Drejtoria Vendore e Policisë Fier

Në vijim të informacionit të dhënë për aksidentin e ndodhur dje, në lagjen “Liri Gero”, bëjmë me dije se specialistët e Sektorit të Qarkullimit Rrugor arrestuan në flagrancë për veprat penale “Shkelja e rregullave të qarkullimit rrugor” dhe “Drejtimi i mjetit në mënyrë të parregullt”, 17-vjeçarin që aksidentoi me automjet, shtetasin K. T., 35 vjeç, i cili vijon të jetë në kujdesin e mjekëve.

Gjithashtu, këta specialistë arrestuan në flagrancë shtetasit:
-R. Rr., 59 vjeç, banues në Levan, pasi dje, në qytetin e Fierit, automjeti që drejtonte në gjendje të dehur është përplasur me një automjet tjetër, me pasojë dëme materiale;

Detaje të reja janë zbuluar pas aksidentit fatal të mbrëmjes së së dielës në aksin Sarandë–Delvinë, ku humbën jetën motrat Ela dhe Rozina Dhimaku.

Policia ka vënë në pranga 23-vjeçarin Kevi Norra qe sipas njoftimit te policise eshte banues ne Fier, i cili drejtonte automjetin tip “Audi”. Nga testi i alkoolit rezultoi se Norra ishte në gjendje të rëndë të dehur në momentin e përplasjes.

Në fshatin Kopaçez, ku jetonte familja Dhimaku, janë hapur dyert e mortit. Mësohet se se ato ishin dy më të rriturat e familjes, ndërsa në shtëpi kanë lënë një vëlla vetëm 10 vjeç, i cili vuan nga leuçemia.

Nga ana tjetër, 24-vjeçarja Antonela Zhupa, pasagjere në automjetin tip “Lancia”, ka pësuar politrauma. Pas ndihmës së parë në spitalin e Sarandës, mjekët vendosën ta transferonin drejt Spitalit të Traumës në Tiranë për trajtim më të specializuar. Fatmirësisht, gjendja e saj shëndetësore është jashtë rrezikut për jetën.

Sakaq, grupi hetimor vijon punën për zbardhjen e plotë të rrethanave të aksidentit, i cili ka lënë pas një tragjedi të rëndë familjare dhe shoqërore.

Sarandë – NJOFTIM I POLICISE

•Specialistët e Seksionit të Trafikut Urban dhe Interurban Sarandë arrestuan në flagrancë shtetasin K. N., 23 vjeç, banues në Fier, për veprat penale “Shkelja e rregullave të qarkullimit rrugor” dhe “Drejtimi i automjeteve në mënyrë të parregullt”. Ky shtetas, më datë 24.08.2025, rreth orës 20:15, në aksin rrugor Delvinë-Sarandë, duke drejtuar automjetin tip “Audi”, në gjendje të dehur (nga verifikimet e kryera në vendngjarje ka rezultuar: testi i parë i alkoolit në masën  1.52 mg/l, ndërsa testi i dytë në masën 1.42 mg/l), është përplasur me automjetin tip “Lancia”, me drejtuese shtetasen E. Dh., 22 vjeçe. Si pasojë e aksidentit, humbën jetën shtetaset E. Dh., 22 vjeçe dhe R. Dh., 20 vjeçe, ndërsa shtetasja A. Zh., 24 vjeçe, mbeti e dëmtuar rëndë dhe ndodhet nën kujdesin e mjekëve.

Materialet iu referuan Prokurorisë, për veprime të mëtejshme.

Një ngjarje e rëndë ka tronditur mbrëmjen e së dielës zonën e Delvinës, ku dy motra humbën jetën pas një aksidenti rrugor fatal.

Aksidenti ndodhi rreth orës 20:15, në vendin e quajtur “Pularia”, ku një automjet tip Lancia, i drejtuar nga 22-vjeçarja Ela Dhimaku, u përplas me një makinë tip Audi, me drejtues 23-vjeçarin Kevi Norra.

Përplasja rezultoi fatale për Elën dhe motrën e saj Rezi Dhimaku, vetëm 20 vjeçe, e cila udhëtonte si pasagjere. Bashkë me to ndodhej edhe Antonela Zhupa, 24 vjeçe, e cila mbeti e plagosur rëndë dhe u transportua me urgjencë drejt Tiranës.

Forca të shumta policie, ambulanca dhe zjarrfikës ndërhynë menjëherë në vendngjarje për nxjerrjen e trupave dhe dhënien e ndihmës së parë. Shkaqet dhe rrethanat e aksidentit mbeten ende nën hetim.

Aksident i rëndë në aksin Sarandë-Delvinë, dy të vdekur dhe një i plagosur. Aksidenti ka ndodhur në vendin e quajtur “Pularia”. Viktima të aksidentit janë dy vajza nga Kopaçeza, bashkia Delvinë…

Forca të shumta policie, ambulanca dhe zjarrfikëse në vendin e ngjarjes. I plagosuri është transportuar drejt spitalit të Sarandës në gjendje të rëndë. Ende nuk ka detaje në lidhje me rrethanat e aksidentit…

Një 19-vjeçar i shpallur në kërkim ndërkombëtar nga autoritetet italiane është vënë në pranga nga Policia e Shtetit, në kuadër të operacionit “Operacionalja 59”.

I arrestuari është shtetasi Z. Z., lindur dhe banues në fshatin Cukalat të Beratit, i cili u lokalizua në Fier dhe u ndalua me qëllim ekstradimin në Itali.

Sipas njoftimit zyrtar, i riu ishte shpallur në kërkim nga Interpol Roma, pasi Gjykata e Riminit i kishte caktuar masën e sigurisë “arrest në burg” për akuzën e pjesëmarrjes në një organizatë kriminale që merrej me trafikimin e lëndëve narkotike. Për këtë vepër, ligji italian parashikon deri në 10 vite burg.

Interpol Tirana ka nisur procedurat e ekstradimit në bashkëpunim të ngushtë me autoritetet italiane.