nga dritarja e makinës në të cilën ndodhej.