PD nuk shpall emra, Berisha: Mbështesim kandidatët e pavarur në Tiranë dhe 5 bashkitë e tjera. Jo figura politike!

PD nuk do të shpallë kandidat nga radhët e saj për Tiranën. Ky ka qenë vendimi i marrë nga Kryesia e PD e cila u mblodh këtë pasdite me rend dite zgjedhjet e pjesshme të 9 Nëntorit. Kryetari i PD, Sali Berisha tha në një prononcim për mediat se opozita do të mbështesë kandidatët e pavarur për bashkinë e kryeqytetit dhe jo një figurë politike.

I njëjti model, tha Berisha, do të ndiqet edhe me 5 bashkitë e tjera.

Lideri i opozitës ftoi intelektualët dhe ekspertët që duan të kandidojnë në zgjedhjet e pjesshme, të paraqesin interesin e tyre pranë PD, për të hyrë në garën elektorale të muajit të ardhshëm.

“PD vlerëson dhe çmon shumë kandidaturat e pavarura. Do konsiderojmë me seriozitetin më të madh kandidatë të pavarur të cilët garojnë si të tillë dhe që konsiderohen të nevojshëm për fitoren e tyre, mbështetjen e PD. Besoj se në një valë me këtë nga diskutimet paraprake janë edhe forcat e tjera opozitare. Dhe kjo jo vetëm në bashkinë e Tiranës por edhe në bashkitë e tjera. Ata që janë të gatshëm të përballen me narkoshtetin e Edi Ramës të masin forcat në garë në interesin më të mirë”, tha Berisha.

Ceshtja e ‘Bankers Petroleum’, i kalon SPAK-ut

Prokuroria e Fierit ka shpallur moskompetencë për dosjen ‘Bankers Petroleum’, e cila i ka kaluar SPAK-ut. Vendimi u mor për shkak se gjatë hetimeve kanë rezultuar të përfshirë edhe zyrtarë të lartë dhe për rrjedhojë dosja i ka kaluar Prokurorisë së Posaçme. 

Në burg për këtë çështje ndodhet CEO i Bankers Petroleum’, shtetasi kinez Hongping Xiao dhe ish-drejtorin Leonidha Çobo, të dy të akuzuar për skemë mashtruese me TVSH-në dhe evazion fiskal. Çobo dyshohet gjithashtu edhe për pastrim parash.

Sipas prokurorisë, për 20 vite me radhë, kompania më e madhe e nxjerrjes së naftës në Shqipëri ka shmangur tatimet duke i shkaktuar miliona euro dëm buxhetit të shtetit. Kujtojmë se aksioni në “Bankers Petrolium Albania” u krye nga Prokuroria e Fierit më 2 korrik, e cila ekzekutoi 10 masa sigurie ndërsa në kërkim mbeten ende 4 persona të huaj. Dyshohet se kompania ka bërë deklarime të rreme tatimore dhe shmangie të detyrimeve financiare në një shkallë të mëdha. 

Gjatë periudhës 2004–2024 kompania kineze akuzohet se ka kryer shitje dhe eksporte nafte në vlerën totale prej 532 miliardë lekë, por ka deklaruar humbje për çdo vit, me një total prej 11.7 miliardë. 

Dy persona ndalohen në Fier, akuzohen për “vepra të turpshme” në prezencë të fëmijëve

Drejtoria Vendore e Policisë Fier

Specialistët për Hetimin e Krimeve të Komisariatit të Policisë Fier, pas denoncimit të bërë nga emisioni “Piranjat”, se dy shtetas kanë kryer vepra të turpshme në prezencë të fëmijëve të mitur, kanë bërë ndalimin e shtetasve V. Y., 40 vjeç dhe A. Gj., 40 vjeçe, të dy banues në Grecalli, për veprën penale “Vepra të turpshme”.
Nga veprimet hetimore dyshohet se shtetasi V. Y dhe shtetasja A. Gj., kanë kryer marrëdhënie seksuale në prezencë të 3 fëmijëve të mitur të vëllait të shtetases A. Gj..

Specialistët e Seksionit për Hetimin e Narkotikëve referuan materialet në Prokurori, ku nisi procedimi në gjendje të lirë për shtetasin A. L., 21 vjeç, banues në Çermë Sektor, pasi posedonte doza Cannabisi.

Specialistët e Sektorit të Qarkullimit Rrugor referuan materialet në Prokurori, ku nisi procedimi në gjendje të lirë për shtetasin M. M., 72 vjeç, banues në Fier, pasi duke drejtuar automjetin nën efektin e alkolit, është përplasur me një automjet tjetër ku janë shkaktuar dëme materiale.

Specialistët për Hetimin e Krimeve të Komisariatit të Policisë Lushnjë referuan materialet në Prokurori, ku nisi procedimi në gjendje të lirë për një shtetas 17 vjeç, banues në Karbunarë,pasi me automjetin që drejtonte pa leje, nuk i është bindur urdhërit të punonjësit të policisë së rendit publik për të ndaluar.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme procedurale.

Rama: Për 30 vite nuk do të ketë leje ndërtimi në ato toka që digjen

Screenshot

Kryeministri Edi Rama ka prezantuar këtë të shtunë një kapitull të ri për Mbrojtjen Civile në Shqipëri, gjatë një aktiviteti të zhvilluar në Farkë.

– Advertisement –

Në prani të ministrit të Mbrojtjes, Pirro Vengu, ministres së Punëve të Brendshme, Albana Koçiu, dhe ministrit të Shtetit për Pushtetin Vendor, Ervin Demo, Rama njoftoi masa të reja për forcimin e reagimit ndaj fatkeqësive natyrore dhe emergjencave.

Gjatë fjalës së tij, kryeministri theksoi se një nga pikat kyçe të këtij kapitulli të ri do të jetë ndalimi i ndërtimit në zonat e prekura nga zjarret.

“Për 30 vite nuk do të jepet asnjë leje ndërtimi në tokat që digjen.”-tha Rama, duke e cilësuar këtë si një masë parandaluese për të ndaluar shfrytëzimin e zjarreve për interesa ndërtimi.

Punonjësit e “BANKERS”shpallin grevë, kërkojnë zbatimin e marrëveshjes për pagat

Sindikatа e Sektorit Hidrokarbur ka njoftuar zyrtarisht zhvillimin e një greve të përgjithshme për shkak të mosarritjes së marrëveshjes për pagat, në përputhje me Kodin e Punës dhe nenin 51 të Kushtetutës së Republikës së Shqipërisë.

Sipas njoftimit, greva do të zhvillohet në dy faza:

  • më 15 tetor 2025, nga ora 07:00 deri në 10:00,
  • dhe më 16 tetor 2025, duke filluar nga ora 07:00, pa afat – deri në realizimin e marrëveshjes për pagat.

Vendi i zhvillimit të grevës do të jetë përpara zyrave të shoqërisë në Marinëz, ku punonjësit do të ndalojnë punën në mënyrë të organizuar dhe paqësore.

Ndërkohë, Këshilli Sindikal ka vendosur që Kryesia dhe anëtarët e tij të hyjnë në grevë urie që nga data 15 tetor, ora 10:00, si formë presioni për zgjidhjen e konfliktit kolektiv.

Në deklaratë theksohet se greva do të zhvillohet në mënyrë të qetë dhe ligjore, pa dëmtuar procesin teknik apo pronën, dhe se qëllimi kryesor mbetet respektimi i Kontratës Kolektive të Punës dhe përmirësimi i kushteve ekonomike të punonjësve.

“Ne do t’ia dalim! Bashkë jemi më të fortë!” – përfundon deklarata e Sindikatës së Sektorit Hidrokarbur, e cila mbetet e hapur për dialog në çdo moment.

UDHËTONI DREJT ZONËS SHENGEN?Nga tetori 2025 hyn në fuqi sistemi i ri i hyrje/daljeve (EES)

UDHËTONI DREJT ZONËS SHENGEN?

Nga tetori 2025 hyn në fuqi sistemi i ri i hyrje/daljeve (EES)

Çfarë është EES?

Sistemi i Hyrje/Daljeve (Entry/Exit System – EES) është një sistem elektronik i ri i Bashkimit Europian që regjistron hyrjet dhe daljet e qytetarëve që nuk janë nga BE-ja, çdo herë që kalojnë kufijtë e zonës Shengen.

Si funksionon?

  • Regjistrimi bëhet në pikën e kalimit të kufirit.
  • Merren të dhënat biometrike: një foto dhe gjurmët e gishtave.
  • Procesi zgjat vetëm disa minuta, por mund të ketë pritje më të gjata gjatë periudhave me fluks të madh udhëtimesh.
  • Regjistrimi është i vlefshëm për 3 vjet.

Kujdes me rregullin 90/180 ditë!

Qytetarët nga jashtë BE-së mund të qëndrojnë maksimumi 90 ditë brenda një periudhe 180-ditore në zonën Shengen.

Sistemi EES do të evidentojë çdo tejkalim të këtij afati dhe mund të sjellë ndalime ose penalitete në të ardhmen.

Këshillë praktike:

Zbatimi i sistemit nuk fillon njëkohësisht në të gjitha vendet Shengen, ndaj informohuni paraprakisht për rregullat e vendit ku po udhëtoni.

Rama paralajmëron ndryshim në procedurat për ndërtimet

Screenshot

Kryeministri Edi Rama po mban një konferencë për shtyp nga Kryeministria me ministren e Punëve të Brendshme, Albana Koçiu dhe ministrin e Drejtësisë, Besfort Lamallari. 

Ai ka njoftuar masat që do të merren në lidhje me dhënien fund të ndërhyrjeve të paligjshme në territor, ndërsa përsëriti edhe një herë se arkitektët do të ngarkohen me përgjegjësi për çdo devijimin nga zbatimi i projektit. 

Rama gjithashtu ka njoftuar si risi edhe formalizimin e mënyrës së njoftimit, duke vendosur rregulla të detajuara për institucionet përpara çdo nisje punimi.
Ai ka paralajmëruar dhe futjen më në proces të punës së ndërtimeve dhe të arkitektëve. 

“Kjo konferencë ka një vlerë të posaçme për këtë moment të rrugës tonë. Ka një vlerë të posaçme për të njohur publikun me të gjitha aspektet e masave që qeveria ka ndërmarrë dhe që një pjesë e tyre kanë marrë fuqi ligjore. Një pjesë tjetër do të dalin për konsultim publik, pasi lidhen me kodin penal. Tërësia e këtyre masave lidhet me atë që e kam paralajmëruar, domosdoshmërinë e ngritjes në një nivel tjetër për ministrat, për t’i dhënë fund ndërhyrjeve të paligjshme në të gjithë territorin. Kjo është një qasje 360 gradë që shtrihet në të gjitha drejtimet e konstatuara problematike. Kam bindjen se do të na japë rezultate të konsiderueshme pasi krijon kushtet për një disiplinim të mëtejshëm të procesit të ndërtimit. Jo vetëm ndërtimet pa leje, por dhe ato me leje që rëndon bëhen shkak për njerëzit që paguajnë për të blerë një shtëpi dhe hasin pengesa. Duke filluar nga rritja e garancisë së zbatimit të projekteve arkitekturore, përmes përfshirjes së detyrueshme të arkitektit në zbatimin e punimeve. Kjo do të thotë se për shkak se arkitektët janë nën trysni nga ndërtuesit dhe nuk janë subjekt i ligjit, kemi parë deformime në procesin e ndërtimeve. E kthejnë arkitektin në subjekt të ligjit.”, tha ai.

 Policia njoftim zyrtar per aksidentin rrugor në Lushnjë, 3 persona përfundojnë në spital

Një aksident automobilistik është regjistruar mëngjesin e sotëm, rreth orës 09:30, në vendin e quajtur “Kashtëbardhë”, Lushnjë.

Një automjet i drejtuar nga shtetasi E. F., 38 vjeç është përplasur me një tjetër automjet me drejtues B. K., 52 vjeç.

Si pasojë e përplasjes janë plagosur të dy drejtuesit e mjeteve, si dhe pasagjerja A. K.. Të tre ndodhen në spital, nën kujdesin e mjekëve, fatmirësisht jashtë rrezikut për jetën.

Grupi hetimor ka mbërritur në vendngjarje dhe po punon për të përcaktuar shkaqet dhe rrethanat e aksidentit.

1...108109110...305Faqja 109 nga 305