Asambleja Kombëtare e Partisë Socialiste do të ketë mbledhje më datën 4 shtator.
Mesditën e së premtes (25 gusht 2023), Kryeministri Edi Rama në një konferencë me gazetarët u është përgjigjur pyetjeve të tyre mbi çdo temë të aktualitetit në Shqipëri.
Ndër to kanë qenë dhe “ndryshimet në qeveri”.
Kryeministri Rama, paralajmëroi duke thënë “prisni edhe pak ditë, mbledhja e Asamblesë së PS vjen shpejtë”.
Asambleja Kombëtare bëhet me dije se do të shqyrtojë punimet e Kongresit.
Asambleja Kombëtare do të mblidhet më 4 shtator në orën 16:30 në ambientet e Xibrakut.
Kujtojmë se në korrik, kreu i PS-së, shkarkoi kupolën drejtuese të partisë.
