Presidenti amerikan Donald Trump njoftoi se të hënën do të zhvillojë një bisedë telefonike me presidentin rus Vladimir Putin, me synimin për të ndalur luftën shkatërruese në Ukrainë.
“Në fokus të telefonatës do të jetë ndalja e ‘gjakderdhjes’ që po shkakton mbi 5000 ushtarë të vdekur në javë nga të dy palët, si dhe çështjet e tregtisë,” shkroi Trump në rrjetin e tij social, Truth Social.
Ky zhvillim vjen pas takimit ballë për ballë mes përfaqësuesve të Ukrainës dhe Rusisë në Turqi, i pari takim i tillë në tre vitet e fundit. Ai gjithashtu ka thënë se pas bisedës me Putinin, do të kontaktojë presidentin ukrainas Zelensky dhe udhëheqës të NATO-s.
“Shpresoj që të jetë një ditë produktive, të arrihet një armëpushim dhe të mbarojë kjo luftë e dhunshme, një luftë që nuk duhej të kishte ndodhur kurrë,” shkroi Trump.
Me këtë iniciativë, Trump përforcon profilin e tij si lider që kërkon paqen dhe zgjidhje konkrete në konfliktet globale.
Presidenti i Francës, Emmanuel Macron gjatë fjalës së tij nga Tirana ku mori pjesë në punimet e forumit ekonomik ‘Invest in a connected Europe’ ftoi investitorët të investojnë në Shqipëri, duke shtuar se do të gjejnë një udhëheqje të fortë.
Shefi i Elysee tha se drejtimi i vendit nga Edi Rama ka dhënë rezultate dhe fitorja në zgjedhjet e 11 majit i dha një mandat të qartë qeverisës.
Sipas tij, rruga e Shqipërisë drejt BE-së tanimë është një realitet, ndërsa premtoi se Parisi dhe Berlini do të mbështetësin procesin e anëtarësimit.
Emmanuel Macron: Këtu në Shqipëri, qartësisht keni në fakt pikën hyrëse në Ballkkanin Perëndimor dhe më gjerë, është një pikë kyç në Mesdhe dhe në Europë. Ju inkurajoj të investoni në Shqipërisë sepse keni një udhëheqje të fortë dhe nuk flas vetëm sepse është miku im por se ka sjellë rezultate. Dhe në dy vitet që vijnë, duke qenë se ka një mandat të qartë, do të jenë pjesë e BE-së. Të jeni të sigurt se ne si Europianë do të japim rezultate. Duke qenë se kemi një linjëzim të fortë mes Francës dhe Gjermanisë. Ju lutem investoni në Europë se kemi nevojë për besimin tuaj, për investimet tuaja, në mënyrë që të realizojmë këtë agjendë kaq ambicioze se është agjenda e duhur jo vetëm për europianët por edhe për rajonet e tjera për të krijuar sa më shumë stabilitet.
Viti 2025 ka nisur me një numër të lartë licencash për prodhimin e energjisë nga dielli. Sipas të dhënave zyrtare nga Enti Rregullator i Energjisë, në total për 4 muajt e parë të vitit janë licencuar 10 kompani për impiante të vegjël me kapacitet deri në 3 MW, me kapacitet total të parashikuar për t’u instaluar prej 21 MW. 9 nga 10 centralet e licencuar parashikohet të pozicionohen në Qarkun e Fierit.
Po ashtu, është licencuar edhe një impiant i madh 100 MW, gjithashtu i parashikuar për t’u zhvilluar në Darzezë të Fierit.
Këto licenca vijnë pas atyre të vitit 2024 që shënoi dhe vlerën më të lartë nga pikëpamja e kapacitetit për aktivitetin e prodhimit të energjisë nga ky burim energjie. Në total gjatë vitit që shkoi u licencuan mbi 303 MW energji diellore për 17 kompani që tashmë kanë marrë dritën jeshile, duke rritur kapacitetin që pritet të instalohet nga ndërtimi i parqeve.
Licencat e para për prodhimin e energjisë nga dielli u dhanë në vitin 2018, për të kaluar në vitet 2019 – 2021, përgjatë të cilëve u licencuan vetëm 6 MW. Pas kësaj periudhe filloi të shënohej një rritje e ndjeshme e numrit të kompanive dhe kapacitetit të planifikuar për t’u instaluar. Sipas të dhënave zyrtare, në vitin 2022 u licencuan 15 kompani për projekte me kapacitet të instaluar të parashikuar prej 225.143 MW, ndërsa gjatë vitit 2023 u dhanë 9 licenca për një kapacitet total prej 102 MW.
Aktualisht, numërohen 64 kompani që kanë marrë licencat e tyre në aktivitetin e prodhimit të energjisë nga dielli, ndërkohë që projektet e tyre arrijë në rreth 735 MW. Dhënia e këtyre lejeve merr një rëndësi të veçantë në drejtim të diversifikimit të burimeve të prodhimit të energjisë, duke qenë se aktualisht vendi është i varur ndjeshëm nga energjia ujore.
Komisioni Evropian do të ofrojë subvencione të reja për fermerët që investojnë në shpërdorimin e reduktuar të ujit, kur programi i madh i subvencioneve bujqësore të bllokut të rinovohet.
Politika e Përbashkët Bujqësore (PPB) e Bashkimit Evropian për subvencionet bujqësore vlen rreth 387 miliardë euro, rreth një e treta e buxhetit të përgjithshëm të bllokut për vitet 2021-2027. Vendet e BE-së po përgatiten për negociata të vështira më vonë këtë vit, për buxhetin e tyre të ardhshëm pas vitit 2027.
Një draft propozim për të adresuar presionin intensiv mbi furnizimin me ujë të Evropës nga industria dhe ndryshimet klimatike, thotë se Politika Bujqësore e ardhshme do të përfshijë “paketa tranzicioni” të reja fondesh për fermerët për të përmirësuar menaxhimin e ujit.
“Komisioni do të përfshijë Paketa Tranzicioni që synojnë të mbështesin dhe shpërblejnë fermerët që angazhohen në ndryshime transformuese dhe strukturore për të përmirësuar performancën mjedisore dhe klimatike të pronave të tyre, duke përfshirë edhe një menaxhim më të mirë të ujit”, thuhet në draft.
Subvencionet mund t’i ndihmojnë fermerët të paguajnë për kultura bujqësore më rezistente ndaj thatësirës, ose mjete të sakta ujitjeje që shpenzojnë më pak ujë se strukturat tradicionale.
Bujqësia është një nga sektorët më të prekur nga ndryshimet klimatike. Fermerët e Evropës tashmë po vuajnë nga thatësira dhe përmbytjet në rritje, që kanë shkaktuar dëme të mëdha në drithërat dhe frutat.
Në të njëjtën kohë, BE ka lehtësuar masat e tjera mjedisore në bujqësi, si përgjigje ndaj protestave të fermerëve për rregullat e bllokut, që sipas tyre janë shumë të rrepta. Komisioni Evropian propozoi reduktimin e kushteve mjedisore në subvencionet ekzistuese bujqësore të BE-së, si pjesë e planeve për të ulur burokracinë e për të ndihmuar fermerët.
Drafti i strategjisë së ujit nënvizoi se Banka Evropiane e Investimeve do të rrisë gjithashtu shpenzimet e saj për investime në këtë sektor. Këto do të përfshijnë rivendosjen e ekosistemeve si ligatinat, që mund të ndihmojnë në mbrojtjen nga përmbytjet. Drafti pritet të publikohet në muajin qershor.
Edi Rama: Sot ne e ndjemë Francën shumë afër edhe në procesin e anëtarësimit dhe rajoni ka fituar një mbështetës shumë të qëndrueshëm dhe besnik në të gjitha proceset transformuese në adresimin e momenteve të vështira dhe në mbështetjen e përfshirjen. Jam vërtet shumë mirënjohës dhe të gjithë ne jemi shumë mirënjohës për angazhimin dhe vizitën tuaj. Në një kohë mjaft të shkurtër, kjo na mbush zemrën dhe duhet të punojmë me veten tonë për ta kuptuar që nuk do jetë kaq e zakonshëm të kemi vizitë të një presidenti çdo 18 muaj.
Emmanuel Macron:Faleminderit z.kryeministër për pritjen tuaj të ngrohtë. Është lumturi e madhe të jem përsëri këtu. Ministrat tanë janë takuar po ashtu për këtë agjendë me intensitet të paparë. Ky mandat do na lejoj të vazhdojmë këtë agjendë kaq ambicioze dhe ju organizoj për samiti. Faleminderit për pritjen tuaj dhe vazhdimin që do bëjmë së bashku. Ne do vazhdojmë bashkëpunimin. Shqipëria ka avancuar me negociata. Jam i lumtur për mandatin.
KQZ vendosi dje që votat e mbërritura nga Greqia, të cilat janë lënë pezull, do të numërohen pasi sipas kryekomisionerit Ilirjan Celibashi, nuk është gjetur asnjë parregullsi në këto kuti.Procesi ka nisur mëngjesin e kësaj të shtune, në Parkun Olimpik.
Votat e mbërritura nga Greqia u lanë pezull pas kërkesës së bërë nga PD drejtuar KQZ. Por pas këtij vendimi, PS e ankimoi në KAS, dhe ky i fundit i dha të drejtë.Më pas PD kallëzoi KQZ, për të anuluar edhe një herë numërimin.
Kryeministri Edi Rama bashkë me Presidentin e Republikës Franceze, Emmanuel Macron nënshkruajnë Memorandumin e mirëkuptimit ndërmjet Ministrisë së Turizmit dhe Mjedisit dhe Agjencisë Franceze për Zhvillim për krijimin e një projekti gjithëpërfshirës për turizmin e qëndrueshëm në rajonin e Korçës.
Zgjedhjet parlamentare të 11 majit kanë përmbyllur një kapitull zgjedhor me rezultat të qartë: Partia Socialiste e Shqipërisë (PS) del sërish forcë dominuese, duke siguruar 83 mandate në Kuvendin e ri prej 140 vendesh.
Megjithatë, prania e aktorëve politikë, si Adriatik Lapaj nga Nisma “Shqipëria Bëhet” dhe Arlind Qori nga “Lëvizja Bashkë”, sinjalizon një fragmentim të lehtë të skenës politike përtej dyshes tradicionale PS-PD.
Me 812.316 vota (rreth 52%), PS ka siguruar jo vetëm shumicën e thjeshtë, por edhe numra bindës në Kuvend gati-gati shumicë të cilësuar prej 3/5 ose 84 deputetë. Vetëm 1 mandat larg këtij objektivi është mazhoranca socialiste, duke nëse sjellim në vëmendje mbi 50 mijë vota të diasporës shqiptare në Greqi, nuk do të ishte aspak surprizë që diferenca të thellohet në ndonjë qark. Sipas përllogaritjeve, PS është pranë përmbysjes në Qarkun e Lezhës, por kjo lëvizje mbetet për t’u parë gjatë numërimit të votave të emigratëve në fqinjin jugor.
Ndërsa Partia Demokratike dhe aleatët e saj (PD-ASHM) kanë arritur vetëm 50 mandate, me një rezultat kombëtar prej 522.949 votash (33.7%).
Ndërkohë, PSD ka siguruar 3 mandate (me 49.535 vota), Partia Mundësia 2 deputetë (48.489 vota), si dhe Nisma Shqipëria Bëhet 1 mandat (61.272 vota).
Lista e kandidatëve të Nisma-Shqipëria Bëhet kanë një specifikë. Kur u prezantuan kandidatët për deputetë, Adriatik Lapaj dhe Endri Shabani njoftuan se në listat e mbyllura kishin përfshirë emra kryesisht nga rrethi i tyre shoqëror dhe familjar me qëllim nxjerrjen jashtë loje të listave të sigura si domein të PS dhe PD, ndërsa e vetmja listë efektive dhe e vlefshme do të ishte ajo e hapur. Adriatik Lapaj ka siguruar deri tani 4 554 vota, ndërsa i dyti pas tij, Endri Shabani ka 2477.
