Banorët e fshatrave Vërmik, Bashaj, Matogjin, Verbës, Ramicë dhe Velçë janë mbledhur sërish këtë të diel për të protestuar, duke kërkuar asfaltimin e rrugës që lidh këto zona.

Protestuesit, të cilët përfaqësojnë krahinën e Smokthinës në Vlorë, kërkojnë ndërhyrje për rehabilitimin e një segmenti prej 25 kilometrash, që sipas tyre është i amortizuar dhe i pazhviluar prej vitesh.

Për më shumë se 40 minuta, ata bllokuan qarkullimin në rrugën nacionale të Lumit të Vlorës, duke shprehur pakënaqësinë e tyre ndaj institucioneve përgjegjëse.

Në protestë ishte e pranishme edhe policia, ndërsa nuk u shënuan incidente.

Banorët mbajtën fjalime, ku i bënë thirrje kryeministrit të ndërhyjë për të përmirësuar infrastrukturën në këtë zonë, që sipas tyre është lënë pas dore.

Identifikohet autori i dyshuar për vrasjen e biznesmenit italian në Salari të Tepelenës. Burimet bëjnë me dije, se ai është një person nga Vlora dhe policia ka nisur aksionin për kapjen e tij.

Sipas burimeve, policia u rikthye në vendngjarje për të gjetur gëzhojën. Dyshohet se biznesmeni talian u qëllua nga një person i tretë.

Person i tretë në ngjarje, ka qëlluar me plumb.

Dy inspektorë të Inspektoratit Shtetëror Teknik Industrial (ISHTI) janë vendosur në masë sigurie nga Gjykata e Posaçme, pas hetimeve të Prokurorisë së Posaçme kundër Korrupsionit dhe Krimit të Organizuar (SPAK).Ata akuzohen për korrupsion të kryer në bashkëpunim dhe marrje ryshfeti për të mbuluar një aktivitet tregtar pa leje në Korçë.

Më 23 shtator 2025, Gjykata e Posaçme e Shkallës së Parë ka miratuar kërkesën e SPAK për caktimin e masave të sigurimit personal për dy shtetas:Arrest në burg” për shtetasin O.J., inspektor në ISHTI, në bazë të nenit 238 të Kodit të Procedurës Penale;

“Arrest në shtëpi” për shtetasin L.S., ish-inspektor në të njëjtin institucion, në bazë të nenit 237 të Kodit të Procedurës Penale.

Ekzekutimi i masave u krye më 27 shtator 2025, me mbështetjen e Drejtoria e Përgjithshme e Policisë së Shtetit.

Procedimi penal u regjistrua më 5 mars 2025 nga SPAK, pas referimit nga Prokuroria e Korçës. Të dy zyrtarët po hetohen për veprat penale të “Korrupsionit aktiv” dhe “Korrupsionit pasiv të personave që ushtrojnë funksione publike”, të kryera në bashkëpunim – vepra të parashikuara nga nenet 244/2, 259/2 dhe 25 të Kodit Penal.

Sipas hetimeve të Byrosë Kombëtare të Hetimit (BKH), të mbështetura në metoda speciale dhe prova të dokumentuara:

Më 1 nëntor 2021, shtetasit O.J. dhe L.S. kanë marrë ryshfet në vlerën 900,000 lekë dhe 10,000 dollarë amerikanë, nga një subjekt privat me inicialet J.S., i cili ushtronte aktivitet tregtar në qytetin e Korçës pa dokumentacion ligjor dhe licensë teknike.

Në këmbim të shumës së përfituar, dy inspektorët nuk morën masa administrative ndaj subjektit, duke e lejuar të vijonte aktivitetin në kundërshtim me ligjin.

Organet e drejtësisë theksojnë se hetimet janë në vijim dhe se janë përdorur mjete ligjore dhe teknike për dokumentimin e rasteve të abuzimit me detyrën. Prokuroria e Posaçme deklaron vendosmërinë për të ndëshkuar rastet e korrupsionit në institucionet shtetërore.

Policia e Gjirokastrës liron personat e shoqëruar për ngjarjen e Salarisë, ku mbeti i vrarë biznesmeni italian Edoardo Sarchi. Mes të liruarve janë edhe pjesëtarët e familjes Barçe. Mësohet se lirimi i personave të shoqëruar si të dyshuar fillimisht është bërë për mungesë provash.Policia thotë se ka lënë të lirë Eqerem Braçin, ortakun e tij i cili u shoqërua bashkë me dy djemtë që prej mëngjesit të së shtunës.

Rezulton se Braçi dhe djemtë të kenë qenë personat që e shoqëruan biznesmenin për gjah. Dëshmia e tyre ka bindur policët. Biznesmeni dhe djemtë kanë thënë se iu është rrezikuar jeta njësoj si italianit, pasi një automjet në lëvizje ka hapur zjarr në drejtim të tyre.

Edoardo Sarchi sipas dëshmisë është qëlluar me kallashnikov. Biznesmeni dhe djemtë e tij janë larguar për tju fshehur breshërisë së plumbave natën e krimit.

Mediat italiane shkruajnë se fabrikën e tullave në Shqipëri e themeloi xhaxhai i Sarchi-t, Augusto Nidoli, ndërsa vetë viktima në Itali njihet për lidhjet me politikën që ka pasur babai i tij, Vittorio Sarchi që ka shërbyer si këshilltar bashkiak.

Prej 25 vitesh, italiani jetonte në Shqipëri, në zonën e ‘Laprakës’ në kryeqytet.

Zv.kryeministrja Belinda Balluku, e cila prej javësh është shpallur zyrtarisht si drejtuesja e fushatës së PS për kryeqytetin, ka dhënë një tjetër sinjal të fortë mbështetjeje për Ogerta Manastirliun.

Në një postim emocional, Balluku kujton miqësinë dhe bashkëpunimin shumëvjeçar me Manastirliun, duke e cilësuar kandidimin e saj si një hap të guximshëm. “E njoh mirë, e di sa shumë punon, sa shumë i do njerëzit dhe sa sinqerisht kujdeset për çdo gjë që merr përsipër. Jam krenare për ty dhe nuk ka nevojë të ta them që na ke të gjithëve në krah”, shkruan Balluku.

Ky mesazh vjen në një moment kur fushata për Tiranën pritet të marrë intensitet të lartë, duke e bërë të qartë se krahas rolit organizativ, Balluku po i jep kandidaturës së Manastirliut edhe dimensionin personal dhe politik të mbështetjes së saj.