Prokuroria e Posaçme ka marrë zyrtarisht të pandehur Erion Veliajn për akuzat e korrupsionit, pastrimit të parave dhe fshehjes së pasurisë.

Burime bëjnë me dije se akuzat kryebashkiakut të Tiranës do t’i komunikohen ditën e nesërme më datë 23 korrik.

Mësohet se lidhur me këtë edhe avokatët dhe Veliajt janë njoftuar zyrtarisht nga Prokuroria e Posaçme.

Ajo që mbetet e paqartë është fakti nëse kryebashkiaku i Tiranës do të lërë për pak orë qelitë e paraburgimit në Durrës ku qëndron prej 11 shkurtit të këtij viti për t’u përballur me prokurorët e posaçëm, Altin Dumani dhe Ols Dado.

Ajo çfarë mbetet e paqartë është nëse SPAK do ta përcjellë dosjen për në Gjykatën e Posaçme apo do të shtyjë afatet e hetimit.

Erion Veliaj mbahet në paraburgim prej 10 shkurtit të këtij viti. Ai po hetohet bashkë me bashkëshorten Ajola Xoxa dhe 6 biznesmenë.

Njëri prej tyre, Elman Abule, i cili mbahet në masën e sigurisë të arrestit në shtëpi, mësohet se është paraqitur këtë të martë në SPAK, ku është njohur zyrtarisht me akuzat që rëndojnë.

“Afati i fundit është data 30 korrik për mbylljen e hetimeve, dhe kjo është faza kur i komunikohen akuza zyrtarisht dhe palët kanë të drejtë brenda 10 ditëve të paraqesin prapësime me MEMO”

Numri i pensionistëve në Shqipëri po vjen gjithnjë e në rritje kjo për shkak të plakjes së popullsisë, fenomenit të emigrimit dhe rënies së lindshmërisë, duke bërë që presioni mbi skemë të jetë i lartë.

Por cilat janë qytetet më të “plakura”?

Referuar të dhënave të Institutit të Sigurimeve Shoqërore për vitin 2024, numri i pensioneve urbane të pleqërisë arrin 525,421.

Qarku me numrin më të lartë të pensionistëve është Tirana me 138,506 pensionistë, kjo edhe për shkak se ka numrin më të lartë të popullsisë në shkallë vendi, duke regjistruar dukshëm një kapërcim me qarqet e tjera. Më pas renditet Qarku Fier me 62,309 pensionistë, Vlora regjistron 52,218, ndjekur nga qarku Korçë me  49,186 pensionistë, Qarku Durrës me 48,479 dhe Elbasan me 42,395 pensionistë.

Qarku me numrin më të ulët të pensionistëve urbanë është Kukësi me vetëm 8,542 individë të moshuar që gëzojnë përfitime financiare.

Sa i takon pensioneve të pleqerisë në fshat, në total numri në fund të vitit 2024 ka arritur në 82,146.

Qarku me numrin më të lartë është sërish Tirana me 12,908 pensionistë, të cilët përfitojnë mbështetje financiare, ndjekur nga Qarku Fier me 11,321 pensionistë dhe më pas renditet qarku i Elbasanit me 9,785 pensionistë.

Edhe sa i takon pensioneve rurale, qarqet më me pak përfitues janë Gjirokastra me 3,550 dhe Kukësi me 2,626 pensionistë.

Ndërkohë, pensioni mesatar mujor në qytet ka arritur në 19,609 lekë në muaj dhe në fshat 11,878 lekë në muaj.

Saranda ka pësuar një rritje të dukshme të aktiviteteve kriminale gjatë muajit të fundit, ku përplasjet mes grupeve kriminale dhe ngjarjet e dhunshme kanë shkaktuar dëme serioze, si plagosje të personave dhe shpërthime me eksploziv.Këto aktivitete, të cilat shpesh kanë pasur motivet e tyre ekonomike, por ndodhin edhe për arsye të dobëta, kanë bërë që qyteti të përballet me një valë të shtuar tensioni dhe dhune.Mëngjesin e sotëm, rreth orës 03:30, në qytet mbërritën forcat speciale RENEA, të cilat filluan një operacion kontrolli për kapjen e personave të kërkuar, të përfshirë në ngjarjet e fundit kriminale. Ky aksion ka përfshirë gjithashtu FNSH dhe forcat “Shqiponja”, ndërkohë që rezultati i këtij operacioni ende nuk është bërë i ditur. Ky është operacioni i dytë i zhvilluar brenda pak ditësh, pas atij të dielën e kaluar, ku kontrolle të ngjashme u zhvilluan nga forcat e policisë të Tiranës dhe Vlorës, por pa ndonjë rezultat të dukshëm.

Një ndër ngjarjet më të rënda të fundjavës ka qenë shpërthimi i eksplozivit, që shkatërroi automjetin e 31-vjeçarit Klaus Jaçaj. Jaçaj është një person me precedentë të rëndë penalë dhe aktualisht në kërkim për “përkrahje të autorit të krimit”, lidhur me një ngjarje të ndodhur në Sarandë më 17 korrik, ku dy të rinj nga Kamza u plagosën me armë.

Fier/Informacion paraprak

Rreth orës 18:30, në lagjen “1 Maji”, Fier, në një banesë, dyshohet se aksidentalisht ka marrë zjarr një bombul gazi. Për pasojë kanë pësuar djegie në trup shtetasit E. T., 63 vjeç dhe A. R., 41 vjeç, të dy banues në Fier, të cilët ndodhen në spital, për asistencën e nevojshme mjekësore, aktualisht jashtë rrezikut për jetën.

Grupi hetimor ndodhet në vendin e ngjarjes dhe po kryen verifikimet hetimore për sqarimin e plotë të rrethanave të rastit.

Rama paralajmëroi se do të skualifikohet çdo proces legalizimi për ndërtime pas vitit 2020.

Në fjalën e tij, Kryeministri bëri të ditur se paketa e reformës së territorit do të zhvillohet përmes dy faza, gjithashtu ai paralajmëroi se do të ketë rishikim edhe të ligjit të ndërtimit.

Me tone të ashpra, Rama tha se do të miratohet me ligj krijimi i një liste të zezë të ndërtuesve dhe investitorëve që abuzojnë me terirotrin dhe shkelin lejet e ndërtimit.

“Kush hyn në listën e zezë humb të drejtën pë rleje dhe të përfshihet në induysti pë rnjë periudhë kohe”, tha Rama.

Edi Rama: Një grup që ka në përbërje një grup anëtarësh dhe ku unë marr pjesë dhe po merret me paketën e re të reformës së territorit. Reforma do të ketë 2 faza, një fazë imediate kur qeveria do të ndërhyjë në kushtet e kësaj emergjence me një numër aktesh dhe një akt normativ dhe që besoj do të jetë paralelisht me një akt tjetër për ujin e pijshëm dhe për mbetjet, dhe do të ketë një fazë të dytë pak më pas ku do të rishikohen në mënyrë përmbajtësore të gjitha ligjet që kanë të bëjnë me territorin duke filluar nga ligji për ndërtimin që është një ligj i vjetër dhe mbetet jashtë kohe. Jemi duke disktuar një sërë ndërhyrjesh të domosdoshme dhe me një impakt të nevojshëm dhe të shumëpritur nga njerëzit.

Së pari kemi diskutuar proces legalizimi që është një terminologji abuzimi e përdorur nga individë subjekte që për qëllim fitimi fillojnë me zaptime publike dhe pastaj bëjnë vetëdeklarimin dhe më pas i fut si individë në proces legalizimi.Ndërkohë që procesi është mbyllur në 2020 që dmth asgjë e ndërtuar pas 2020 nuk lejohet. Është lejuar për ti dhënë mundësi individëve që të bëjnë vetëdeklarimin në kushtet kur mund të mos e kenë bërë në afat, por jo të ndërtojnë pas 2020 dhe vetëdeklarojnë më pas.

Nuk jemi këtu për të ndërtuar shtëpitë por për të diskutuar gjithë këtë mashtrim të madh që për fat të keq janë mbyllur sytë në një pjesë të madhe të territorit dhe interesi publik do të prevalojë.

Nuk do të humbë asnjë minut për ti kërkuar Kadastrës të bëjë skualifikimin .

Kemi diskutuar dhe do të miratohet me ligj krijimi i një liste të zezë të ndërtuesve dhe investitorëve që abuzojnë me terirotrin dhe shkelin lejet e ndërtimit. Kush hyn në listën e zezë humb të drejtën për leje dhe të përfshihet në induysti pë rnjë periudhë kohe.

Një bombol gazi ka shpërthyer këtë pasdite në një banesë në lagjen “1 Maji” të qytetit të Fierit, duke shkaktuar panik dhe flakë të fuqishme.

Në vendngjarje kanë mbërritur me urgjencë shërbimet zjarrfikëse, të cilat kanë mundur të neutralizojnë flakët dhe të shmangin përhapjen e mëtejshme të zjarrit në banesat përreth.

Fatmirësisht nuk raportohet për të lënduar, ndërsa dëmet materiale janë të konsiderueshme.

Fqinjët kanë reaguar me shpejtësi, duke ndërhyrë fillimisht me mjete rrethanore deri në mbërritjen e zjarrfikësve. Policia dhe grupi hetimor po punojnë për të zbardhur shkaqet e shpërthimit.

Një tjetër valë ekstreme të nxehti pritet të godasë Shqipërinë dhe rajonin e Ballkanit në ditët në vijim, duke kulmuar në periudhën 21–26 korrik 2025. Sipas ekspertëve të meteorologjisë, temperaturat do të tejkalojnë 42–44°C në disa zona, vlera këto që janë mbi rekordet historike.

Zonat më të prekura do të jenë Shqipëria, Greqia, Maqedonia e Veriut, Bullgaria, Italia Jugore dhe Turqia Perëndimore, ku pritet një anomali termike prej +8 deri në +10°C mbi mesataren e viteve 1991–2020.

Rritje alarmante e temperaturave:

• Gjatë 5 viteve të fundit, temperaturat mesatare në Shqipëri janë rritur me 3–5°C krahasuar me periudhën 1960–1990.
• Viti 2024 shënoi një anomali rekord prej +5.8°C në temperaturat maksimale.
• Edhe vlerat minimale janë rritur ndjeshëm, duke sjellë net të nxehta dhe pa freski.

Rreziqet e valës së të nxehtit përfshijnë:

• Rritje të rrezikut për shëndetin, veçanërisht për të moshuarit, fëmijët dhe personat me sëmundje kronike.
• Shtim i kërkesës për energji elektrike për ftohje.
• Rrezik i lartë për zjarre dhe ndikim në prodhimin bujqësor.

Zgjidhjet e qëndrueshme për të ardhmen:

Ekspertët theksojnë nevojën për investime në hapësira të gjelbra dhe zgjidhje të bazuara në natyrë: pemët urbane, çatitë dhe muret e gjelbërta mund të ulin temperaturat me deri në 8–11°C në qytete dhe të bëjnë diferencën mes jetës dhe vdekjes gjatë valëve ekstreme të të nxehtit.