Del para gjykatës 25-vjeçari që v*au me th*kë ne Divjake ,Besmir Kumrien

Para Gjykatës së Lushnjës ka dalë sot 25-vjeçari Xhesion Toromëni, i akuzuar për vrasjen me thikë të Besmir Kumries në Divjakë. Seanca gjyqësore u zhvillua nën drejtimin e gjyqtares Aurora Tusha, ndërsa çështjen e përfaqësoi prokurori Kristi Jorgji.

Ngjarja e rëndë ndodhi mbrëmjen e 19 gushtit, në një lokal në Kryekuq të Divjakës, ku Kumria ndodhej me miqtë e tij. Toromeni është afruar dhe e ka goditur me thikë, duke i shkaktuar vdekjen e menjëhershme.

Hetimet paraprake kanë nxjerrë në pah se mes dy familjeve kishte pasur përplasje të vazhdueshme për kanalin e ujit, që mendohet të jetë edhe shkaku kryesor i krimit. Pas ngjarjes, autori u largua nga vendi i krimit, por u kap disa orë më pas nga shërbimet operacionale të Policisë së Fierit.

Aktualisht, ndaj Toromenit është ngritur akuza për “vrasje me paramendim”, ndërsa pritet vendimi i gjykatës mbi masën e sigurisë.

Arrestohet vajza e Eli Farës, u kap me kok*inë

Policia ka vënë në pranga vajzën e Eli Farës, Marina Farën.

Marina Fara, emrin në dokumente e ka Roxhensa Kapurani.

Në njoftimin e policisë thuhet se shërbimet e policisë së Komisariatit të Policisë së Vorës i gjetën vajzës së këngëtares një sasi kokaine.

‘U arrestua shtetasja R. K., 39 vjeçe, pasi gjatë kontrollit fizik, shërbimet e Komisariatit të Policisë Vorë i gjetën një sasi të dyshuar narkotike Kokaine’, thuhet në njoftimin e uniformave blu.

U aksidentua nga makina në aksin Pogradec – Lin, ndërron jetë gjatë rrugës për tek Trauma e moshuara

Ndërron jetë rrugës për në spitalin e Traumës, e moshuara Manushaqe Gjoka, e cila u përplas në aksin Pogradec – Lin mëngjesin e sotëm.

Burime konfirmojnë se e moshuara ishte në gjendje të rëndë dhe do dërgohej drejt spitalit të kryeqytetit, por fatkeqësisht ka ndërruar jetë në afërsi të qytetit të Elbasanit.

Mësohet se e moshuara ishte nga Durrësi dhe kishte ardhur për pushime në Pogradec.

FIER-Nga aksidentet te dhuna në familje dhe droga, disa të arrestuar në 24 orët e fundit

Drejtoria Vendore e Policisë Fier

Specialistët e Sektorit të Qarkullimit Rrugor arrestuan në flagrancë shtetasit:
-G. Ç., 41 vjeç, banues në Fier, pasi është kapur duke drejtuar automjetin, në gjendje të dehur;
-S. N., 45 vjeç, banues në Ndërnënas, pasi dje, në fshatin Ndërnënas, duke drejtuar automjetin, në gjendje të dehur, ka hubur kontrollin dhe si pasojë automjeti është përplasur me një mur. Nga aksidenti është dëmtuar pasagjerja, shtetasja A. Z., 42 vjeçe, e cila është në kujdesin e mjekëve;
-J. Sh., 28 vjeç, banues në fshatin Grabian, pasi dje, ka shkuar në spital, për të marrë mjekim, dhe ka deklaruar se ka rënë nga tarraca e shtëpisë, por nga veprimet hetimore dyshohet se është dëmtuar pasi ndërkohë që drejtonte automjetin, ka humbur kontrollin dhe si pasojë automjeti ka rënë në kanal.

Specialistët për Hetimin e Narkotikëve referuan materialet në Prokurori, ku nisi procedimi në gjendje të lirë për shtetasin H. Z., 25 vjeç, banues në Tiranë, pasi gjatë kontrollit fizik të ushtruar nga shërbimet e Forcës së Posaçme “Shqiponja”, iu gjet një sasi lënde e dyshuar narkotike cannabis sativa, e cila u sekuestrua me cilësinë e provës materiale.

Specialistët për Hetimin e Krimeve të Komisariatit të Policisë Fier arrestuan në flagrancë shtetasen A. D., 20 vjeçe, banuese në Fier, pasi është konstatuar jashtë banese, ndërkohë që ishte me masë sigurie “Arrest në shtëpi”.

Po këta specialistë referuan materialet në Prokurori, ku nisi procedimi në gjendje të lirë për shtetasit:
-P. T., 42 vjeç, banues në Fier, pasi dyshohet se ka ushtruar dhunë ndaj nënës së tij;
-K. P., 76 vjeç, banues në Fier, pasi dyshohet se ka prishur murin rrethues të pronës së një shtetaseje 48 vjeçe.

Specialistët për Hetimin e Krimeve të Komisariatit të Policisë Lushnjë referuan materialet në Prokurori, ku nisi procedimi në gjendje të lirë për shtetasin B. C., 57 vjeç, banues në fshatin Gramsh, pasi dyshohet se ka ushtruar dhunë ndaj vëllait të tij.

Specialistët për Hetimin e Krimeve të Komisariatit të Policisë Mallakastër referuan materialet në Prokurori, ku nisi procedimi në gjendje të lirë për shtetasin S. Sh., 68 vjeç, banues në fshatin Hekal, pasi dyshohet se ka ushtruar dhunë ndaj vëllait të tij.

Materialet procedurale iu referuan Prokurorisë së Fierit, për veprime të mëtejshme.

Bregdeti i Semanit, në Fier, konsiderohet një nga zonat më të ndjeshme të Shqipërisë ndaj erozionit

Bregdeti i Semanit (në Fier) është një nga zonat më të ndjeshme të Shqipërisë ndaj erozionit bregdetar dhe zhvendosjes së vijës së detit.Mesohet se ne vitet e fundit fenomeni natyror i zaptimit te bregut ranor nga deti shkon ne 1420 ha jo vetem breg ranor ne Seman dhe Rremas por edhe toke bujqesore qe tashme jane kripezuar.Levizjet e detit Adriatik ne Seman, Rremaz apo edhe ne Divjak shpjegohen si femomene natyrore qe kanw prekur mbare globin per shkak te ndeyshimeve klimatike

Sipas të dhënave shkencore dhe raporteve të viteve të fundit:

  • Delta e Semanit dhe e Shkumbinit janë zonat më të prekura nga zhvendosja e vijës bregdetare në Shqipëri.
  • Në disa segmente të bregdetit të Semanit, deti është zhvendosur deri në 800–1200 metra në brendësi të tokës gjatë 40–50 viteve të fundit.
  • Mesatarisht, humbja e tokës matet me rreth 6-10 metra në vit në zonat më kritike, çka e bën këtë pjesë të Adriatikut një nga më problematiket në Ballkan për nga erozioni.
  • Shkaku kryesor është mungesa e depozitimit të sedimenteve nga lumi Seman (pasi ato mbahen nga digat dhe shfrytëzimi i inerteve), ngritja e nivelit të detit dhe ndryshimet klimatike.

Raportet e Bankës Botërore dhe të Programit të Kombeve të Bashkuara për Mjedisin (UNEP) e cilësojnë këtë zonë si një “hotspot të erozionit bregdetar”, ku rreziku i përmbytjes dhe humbjes së tokës bujqësore do të rritet edhe më shumë në dekadat e ardhshme. Ne vitin 1990 → deti kishte avancuar rreth 200 m në tokë.

2010 → zhvendosja shkoi deri në 400 m.

2025 → sot arrin afërsisht 1400 m në disa segmente kritike.

Arbër Veliaj, vëllai i kryebashkiakut të Tiranës, është paraqitur sërish në SPAK, ku ka dorëzuar dokumente tek hetuesit e BKH-së.

  • Arbër Veliaj, vëllai i kryebashkiakut të Tiranës, është paraqitur sërish në SPAK, ku ka dorëzuar dokumente tek hetuesit e BKH-së.
  • Ai ishte edhe një ditë më parë në Prokurorinë e Posaçme, ku u mor në pyetje për rreth 5 orë.
  • Kjo lëvizje lidhet me procesin gjyqësor ndaj Erion Veliajt, i cili më 23 korrik u shpall zyrtarisht i pandehur për:
    • korrupsion,
    • deklarim të rremë të pasurisë,
    • pastrim parash.
  • Në hetim është përfshirë edhe bashkëshortja e tij, Ajola Xoxa, si dhe disa biznesmenë, përfshirë Elman Abulen, i cili është në arrest shtëpie.
  • Erion Veliaj ndodhet në paraburgim që nga 10 shkurti 2025.

Konflikti mes bashkëfshatarëve përfundon me zjarr të qëllimshëm, ndalohet 43-vjeçari

Një zjarr i ndezur me qëllim pas një konflikti mes dy bashkëfshatarëve ka vënë në rrezik banesa, bagëti dhe sipërfaqe të mbjella me ullinj në fshatin Drashovicë të Selenicës.

Policia njofton se ka ndaluar shtetasin E. B., 43 vjeç, banues në Drashovicë, i dyshuar si autor i zjarrvënies së qëllimshme. Hetimet paraprake tregojnë se ngjarja ndodhi më 21 gusht 2025, rreth orës 19:30, në vendin e quajtur “Fshati i Vjetër”, ku pas një konflikti me bashkëfshatarin e tij, shtetasin F. N., 43-vjeçari dyshohet se i vuri zjarr tokës.

Flakët dogjën një sipërfaqe me ullinj dhe rrezikuan bagëtitë e imta të F. N., ndërsa ndërhyrja e shpejtë parandaloi përhapjen e mëtejshme të zjarrit.

Materialet procedurale i janë referuar Prokurorisë pranë Gjykatës së Shkallës së Parë Vlorë, për veprime të mëtejshme ligjore ndaj të ndaluarit.

Ministria e Mbrojtjes -Zjarre të qëllimshme në Vlorë/ Dyshohet grup kriminal

Një seri zjarresh të qëllimshme ka përfshirë mbrëmjen e djeshme zonat e Dukatit, Drashovicës dhe Vajzës në qarkun e Vlorës, duke ngritur alarmin tek autoritetet dhe banorët lokalë.

Sipas njoftimit zyrtar të Ministrisë së Mbrojtjes, zjarret shpërthyen njëherazi mes orës 20:15 dhe 22:15, në një periudhë kohe kur ndërhyrja ajrore është e pamundur. Kjo, sipas autoriteteve, tregon për një planifikim të mirëfilltë kriminal.

Në Dukat të Ri, falë ndërhyrjes së shpejtë të emergjencave civile, flakët u izoluan, duke shmangur rrezikun për banesat. Por ndërkohë, tre vatra të mëdha në lartësitë e Drashovicës dhe dy në Vajzë vijojnë të jenë aktive dhe të pakontrolluara.

“Forcat zjarrfikëse dhe Forcat e Armatosura janë të angazhuara në terren, duke krijuar perimetra sigurie për të mbrojtur banesat dhe pronat e qytetarëve,” thuhet në reagimin e Ministrisë.

Institucioni shton se tipologjia dhe kronologjia e zjarreve krijojnë bindjen e arsyeshme se bëhet fjalë për veprimtari të një grupi të strukturuar kriminal, i cili ka zgjedhur të veprojë natën për të pamundësuar ndërhyrjen nga ajri.

Forcat operacionale mbeten të angazhuara gjatë gjithë natës për neutralizimin e plotë të flakëve.

1...157158159...308Faqja 158 nga 308