Aksioni për prishjen e ndërtimeve pa leje në zonën e mbrojtur të Thethit ka vijuar edhe gjatë kësaj të diele.Fadromat e Inspektoratit të Mbrojtjes së Territorit kanë vazhduar prishjen e objekteve pavarësisht rezistencës së disa banorëve.

Në mbështetje të fadromave të IKMT në terren kanë shkuar dhjetëra forca policie pasi herë pas here situata tensionohet nga banorët të cilët kanë investuar paratë e fituara në emigracion.

Paralelisht, strukturat e bashkisë po punojnë për heqjen e inerteve dhe pastrimin e zonës për të mos pasur impakt tek të huajt që po vizitojnë Thethin në këtë periudhë.

Ende nuk dihet numri i saktë i objekteve që do të shemben, por drejtuesit e IKMT bëjnë me dije se në fokus janë të gjitha ndërtimet pa leje që kanë dëmtuar imazhin e zonës, pasi ky operacion synon mbrojtjen e Parkut Kombëtar nga ndërhyrjet abuzive që rrezikojnë peizazhin natyror të Thethit.

Aksioni pritet të vijojë edhe në ditët në vijim, pasi autoritetet kanë identifikuar edhe objekte të tjera pa dokumentacion të rregullt.

Referuar të dhënave zyrtare, popullsia e Shqipërisë më 1 Janar 2025 rezulton në 2.36 milionë banorë, duke pësuar rënie me 1.2%, krahasuar me vitin 2024. Nëse i kryqëzojmë të dhënat me ato të Eurostat shohim se Shqipëria renditet mes vendeve të Europës që kanë shënuar rënie të popullsisë.

Ndërkohë që popullsia e BE-së më 1 janar 2025 u vlerësua në 450.4 milionë banorë, me një rritje prej 0.2%, Italia, Sllovakia, Bullgaria, Rumania, Polonia, Estonia, Hungaria dhe Letonia ishin vendet që regjistruan rënie.

Nga ana tjetër, Lihtenshtejni, Malta, Irlanda, Islanda dhe Luksemburgu regjsitruan rritjen më të lartë të popullsisë, nga 1.5% në 2.2%.

Të dhënat në Shqipëri tregojnë një trend të përgjithshëm të tkurrjes së popullsisë në shumicën e grupmoshave të reja dhe të mesme. “Scan Intel” ka marrë në analizë ndryshimin vjetor të popullsisë në vend referuara shifrave të INSTAT.

Në grupmoshat e reja ndryshimi është kryesisht negativ dhe në disa raste mjaft i ndjeshëm. Për shembull, grupmosha 25-29 vjeç shënon një rënie prej 5.3%, ndërsa edhe grupmoshat 5-9 dhe 15-19 vjeç kanë ulje të konsiderueshme prej 4.0% dhe 3.9%. Këto të dhëna pasqyrojn një trend të uljes së lindshmërisë ose migracionit të largët të të rinjve.

Edhe në segmentin e grupmoshave të mesme shumica e ndryshimeve janë negative por më të buta. Ndërkohë, në grupmoshat e mëdha shohim një rritje të dukshme të popullsisë, sidomos në grupmoshat 75-79 dhe 85+ me rritje përkatësisht 8.8% dhe 8.6%. Edhe grupmoshat 65-69 dhe 70-74 kanë rritje pozitive mbi 3%.

Popullsia e re në Shqipëri po zvogëlohet ndërkohë që ajo e të moshuarve po rritet. Ky trend tregon sfida të mundshme demografike në të ardhmen, përfshirë plakjen e popullsisë dhe zvogëlimin e fuqisë punëtore të re. SCAN

Deputetja e re e Partisë Socialiste në qarkun Fier, Zegjine Çaushi, ka zgjedhur jugun e Shqipërisë për të kaluar pushimet verore.Teksa ka postuar në rrjetet sociale një video buzë detit, Çaushi promovon bukurinë e Rivierës Shqiptare.

“Mykonos? Santorini? Antalya? Ibiza?! Kur ke jugun e Shqipërisë me ujë kristal dhe bukuri natyrore që nuk krahasohen pse të shkosh larg, kur parajsa është këtu”, shkruan socialistja.

Tensionohet edhe më tej situata në Theth teksa në përplasje janë përfshirë edhe përfaqësuesit e opozitës.Sherri ka nisur me drejtorin e ri të policisë Gentian Berberi.

Drejtuesi politik i demokratëve në Shkodër Luçiano Boçi dhe deputeti Bardh Spahia, pretendojnë se Berberi iu është drejtuar me fjalët: Ju tërheq edhe ju zvarrë.

Vijon edhe sot në zonën e Thethit operacioni i ndërmarrë nga Inspektorati Kombëtar i Mbrojtjes së Territorit (IKMT), me mbështetjen e Policisë së Shtetit, për prishjen e ndërtimeve pa leje.

raportohet prani e shtuar e forcave të policisë, të cilat janë vendosur në formacion sigurie përgjatë zonës ku po zhvillohet ndërhyrja.

Po ashtu, në vendngjarje ndodhen mjete të rënda (fadroma), të cilat po vijojnë me shembjen e objekteve të evidentuara si të ndërtuara në kundërshtim me ligjin.

Ky është dita e gjashtë e aksionit që ka nisur në bazë të një urdhri të lëshuar nga Kryeministri, në funksion të mbrojtjes së territorit dhe ligjshmërisë në zonat e mbrojtura.

Gjatë ditës së djeshme, aksioni u shoqërua me tensione mes banorëve dhe forcave të rendit, ndërsa janë regjistruar përplasje verbale dhe momente përshkallëzimi.

Ndërhyrja në zonën e Thethit ka nxitur edhe reagime nga subjekte politike dhe përfaqësues të komunitetit fetar. Kisha Katolike në Shkodër ka bërë thirrje për ruajtje të qetësisë, dialog dhe komunikim mes banorëve dhe institucioneve përgjegjëse, në mënyrë që situata të menaxhohet pa përplasje.