Një mjet tip Audi është përfshirë në një aksident në daljen jugore të Lushnjes pak minuta pas mesnatës.

Makina drejtuar nga Aleksandro Braholli, është përplasur me shtyllën e ndriçimit rrugor në rrethrrotullimin e Savres.

Sipas informacioneve të para, nga përplasja drejtuesi i mjetit ka marrë plagë të rënda dhe ndodhet në spitalin e Fierit.

Sipas policisë në vend ngjarje dyshohet se i riu nuk ka parë rreth rrotullimin dhe duke dalë nga qyteti i Lushnjes i ka rënë drejt për drejt aksit rrugor.

Përplasja me shtyllën ka qenë e fortë dhe përveç dëmeve materiale të mjetit është plagosur edhe drejtuesi, por jashtë rrezikut për jetën.

Biznesmeni Edmond Mëhalla u ekzekutua mbrëmjen e të dielës në makinën e tij.

43-vjeçari ishte pronari i një karburanti dhe u vra pas sapo kishte dalë nga biznesi.

Dyshohet se në këtë vrasje janë përfshirë dy autorë. Policia vijon hetimet për zbardhjen e plotë të ngjarjes.

ë shtëna me armë zjarri u raportuan mbrëmjen e sotme në Elbasan.

Sipas informacioneve te para mësohet se është ekzekutuar me armë zjarri biznesmeni, Mondi Mehalla.

Sipas informacioneve, biznesmeni është ekzekutuar në biznesin e tij, në Unazën jugore të Elbasanit.

Policia ka rrethuar zonën dhe ka ngritur pika kontrolle në të gjitha akset

Informacion paraprak nga policia:
Rreth orës 20:35, është marrë njoftim se në lagjen “Emin Matraxhiu”, brenda në një automjet të parkuar, është gjetur, i vr**ë me armë zjarri, shtetasi M. M. alias E. H., 43 vjeç.

Në vendngjarje shkuan menjëherë shërbimet e Policisë dhe janë ngritur pika kontrolli në dalje të qytetit, dhe vijojnë kontrollet në zonë e në ambiente të ndryshme, për kapjen e autorit/ëve.

Ndërkohë, është ngritur një grup i posaçëm hetimor, i cili, nën drejtimin e Prokurorisë, po punon intensivisht për sqarimin e rrethanave, dokumentimin ligjor, si dhe për identifikimin dhe kapjen e autorit/ëve.

Në podcast-in e përjavshëm “Flasim”, kryeministri Edi Rama ka përsëritur premtimin dhënë pensionistëve për bonusin e fundvitit.

Duke filluar nga e hëna e 1 dhjetorit, do të nisë zyrtarisht edhe shpërndarja e bonusit të fundvitit. Ashtu sikurse vitin e kaluar, edhe këtë herë ata që kanë pension deri në 20 mijë lekë do të marrin një shpërblim prej 15 mijë lekësh, ndërsa ata që kanë një pension mbi 20 mijë lekë do të marrin shpërblim 10 mijë lekë.

Gjithashtu, Rama foli dhe për premtimin tjetër, se do të ketë rritje të pagave dhe pensioneve gjatë mandatit të katërt.

“Nga 1 janari i vitit 2026 do të rritet edhe paga minimale, tamam ashtu sic jemi zotuar. Ajo do të jetë 500 euro, qoftë në sektorin publik, qoftë në sektorin privat”, tha Rama.

Fjala e plotë e Ramës për pensionet dhe pagat:

Miratuam këtë javë shpërblimin e fundvitit për pensionistët, duke i dhënë fund zërave të kënetës së madhe politike e mediatike, që helmuan gjyshër e gjyshe me informacionin e rremë se shpërblimi i këtij fundviti do të ndahej çdo muaj të vitit tjetër dhe këtë vit nuk do të kishte shpërblim. Jo, shpërblimet janë nisur drejt pensionistëve dhe kush ka një pension deri në 20 mijë lekë të reja do të marrë një shpërblim 150 euro, ndërsa kush e ka pensionin mbi 20 mijë lekë të reja do të shpërblehet me 100 euro.

Ndërkohë, me hyrjen e vitit të ri 2026 nis edhe historia e re e rritjes së pensioneve, të cilat do të nisin të rriten nga janari e do të dyfishohen në janar 2027, do të trefishohen në janar 2028, do të katërfishohen në janar 2029, e do të pesëfishohen në janar 2030.

Më 1 janar 2026 do të rritet edhe paga minimale, tamam ashtu sicc jemi zotuar. Ajo do të jetë 500 euro, qoftë në sektorin publik, qoftë në sektorin privat.

Ambasada amerikane në Shqipëri ka dalë me një njoftim të rëndësishëm për të gjithë shqiptarët që duan të ndjekin ndeshjet e Kupës së Botës 2026, që zhvillohet në SHBA, Meksikë dhe Kanada, nga 11 qershori deri më 19 korrik të vitit të ardhshëm.

“Shtetet e Bashkuara po mundësojnë udhëtime të sigurta dhe të mbrojtura për sportdashësit ndërkombëtarë që janë të interesuar të vijnë në Shtetet e Bashkuara për Kupën e Botës FIFA 26, dhe jemi plotësisht të përgatitur për të përpunuar aplikimet për vizat e vizitorëve. Ne i inkurajojmë udhëtarët e huaj që kanë nevojë për viza amerikane të aplikojnë tani”, shkruan ambasada amerikane në Tiranë.

Shqipëria, së bashku me Kosovën, arritën një kualifikim historik në fazën “play off” të Kupës së Botës dhe tashmë do të duhet të fitojnë edhe 2 ndeshje për të qenë pjesë e kompeticionit më të rëndësishëm në botën e futbollin. Takimet e fazës “play off” do të zhvillohen në fund të muajit mars.