Drejtoria Vendore e Policisë Fier

✅️Goditi me grusht, për shkak të detyrës, një punonjës policie, vihet në pranga 31-vjeçari.

Specialistët për Hetimin e Krimeve të Komisariatit të Policisë Fier arrestuan në flagrancë shtetasin D. D., 31 vjeç, banues në Vlosh, Roskovec, pasi gjatë veprimeve procedurale për vënien e një mase administrative, ka goditur me grusht, një punonjës të Komisariatit të Policisë Fier.

Materialet procedurale iu referuan Prokurorisë së Fierit, për veprime të mëtejshme.

Sot gjithë bregdeti shqiptar, duke filluar nga ora 08:00 datë 23.03.2025, do të përfshihet me erë të fortë  dhe dallgë të mëdha.

Për të shmangur rreziqet që mund të sjellë ky mot i përkeqësuar autoriteteti Portual ka urdhëruar pezullimin e linjës së trageteve Vlorë – Brindisi – Vlorë për pasagjerë dhe automjete dhe linjës Durrës – Bari – Durrës.
Po kështu ndalohen të gjitha lundrimet e mjeteve të vogla dhe anijeve të peshkimit në det të hapur, duke filluar nga ora 06:00 e datës 23 mars 2025.

Moti 
Sot gjithë bregdetit shqiptar, duke filluar nga ora 08:00 datë 23.03.2025, do të përfshihet me erë të fortë në drejtimin JUG-JUG-LINDJE në forcën deri 8-9bft me shpejtësi deri 25-40m/s dhe lartësi dallge nga 2.50 deri 4.50 metra.Për të shmangur rreziqet që mund të sjellë ky mot i përkeqësuar, autoritetet detare u bëjnë thirrje të gjitha subjekteve që operojnë në këtë fushë të marrin masa për sigurimin e mjeteve në porte dhe rritjen e gatishmërisë së ekuipazheve të mjeteve lundruese.

Ndalime dhe kufizime
Ndalohen të gjitha lundrimet e mjeteve të vogla dhe anijeve të peshkimit në det të hapur, duke filluar nga ora 06:00 e datës 23 mars 2025. Drejtuesit e mjeteve detare duhet të marrin masa sigurie, duke marrë parasysh kushtet e vështira hidrometeorologjike.

Informacion paraprak

Rreth orës 03:20, në rrugën “Vrana Konti” dyshohet se në automjetin tip “Opel Corsa” në përdorim nga shtetasi E. K., 25 vjeç, është vendosur një sasi e vogël lëndë plasëse, ku janë shkaktuar vetëm dëme në pjesën e parë të automjetit.

Grupi hetimor nën drejtimin e Prokurorisë po punon për sqarimin e rrethanave të ngjarjes, identifikimin dhe kapjen e autorit/ve si dhe dokumentimin e plotë të ngjarjes.

Me anë të një mesazhi, ambasada thotë se “Departamenti i Shtetit i ShBA është i përkushtuar ta Bëjë Amerikën më të Sigurt përmes politikave më kërkuese”. Ambasada thekson se një masë thelbësore është kontrolli i vazhdueshëm i vizave për të gjithë individët.

“Kontrolli i vizave amerikane nuk ndalon pas lëshimit të vizës. Ne i kontrollojmë vazhdimisht mbajtësit e vizave për t’u siguruar që ata ndjekin të gjitha ligjet dhe rregullat e emigracionit të ShBA dhe ne do t’ua heqim vizat dhe do t’i dëbojme nëse nuk e bejnë këtë”, thekson ambasada.

Kryeministri Edi Rama i ka kërkuar falje qytetarëve të Vlorës, se skuadra që ka patur ky qytet më parë nuk kanë rrezatuar asgjë, në raport me cka duhet të ishte. Duke përjashtuar deputetin Damian Gjiknuri, që nuk është deputet i zonës, Rama ishte kritik ndaj deputetëve të tjerë të Vlorës që nuk patën sinergji mes të qenit qytetar dhe përfaqësues të këtij qyteti.

“Mbi të gjitha nuk kanë krijuar me njerëzit dhe për njerëzit atë sinergji mes të qenit qytetarë që ndajnë të njëjtën hapësirë, dhe duke ju gjendur pranë si përfaqësues. Dhe për këtë më vjen keq, sinqerisht më vjen keq për të gjithë vlonjatët.

Sepse si sillemi ne këtu, rrezaton në të gjithë territoret e tjera. Më vjen keq se nuk kemi dhënë një shembull sic duhet. Nuk e kam fjalën për Damianin, se nuk është i zonës, kam parasysh ata që duhet të rrinë këtu, dhe duhet të rrinë pranë njerëzve.

Dua të besoj duke nisur nga ata që janë në listën e mbyllur, ky është rasti,  dua të besoj se do të jenë pika referimi për njerëzit. E kam fjalën për Erjonën, Briseidën, Evisin që do të jenë shtrigat që do të mundësojnë hapjen e PS”, tha Rama.

Policia e Dibrës ka njoftuar se ka identifikuar efektivin e policisë i cili është kapur nga kamerat duke parakaluar me automjetin e policisë në tunelin e Murrizit.

Policia thotë se ndaj drejtuesit të automjetit të policisë së Komisariatit Mat, A.S. u vendos gjobë 40000 lekë të rinj dhe i janë zbritur 15  pikë nga Leja e Drejtimit.

Ndërkohë, për këtë rast, Drejtori i Përgjithshëm i Policisë së Shtetit, nisur nga fakti që shkelja është kryer nga punonjësi i policisë dhe me automjet të policisë, shkelje e cila ka impakt tek qytetarët dhe cënon imazhin e Policisë së Shtetit, ka urdhëruar Drejtorinë e Standardeve Profesionale në Policinë e Shtetit për nisjen e hetimit disiplinor për drejtuesin e automjetit dhe për shefin e Komisariatit të Policisë Mat, i cili ka qenë duke udhëtuar me automjetin e konstatuar në shkelje”, thuhet në njoftimin zyrtar të policisë Dibër.

“Drejtoria e Standardeve Profesionale në zbatim të Nenit 121, Ligjit 82/2024 “Për Policinë e Shtetit” ka nisur hetimin disiplinor ndaj drejtuesit të mjetit Inspektor A.S., dhe Kryekomisar E.S., me detyrë shef i  Komisariatit të Policisë Mat, për shkelje të rëndë: “kryerja e veprimeve që cënojnë rëndë figurën e punonjësit të policisë, institucionin apo shërbimin policor në tërësi” dhe “Keqpërdorimi i atributeve/ kompetencave të policisë”, thotë policia.