Një situatë paradoksale ka ndodhur këtë të enjte në Shqipëri. Ndërsa Gjykata e Tiranës caktoi masën e sigurisë “arrest me burg” për Elvis Shkambin dhe xhaxhain e tij Gjon Shkambi, të akuzuar për vrasjen e gjyqtarit Astrit Kalaja, në platformën ndërkombëtare të donacioneve “GoFundMe” është hapur një llogari për mbledhjen e fondeve në ndihmë të autorit të krimit.

Sipas të dhënave, llogaria është hapur në orët e para të mëngjesit të sotëm dhe vetëm brenda disa orësh ka arritur të grumbullojë rreth 8,782 dollarë, me dhjetëra komentues që shprehin mbështetje për Shkambin.

Në përshkrimin e fushatës thuhet se qëllimi është “të ndihmohet ekonomikisht Elvis dhe Gjon Shkambi”, por fakti që bëhet fjalë për një autor të një vrasjeje ndaj një gjyqtari në detyrë ka shkaktuar indinjatë dhe debat të gjerë në rrjetet sociale.

Kjo nismë e pazakontë përkon në kohë me zhvillimin e konferencës kombëtare të gjyqtarëve, ku pritet të dalë një deklaratë e përbashkët e sistemit gjyqësor për ngjarjen tragjike që tronditi drejtësinë shqiptare.

Analiza e lajmit: një shoqëri mes mëshirës, revoltës dhe mosbesimit te drejtësia

Hapja e një llogarie për të mbledhur para në ndihmë të autorit të një vrasjeje është një fenomen i paprecedent në Shqipëri dhe ngre disa pikëpyetje serioze për perceptimin shoqëror të drejtësisë.

Kjo nuk është thjesht një nismë e izoluar, por një simptomë e thellë e mosbesimit të qytetarëve ndaj sistemit gjyqësor.

Një pjesë e publikut, e zhgënjyer prej vitesh nga vendime të diskutueshme gjyqësore, duket se po reagon në mënyrë ekstreme – duke i dhënë “të drejtë” një autori krimi, vetëm sepse viktima përfaqësonte sistemin që ata e konsiderojnë të padrejtë.

Ky reagim, megjithatë, është i rrezikshëm: ai rrezikon të normalizojë dhunën si mënyrë për të kërkuar drejtësi dhe të legjitimojë hakmarrjen në vend të ligjit.

Në këtë mes, institucionet e drejtësisë duhet të kuptojnë mesazhin: nuk mjafton dënimi i një vrasësi, por rikthimi i besimit te qytetari se drejtësia mund të jetë e paanshme, njerëzore dhe reale.

Kushtetuesja rrëzon drekretin e Presidentit për zgjedhjet. Gjykata Kushtetuese u vu në lëvizje nga Erion Veliaj

Reagimi zyrtar i Dhomës së Avokatisë Fier për ngjarjen e ndodhur

Dhoma e Avokatisë Fier ka reaguar pas ngjarjes së ndodhur në qytet, ku një grua 49-vjeçare u arrestua nga policia pasi kanosi dhe goditi avokatin A. K., në ambientet e një zyre.

Në reagimin e kryetarit të Dhomës së Avokatisë Fier, Av. Ermal Hamataj, sqarohet se konflikti nuk ka ndodhur për shkak të marrëdhënies avokat–klient, pasi gruaja në fjalë nuk është kliente e avokatit, por një person që, sipas reagimit, ka shfaqur sjellje të paqëndrueshme dhe agresive.

“Zonja në fjalë nuk është kliente e zyrës së avokatit A. K., por është thjesht një person që nuk di çfarë kërkon. Njerëz, mblidhni mendjen, nuk mund të na bëni presion, nuk mund të silleni si vandalë në zyrat tona. Mos harroni, jo vetëm do të përballeni me ligjin, por edhe avokatët dinë të mbrohen”, – thuhet në reagim.

Kryetari Hamataj falënderoi Komisariatin e Policisë Fier për reagimin dhe arrestimin në kohë reale të autores së sulmit verbal dhe vandal, duke theksuar se asnjë akt dhune ndaj avokatëve nuk do të tolerohet.

Gjykata Penale e Tiranës ka caktuar masën e sigurisë “arrest në burg” për Elvis Shkambin, Gjon Shkambin dhe Banush Koxhajn. Seanca është zhvilluar nën drejtimin e gjyqtares Marinela Osmani.

Mesohet se Elvis dhe Gjon Shkambi kanë kërkuar falje publike ndaj familjes së gjyqtarit Kalaja, duke deklaruar se ngjarja ka ndodhur si pasojë e një tronditjeje të lartë psikike, për shkak të kalvarit të gjatë të gjyqeve që lidhen me një çështje pronësie.

Të pandehurit kanë shprehur gjithashtu pakënaqësi ndaj sistemit gjyqësor, duke pretenduar se gjykatat nuk e kanë zgjidhur siç duhet çështjen në fjalë.