Punonte në një lavazho në Dimal,gjen vdekjen në punë 15-vjeçari,minoreni ra në kontakt me rrymën elektrike.Policia ka arrestuar pronarin e biznesit,37-vjeçarin A.H.
Një ngjarje e rëndë ka ndodhur sot në Dimal,në një lavazho që ndohet në anë të aksit nacional Dimal-Lushnje,50 metra larg rreth-rrotullimit të Çiflikut.Një 15-vjeçar,i cili punonte në një lavazho,ka humbur jetën gjatë punës.Ai ka rënë në kontakt me rrymën elektrike dhe ka gjetur vdekjen vetëm pak minuta më vonë,pa pasur mundësinë të asistohet nga mjekët.Mësohet se 15-vjeçari,i cili punonte si ndihmës në këtë lavazho,ka prekur një tel të zhveshur të zorrës me presion që përdorej për larjen e makinave.Në vendngjarje kanë shkuar forcat e policisë,që pas kqyrjes së vendit të ngjarjes,kanë bërë mbylljen e lavazhos dhe kanë arrestuar pronarin e saj,37-vjeçarin me inicialet A.H.Ai akuzohet për veprën penale “Shkelja e rregullave të mbrojtjes në punë”.Materialet në lidhje me këtë ngjarje janë referuar në Prokurorinë e Rrethit të Beratit,ku do të vijojnë hetimet për të dokumentuar të plotë ngjarjen dhe përgjegjësinë të shtetasit A. H.
