Rritet numri aksidenteve në Fier, 3 viktima dhe 9 të plagosur rëndë në gusht

Bilanc i rëndë aksidentesh në Fier gjatë muajit gusht: 3 viktima dhe 9 të plagosur rëndë

Muaji gusht ka shënuar një bilanc të rëndë aksidentesh rrugore në qarkun e Fierit, me pasojë 3 humbje jete dhe 9 persona të plagosur rëndë.

Sipas të dhënave zyrtare, shkaqet kryesore të këtyre ngjarjeve lidhen me shpejtësinë e lartë dhe parakalimet e gabuara. Autoritetet vendore theksojnë se ndër akset më problematike mbeten:

  • “Pushimi i Shoferit”
  • “Kryqëzimi i Savrës”
  • Aksi “Savër–Çermë”
  • “Rrethrrotullimi Savër–Ura e Kuçit”
  • “Kryqëzimi i Vajkanit”
  • “Rrethrrotullimi i Parkut–Qendër”
  • “Qendër–QTU”

Në këto segmente, kontrollet e policisë kanë vijuar në mënyrë të pandërprerë me patrulla dhe shërbim të përforcuar.

Vetëm gjatë muajit gusht, në qarkun e Fierit janë vendosur 6088 masa administrative, prej të cilave:

  • 4185 për tejkalim shpejtësie,
  • 416 për parakalim të gabuar,
  • 22 për drejtim mjeti nën efektin e alkoolit,
  • 122 për drejtim pa rrip sigurimi,
  • 12 për përdorim celulari gjatë drejtimit,
    si dhe raste të tjera shkeljesh, përfshirë përdorimin e automjeteve nga adoleshentë.

Edhe pse gushti shënon fundin e sezonit turistik, trafiku në Fier vijon të mbetet i rënduar. Autoritetet apelojnë për kujdes maksimal dhe respektim të rregullave të qarkullimit rrugor, për të shmangur ngjarje të rënda.

Rritje në tregun valutor – Forcohen monedhat kryesore!

Dollari amerikan është blerë këtë mëngjes me 82.7 lekë dhe është shitur me 84 lekë duke regjistruar rritje nga një ditë më parë sipas kursit të këmbimit lokal.

Monedha europiane gjithashtu ka shënuar rritje të kuotës këtë të martë duke u blerë sot me 96.6 lekë dhe duke u shitur me 97.6 lekë në raport me ditën e djeshme.

Franga zvicerane edhe ajo është forcuar mëngjesin e sotëm pasi është blerë me 102.4 lekë dhe është shitur me 103.7 lekë nga dita që lamë pas.

Paundi britanik referuar tregut të brendshëm valutor është rritur edhe ai këtë mëngjes duke u blerë sot me 111 lekë dhe duke u shitur me 112.7 lekë krahasuar me dje.

Financimi në mbjellje të reja-Fermerët, afat deri në 30 shtator për të aplikuar

Fermerët kanë afat deri në 30 shtator për të aplikuar në Skemën Kombëtare të Investimeve 2025, për mbështetje në mbjellje të reja, në pemë frutore, agrume, ullishte dhe vreshta.

Lajmin e bëri të ditur sot ministrja e Bujqësisë dhe Zhvillimit Rural, Anila Denaj e cila u shpreh se mbështetja do të jepet për mbjelljet e reja në pemë frutore, agrume, ullishte dhe vreshta në sipërfaqe 0.5 ha deri në 10 ha.



Denaj informoi se mbështetja financiare do të jetë deri në 50% të vlerës totale të faturave tatimore.

Sipas ministres Denaj, mbështetja financiare për mbjelljet e reja do të jetë jo më shumë se 800 000 lekë për hektarë dhe pagesë shtesë deri në 250,000 lekë për hektarë për sistemin e ujitjes me pika.
“Përmes përfitimit të 50% grant nga skema dhe kombinimit me Kredinë e Butë me interes vetëm 2% dhe garanci sovrane prej 70% të kolateralit, siguroni financim të plotë për të gjithë investimin”, u shpreh Denaj në një postim në rrjetet sociale.

Ministria e Bujqësisë dhe Zhvillimit Rural bën thirrje për të gjithë fermerët dhe agropërpunuesit që të aplikojnë dhe të shfrytëzojnë mundësitë që ofrohen nga Skema Kombëtare e Investimeve 2025 për të realizuar investime të qëndrueshme dhe për të kontribuar në zhvillimin e sektorit të bujqësisë në Shqipëri.


Mbështetja me grante në masën 50 % do të shoqërohet për gjatë gjithë vitit me asistencë të drejtpërdrejtë për disbursimin e masës së parë prej 30 %, brenda dhjetorit.

Mbi 30 vjeç nuk bëhesh dot polic – urdhri i ri i Ministrit të Brendshëm

Mbi 30 vjeç nuk bëhesh dot polic – urdhri i ri i Ministrit të Brendshëm

Nga 1 gushti 2025 ka hyrë në fuqi urdhri i Ministrit të Brendshëm, Ervin Hoxha, i cili përcakton se mosha maksimale për t’u pranuar në Policinë e Shtetit është 30 vjeç. Ky kriter është vendosur në zbatim të ligjit të ri për Policinë e Shtetit, që hyri në fuqi në korrik 2024, dhe është botuar në Fletoren Zyrtare.

Kjo do të thotë se konkursi i këtij viti në Akademinë e Sigurisë është i fundit ku kriteri i moshës nuk u zbatua, ndërsa në aplikimet e ardhshme mosha do të jetë përcaktuese.

Aktualisht, Policia e Shtetit numëron 12,300 efektivë, por ka ende mungesa në disa nivele. Vetëm për nivelin bazë llogaritet një deficit prej 600 punonjësish, ndërsa mungojnë edhe rreth 200 nënkomisarë. Këto vakanca janë krijuar si pasojë e daljes në pension, shkarkimeve për shkak të hetimeve dhe dorëheqjeve.

Berisha: Nuk i njohim kurrë zgjedhjet-Opozita dhe shqiptarët të ngrihen kundër farsës së 11 majit”

Kryetari i Partisë Demokratike, Sali Berisha, ka rikonfirmuar sot mosnjohjen e zgjedhjeve parlamentare të 11 majit 2025, duke i quajtur ato një “farsë elektorale” dhe një “krim i rëndë kundër demokracisë”.

Në një deklaratë të ashpër për mediat nga selia blu, Berisha paralajmëroi një betëjë pa kthim për rikthimin e votës së lirë, duke thënë se opozita është e gatshme për çdo përballje.

Berisha lëshoi një thirrje të drejtpërdrejtë kundër çdo akti që mund të legjitimojë rezultatin e 11 majit:

“Çdo opozitar, çdo shqiptar që mendon se këto zgjedhje mund të tolerohen, bëhet bashkëpunëtor në këtë megakrim elektoral, dhe shkelmon mbi idealet e veta të lirisë dhe votës së lirë”.

Pjesë nga fjala e Berishës:

Po afrohet momenti kur, PD do të marrë vendimet përkatëse.
Një gjë është e sigurt që, PD këto zgjedhje nuk do t’i njohë kurrë.
Unë të kuptoj, por të imagjinosh për një moment të njohësh këto zgjedhje, do të thotë të bëhesh bashkëautor në krim, në krimin më të madh elektoral në historinë e Shqipërisë pas 1946.
Pas zgjedhjeve pluraliste të vitit 1946 të cilat patën një fat të ngjashëm, por në atë kohë kishim të bënim me diktaturë totalitare, e cila kishte zero tolerancë ndaj pluralizmit, kurse tani kemi të bëjmë me një diktaturë autoritare, e cila e pranon pluralizmin duke e shtypur atë, siç e shihni.
Pra, unë deklaroj këtu se çdo shqiptar, çdo opozitar, që mendon se mund të tolerohen këto zgjedhje bëhet bashkautor në këtë megakrim elektoral dhe shkelmon mbi idealet e tij të lirisë, të votës së lirë.
Kam besim se, shqiptarët do t’i përgjigjen në mënyrën më të fuqishme kësaj farse që Edi Rama më 11 maj.
Edhe njëherë theksoj: mjaftojnë këto të dhëna, të cilat faktojnë më mënyrën më absolute angazhimin total të administratës në interes të partisë së krimit, faktojnë ekzistencën e partisë shtet, për të dëshmuar se, këtu nuk kishte zgjedhje, por kishte farsë.
U përket shqiptarëve dhe opozitës, të ngrihen me gjithë fuqinë e tyre, të gatshëm për çdolloj, me vendosmëri për çdo betejë për rikthimin e votës së lirë të qytetarëve shqiptarë….

PD do ta bëjë këtë betejë kudo, kudo…kudo! Është betejë për jetën ose vdekjen e votës së lirë.

U procedua nga policia për kërcënim ndaj gazetarit, reagon biznesmeni Morina

Biznesmeni Julian Morina ka reaguiar në lidhje me akuzat e bëra ndaj tij nga gazetari Almer Toska.

Postimi i plotë:

Të nderuar bashkombas, miq e dashamirës! Desha t’ju percjell në respekt tuajin një ndjesë të thellë publike lidhur me një reagim timin të irrituar ndaj një pseudogazetari i cili është munduar të perbaltë punën, mundin, kontributin tim në kompanitë që drejtoj dhe jo vetëm.
Përsos kësaj desha të shpreh indinjatën dhe shqetsimin tim lidhur me disa shkrime te publikuara nga ky pseudogazetar qe shprehet me etiketime dhe aludime fyese të cilat cënojnë rëndë figurën dhe dinjitetin tim. Kompanite që unë drejtoj ushtrojnë aktivitetin kryesisht në fushën e Hotelerisë ku disa prej Hoteleve janë bashkëpunime me brande ndërkombëtare. Pjesa tjetër e aktivitet të kompanive është e orientuar në ndertim të objekteve ku vlen për tu theksuar që nuk kam marrë asnjë tender publik dhe kjo më bën më tepër krenar që nuk kam perfituar 1 Cent nga taksat e këtij vendi.
Indinjata ime e thellë ndaj ketij pseudogazetari e shprehur në atë formë ka qënë pasi ky pseudogazetar ka guxuar të shkruaj po ashtu për gjysmën e Kombit tonë Kosovën. Mirepo ajo që është shumë indikative dhe e pështirë në gjithë këtë histori, është fakti se, ka guxuar te shprehë se “ne Kosovarët jemi gjysem Turq e gjysem Sllavë”. Eshtë sa irrituese po aq edhe e neveritshme dhe si e tillë kam reaguar në atë formë pasi rrënjët e mija burojnë në Mitrovicë të Kosovës por jam i lindur dhe i rritur ne qytetin e Fierit. Familja jonë dhe shumë të tjera janë vendosur ne Shqipëri që nga periudha e Isa Boletinit ku kanë kontribuar në ngritjen e Flamurit dhe formimin e Qeverisë së parë Shqiptare, pjesë e së cilës kanë qenë familjarë tanë të cilët kanë kontribuar duke pasur edhe humbje në radhët e tyre.
Pjesë e këtij indijimi ndaj kësaj maskarade të shprehur nga ky pseudogazetar u bëra dhe unë fatkeqsisht, por në respekt tuajin per çfarë po qarkullon ditet e fundit në portale ndieja detyrim per të sqaruar situaten në fjalë.
Me respekt Juljan Morina.

Pushimet verore-Rekord në importet e karburanteve, birrës dhe kafesë

Sezoni veror ka shtuar interesin e qytetarëve shqiptarë dhe të huaj për të eksploruar Shqipërinë, duke sjellë dhe një rritje rekord të konsumit të karburantit.

Nafta dhe benzina kanë shënuar rritjen më të lartë ndër mallrat e tjera të akcizës të importuara në 7 muajt e parë të vitit.

Referuar të dhënave zyrtare të Ministrisë së Financave, deri në muajin Korrik 2025 janë zhdoganuar dhe kanë shkuar për konsum nga afro 416 mijë ton karburant. Krahasuar me janar-korrik 2024,  importet e këtij produkti janë rritur me 49.4 mijë tonë.

Ky është një nivel rekord edhe ndër vite, i ndikuar kryesisht nga turizmi dhe rënia e çmimit të naftës në treg. Aktualisht një litër naftë shitet mesatarisht 175 lekë, çka ka nxitur lëvizshmërinë më të madhe të qytetarëve si për pushime të shkurtra ashtu edhe për pushime të gjata.

Rritja e konsumit të karburanteve,  lidhet shumë me shtimin e vizitave në zonat turistike malore dhe bregdetare, por edhe më përdorimin më të shpeshtë të automjeteve.

Nafta si një nga produktet kryesore që ndikon në zinxhirin ekonomik të mallrave dhe shërbimeve, sinjalizon rritje të kërkesës së brendshme dhe rritje ekonomike.

Ndërkohë, një tjetër produkt që ka shënuar rritje është birra. Vetëm 7 mujorin e parë  të këtij vitit 2025 janë importuar 34 mijë ton birrë, nga 32.2 mijë ton të importuara në janar-korrik 2024.  Kjo tregon se konsumi është në rritje sidomos gjatë muajve të verës, kjo edhe për shkak të shtimit të strukturave akomoduese që ofrojnë shërbim all inclusive në Shqipëri.

Por përpos rolit që luan turizmi në importin e këtij produkti, blerja e sasive të konsiderueshme nga jashtë është favorizuar edhe nga unifikimi i akcizës për prodhimin vendas, çka ka sjellë disavantazh për fabrikat që operojnë në Shqipëri të cilat po përballen me kosto të larta dhe vështirësi të shumta, por nga ana tjetër ka krijuar më shumë terren për importuesit.

Importi i kafesë po ashtu ka ardhur në rritje, ku në 7-mujorin e parë të vitit janë importuar 5,593 ton,  me një rritje prej 370 ton në raport me një vit më parë.

Ndër mallrat e akcizës rënie ka pësuar vetëm importi i cigares, me 79 ton,  ku në 7 muaj janë importuar 1,711 ton nga 1,790 ton në janar-korrik 2024. Rënia e importit të këtij produkti ndoshta është reflektim i kërkesës më të ulët, kjo edhe për shkak të çmimeve në rritje të cigareve, politikë që synon dekurajimin.

Të ardhurat nga akciza, në gjysmën e parë të vitit,  janë realizuar në shumën 390 milionë euro,  me një rritje prej 41 milionë euro.

Fier – Arrestime për drejtim mjeti në gjendje të dehur

Drejtoria Vendore e Policisë Fier ka bërë me dije se gjatë 24 orëve të fundit janë kryer disa arrestime dhe procedime penale për shkelje të ligjit dhe ngjarje të ndodhura në qark.

Policia arrestoi në flagrancë:

  • I. Ç., 38 vjeç, banues në fshatin Germenjë, Divjakë, pasi në gjendje të dehur, me automjetin që drejtonte, u përplas me një tjetër mjet, duke shkaktuar dëme materiale.
  • H. B., 53 vjeç, banues në Elbasan, i cili në aksin rrugor “Fier-Shegan–Thanë” u përplas me një motomjet. Për pasojë u plagos drejtuesi i tij, F. H., 65 vjeç, si dhe pasagjerja N. H., 55 vjeçe. Të dy ndodhen nën kujdesin e mjekëve.
  • E. D., 36 vjeç, banues në Fier, pasi u kap duke drejtuar automjetin në gjendje të dehur.

Gjithashtu, u procedua në gjendje të lirë A. T., 60 vjeç, banues në Fier, i dyshuar se ka vjedhur portofolin e një shtetasi 38-vjeçar.

Ndërkohë, në Lushnjë është regjistruar një ngjarje e rëndë. Në lagjen “18 Tetori”, dyshohet se në gjendje të rënduar psikologjike, ka kryer vetëvrasje në banesën e tij P. D., 64 vjeç. Hetimet vijojnë për të dokumentuar plotësisht rrethanat.

Materialet procedurale i janë referuar Prokurorisë së Fierit, për veprime të mëtejshme.

1...153154155...308Faqja 154 nga 308