Deputeti Agron Shehaj ka reaguar pas zhvillimeve të fundit që lidhen me hetimet e SPAK, duke i konsideruar ato si prova të asaj që ai e cilëson si “komprometim të institucioneve të shtetit”.
Përmes një deklarate publike, Shehaj tha se kryeministrit Edi Rama i është vendosur nën masë sigurie drejtuesja e Shërbimit Informativ të Shtetit, Vlora Hyseni, ndërsa ish-drejtori i Përgjithshëm i Policisë së Shtetit, Ilir Proda, është përballur me kontrolle në banesë në kuadër të hetimeve.
Sipas tij, skandali i AKSHI-t po nxjerr në pah probleme të rënda në funksionimin e institucioneve shtetërore dhe po trondit strukturat më të larta të administratës.
“Edi Ramës sapo iu arrestua edhe shefja e shërbimit sekret, Vlora Hyseni, ndërsa ish-drejtorit të përgjithshëm të policisë, Ilir Proda, i bënë kontrolle në banesë. Skandali i AKSHI-t po nxjerr zbuluar shtetin kriminal të Edi Ramës. Pushteti i tij po shkërmoqet. Rama duhet të japë dorëheqjen! Të mbajë përgjegjësi për kompromentimin e të gjitha institucioneve të shtetit shqiptar”, deklaroi Shehaj.
Deklarata e deputetit vjen në një kohë kur hetimet për çështjen e AKSHI-t vijojnë dhe kanë përfshirë disa prej zyrtarëve më të lartë të institucioneve shtetërore.
