Një ngjarje e rëndë është regjistruar paraditen e sotme në Vlorë. Rreth orës 11:40, një vajzë 17-vjeçare është paraqitur në spital në gjendje të rëndë shëndetësore. 

Policia njofton se dyshohet që 17-vjeçarja është vetëplagosur me armë zjarri në banesën e saj, në lagjen “Kushtrimi”.

Njoftimi: 

Vlorë/Informacion paraprak

Sot, rreth orës 11:40, është paraqitur në spital, në gjendje të rëndë shëndetësore, një shtetase e mitur 17 vjeçe, e cila dyshohet se është vetëplagosur me armë zjarri pistoletë, në banesën e saj, në lagjen “Kushtrimi”.

Grupi hetimor po punon për sqarimin e plotë të rrethanave të ngjarjes.

Një pallat në ndërtim në qytetin e Vlorës do të konfiskohet pasi autoritetet kanë konstatuar ndërtimin e tij pa lejen e nevojshme.

Sipas një reagimi të kryeministrit Edi Rama në Facebook, “këtë fat do të kenë të gjitha objektet me shkelje të lejes së ndërtimit, të cilat sipas rastit e nevojës do të shemben apo konfiskohen nga shteti për funksione publike, ndërkohë që punonjësit e bashkive që kryejnë sipas ligjit akt-kontrollet në çdo fazë të ndërtimit dhe mbyllin sytë përpara shkeljeve, do t’i përcillen prokurorisë për një sërë veprash penale të mundshme”.

Ish-shefi i Komisariatit Rrugor të Tiranës, Roven Zeka, është liruar nga qelia me vendim të Gjykatës së Posaçme, e cila ka vendosur që ai të vijojë masën e sigurisë në arrest shtëpie.

Zeka u arrestua më 19 prill 2025, me urdhër të SPAK, së bashku me dy ish-zyrtarë të tjerë të Policisë së Shtetit, Edison Tabaku dhe Sokol Novaku, në kuadër të një hetimi për korrupsion.

Sipas hetimeve të Prokurorisë së Posaçme, tre zyrtarët dyshohet se kanë marrë para nga një grua e përfshirë në një aksident rrugor, në mënyrë që rasti të mos referohej në prokurori dhe të mos niste një hetim penal.

Më herët, Apeli i GJKKO kishte lënë në fuqi masën e arrestit me burg për Zekën dhe Tabakun, ndërsa për shefin e hetimeve të aksidenteve, Sokol Novaku, masa u zbut në arrest shtëpie për shkak të rrethanave familjare.

Fillimi i punimeve për ndërtimin e paneleve diellore në Seman, ka ngritur në protestë paraditen e sotme dhjetra banorë të 5 fshatrave, Sektor, Seman, Hamil , Sulaj dhe Baltëz.

Ata shprehen të indinjuar se prej 10 ditësh në tokat që shfrytëzojnë prej 35 vitesh për kullotë dhe mbjellje foragjere , fadromat po punojnë pa i vënë në dijeni më parë.

Këto janë toka pjellore , dhe jo toka kripore , thonë ata njëzëri , ndaj kjo është një ndërhyrje e padrejtë. Banorét thoné se kanë qënë të rregullt me pagesat në njësinę administrave Topojë- Seman, dhe se e kanë të lidhur jetesën me tokat që kanë në përdorim dhe tufat e bagëtive.

Banorët pohojnë gjithashtu se as nuk janë në dijeni nëse në zonë ka një projekt të miratuar pë ndërtimin e paneleve. Duhej të ishim lajmëruar më parë thonë ata, ndërkohë në këto kushte na mbetet vetëm tia çojmë delet e lopêt në kryeministri Edi Ramës , dhe të largohemi nga shtëpitë tona e të vijnë indianët për të punuar.

“ Kërkojmë të vijë në zonë Ministrja e Bujqësisë thonë banorët të na sqarojë në të kundęrt do të vazhdojmë rezistencën tonë me protesta edhe më masive.

Kur parkimi dysh kthehet në vepër penale?

Sipas burimeve nga Policia e Shtetit, parkimi i dyfishtë do të konsiderohet vepër penale vetëm në raste specifike dhe të mirëpërcaktuara, kur ai:

-Pengon qartazi dhe në mënyrë të drejtpërdrejtë lëvizjen e automjeteve të emergjencës si ambulanca, zjarrfikëse, mjetet e policisë apo shërbime të tjera të institucioneve.

-Bllokon tërësisht rrugën, duke e bërë të pamundur kalimin e mjeteve të tjera.

-Shkakton bllokim total të rrugës për këmbësorët, duke u bërë pengesë serioze për sigurinë publike.

Në këto raste të rënda, policia nuk do të mjaftohet me vendosjen e një gjobe administrative, por do të nisë procedurat për ndjekje penale, sipas nenit 293 të Kodit Penal, që parashikon:

“Pengimi i qarkullimit të mjeteve të transportit, vënia e pengesave dhe ndalimi me çdo mjet e mënyrë i qarkullimit të mjeteve të transportit automobilistik, hekurudhor, ujor apo ajror, dënohet me gjobë ose me burgim deri në tre vjet.”

Çfarë ndodh pas konstatimit nga policia?

Nëse një efektiv i qarkullimit rrugor konstaton një rast që përputhet me kriteret e mësipërme, ai nuk do të marrë vetë vendimin për ndjekje penale, por do ta referojë rastin në prokurori.

Organet e akuzës, pas shqyrtimit të pamjeve filmike, dëshmive dhe çdo prove tjetër të mbledhur, do të vendosin nëse drejtuesi i mjetit duhet të ndiqet penalisht.

Kjo do të thotë se çdo rast do të vlerësohet në mënyrë të veçantë, dhe vendimi për të ngritur një akuzë penale nuk është automatik, por i mbështetur në prova dhe rrethana konkrete.

Çfarë ndodh në rastet e zakonshme?

Në pjesën më të madhe të rasteve të parkimeve dysh, pra kur nuk ka pasoja të rënda për qarkullimin apo sigurinë, policia do të vijojë me masat administrative, ashtu si deri më sot, duke vendosur gjobë sipas Kodit Rrugor nga 1 mijë deri në 3 mijë. Kjo përfshin edhe vendosjen e bllokuesve të gomave dhe heqjen me karrotrec.

Kryeministri Edi Rama është ndalur në aksionin për lirimin e hapësirave publike. 

Ai u është përgjigjur akuzave se aksioni në Theth po ndërmerret në mënyrë që të ndërtohen resorte turistike. 

“Nuk bëhet fjalë për të ndërtuar resorte turistike, është jashtë çdo lloj opsioni. Dua të them që të gjithë teoritë për këtë operacion janë për të ardhur keq dhe dezinformim. Ata që dalin dhe bëjnë zhurmë s’janë banorët e Thethit”, tha ai. 

Rama ka paralajmëruar se çdo ndërtim në shkelje të infrastrukturës dhe hapësirës publike do të rrafshohet

“Kemi marrë përsipër qe brenda 2028 të mbyllim procesin e legalizimit, por ta harrojë që dikush do të legalizojë në shkelje të ligjit,. Historia “ndërto sot që të legalizosh nesër” nuk do të ecë më. Çdo ndërtim në shkelje të infrastrukturës dhe hapësirës publike do të rrafshohet”, tha ai.