Të ftuarit e radhës të kryeministrit Edi Rama në Podkastin “Flasim” ishin katër të rinj të cilët edhe pse ndajnë interesa të ndryshme i bashkon fakti se janë rikthyer në Shqipëri për të ndjekur dhe zhvilluar më tej pasionet e tyre, të kthyera tashmë në iniciativa biznesi.

I emërtuar “Shqipëri ëmbëlsi” ky podkast solli eksperiencat e Ersit dhe Fatjonit, ushtrues të sporteve ujore të cilët kanë krijuar platformën “Kitesurf Albania”.

E ndërtuar duke pasur si pikënisje vetëm pasionet e dy të rinjve, tashmë ky sport në Shqipëri ka ndjekësit e vetë, ndërsa është bërë edhe pikë takimi e turistëve të huaj.Fatjoni tregoi se si vendosi të lërë jetën dhe bizneset e krijuara në Itali dhe Spanjë dhe të kthehet në Shqipëri për të ushtruar këtë sport ujor të panjohur më parë.Ne ushtrojmë kitesurfing të paktën 100 ditë në vit. Klima e Shqipërisë është shumë e favorshme për ushtrimin e këtij sporti, të cilin kur e nisëm ishim vetëm tre persona dhe tani kemi arritur në mbi 30 persona, pa përfshirë këtu turistët e huaj që vijnë na kërkojnë”, tha ai.

Ersi tregoi se ky sport e ka origjinën në Holandë dhe janë pikërisht turistët holandezë që janë shumë të interesuar për të ardhur në Shqipëri edhe për këtë qëllim. “Statistikisht holandezët vijnë ta ushtrojnë kitesurfing në Shqipëri”, tha ai.

Holandezët janë tregtarët më të mëdhenj, vijnë këtu se është më lirë. Gjirokastritët para holandezëve janë bujarë, janë tironsa. Ata vijnë te ju se është më lirë. Edhe pse ka njerëz që thonë se këtu është shtrenjtë, por kjo nuk është e vërtetë”, tha Rama.

Dy të rinjtë i kërkuan kryeministrit Rama që të kenë një stacion bazë për ushtrimin e kitesurfing pranë Porto Romanos, ndërsa kryeministri i siguroi se kjo do të realizohej.

Ndërkohë Sara nga Britania e Madhe dhe Naimi i lindur në Shqipëri, por nga prindër të huaj ndanë me kryeministrin Rama interesin për të zhvilluar më tej biznesin e tyre në Shqipëri.

Naimi tregoi se përtej bizneseve të krijuara jashtë vendit ku edhe ka jetuar më parë, vendosi të kthehej në Shqipëri për të ngritur platformën “Visit Albania”, e cila synon të orientojë më tepër turistë të huaj drejt Shqipërisë.

“Në Angli fatkeqësisht ka pak paragjykim për njerëzit shqiptar. Mendoj se njerëzit shqiptarë janë shumë, shumë mikpritës dhe nuk është e vërtetë çfarë thuhet në Angli”, tha Sara.

“Kjo nuk diskutohet. Ja fusin kot edhe ata. Por kanë filluar të ndryshojnë edhe ata se kanë qenë keq fare. Kanë filluar të ndryshojnë”, u shpreh Rama duke folur për opinionin e britanikëve për shqiptarët.

Në përfundim të podkastit, kryeministri kishte një apel për emigrantët që të kthehen në Shqipëri.

E shikoni apo jo. Kanë ardhur nga fundi i botës dhe duan të jetojnë në Shqipëri. Ja ku janë Sara nga Kembrixhi, dentiste, dhe Naimi biznesmen. Kanë ardhur këtu sepse ka një gjë këtu që nuk e gjen dot askund tjetër. Është e njëjta gjë që kam kuptuar unë kur jam kthyer. Hajde kthehuni. Kthehuni edhe për të pirë një kafe tamam”, tha Rama.

Mediat greke kanë zbardhur dëshminë e 22-vjeçares, e cila u bë shkaktare në aksidentin tragjik ku humbi jetën taksisti me origjinë shqiptare, Gentian Kamberi.

Sipas asaj që shkruan protothema, 22-vjeçarja Ekaterina Caci ka kërkaur falje për gjithçka ndodhi, ndërsa është shprehur se kishte pirë tri gota verë natën që ndodhi aksidenti.Piva tri gota verë, mbaj mend vetëm vendin e përplasjes”, ka treguar 22-vjeçarja për aksidentin në Tebë të Athinës.

22-vjeçarja, e cila sipas analizave të gjakut kishte konsumuar një sasi të madhe alkooli, gjatë mbrojtjes së mohoi diçka të tillë.

“Unë isha në një lokal në Keratsini me miqtë e mi. Isha e uritur dhe thamë hajde të hamë në Shën Petersburg”, tha ajo.

Siç shkruan protothema.gr, 22-vjeçarja kishte konsumuar thuajse trefishin e kufirit ligjor të alkoolit, siç rezultojnë nga rezultatet e analizave të gjakut. Rezultati i analizave të gjakut tregoi një përqindje prej 1.29 alkol/lt, ku kufiri ishte 0.50 g/lt.

Departamenti Amerikan i Shtetit vlerëson punën e Shqipërisë në luftën ndaj korrupsionit dhe pastrimit të parave. Në raportin për vitin 2024, DASH thekson se Shqipëria vazhdon të bëjë përparime, por bën thirrje për zbatimin e plotë të reformave.Shqipëria heton dhe ndjek penalisht korrupsionin në nivele të larta”! Kështu thekson Departamenti i Shtetit, i cili vlerëson punën e Prokurorisë së Posaçme në luftën ndaj krimit dhe korrupsionit, por kërkon zbatim të plotë të reformave.

Në raportin për vitin që lamë pas, DASH sjell në vëmendje edhe masën ndaj Sali Berishës dhe dhëndrit të tij, për dosjen “Partizani”.SPAK rriti numrin dhe kompleksitetin e hetimeve për pastrimin e parave dhe konfiskimet dhe kreu paralelisht hetime financiare dhe të aseteve kur dyshonte për asete të paligjshme; megjithatë, ndjekjet penale mbeten të ulëta. Në vitin 2023, SPAK sekuestroi asete me vlerë 43 milionë dollarë dhe, në vitin 2024, vazhdoi arrestimet dhe konfiskimin e aseteve të ish-zyrtarëve të lartë.

Në shtator të vitit 2024, SPAK akuzoi ish-kryeministrin dhe të përcaktuar sipas “Aktit të Ndarjes Buxhetore të Departamentit të Shtetit, Operacioneve të Jashtme dhe Programevë të Ndërlidhura, 2021” me 7031 (c) Sali Berisha për korrupsion për veprime zyrtare për veprime zyrtare në dobi të interesave të familjes së tij. SPAK akuzoi edhe dhëndrin e tij për korrupsion dhe pastrim parash. SPAK sekuestroi pasuri të paluajtshme, llogari bankare dhe aksionet e dhëndrit në kompanitë e lidhura me korrupsionin”, theksohet në raport.

Një aksident ka ndodhur mbrëmjen e sotme në lagjen ’30-Vjetori” në qytetin e Beratit.

Një automjet që ishte duke qarkulluar me shpejtësi ka goditur një 15-vjeçare,e cila po kalonte në vijat e bardha dhe është larguar nga vendngjarja.15-vjeçarja është transportuar drejt Spitalit Rajonal të Beratit,ku ndodhet nën kujdesin e mjekëve,ndërkohë që policia është vënë në kërkim të autorit të aksidentit.

Burimet policore konfirmojnë se po kontrollohen kamerat e sigurisë në vendin e aksidentit, me qëllim identifikimin e mjetit dhe autorit.

Fier/Informacion paraprak

Rreth orës 19:20, në aksin rrugor Fier-Seman, në Hoxharë, automjeti me drejtues shtetasin E. Ll., 34 vjeç, banues në Darzezë, është përplasur me një karrocë që tërhiqej me kafshë, e cila drejtohej nga shtetasi Q. Xh., 56 vjeç, banues në Dërmënas.

Si pasojë e përplasjes, janë dëmtuar lehtë të dy drejtuesit dhe ndodhen në Spitalin Rajonal Fier, në kujdesin e mjekëve.

Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.