Kryeministrja italiane Giorgia Meloni ka mbërritur këtë pasdite në Portin e Vlorës.
Meloni është pritur nga homologu i saj, kryeministri Edi Rama.
Numri një i Qeverisë italiane ka ardhur për të vizituar Shqipërinë për disa ditë pushime familjare dhe u nis nga Brindisi me një traget të linjës.
Më herët në portin e Vlorës kanë mbërritur punonjës të konsullatës italiane për të pritur kryeministren italiane.
Gjithashtu forca të shtuara të policisë patrullojnë qytetin dhe zonën portuale, ndërsa karrotrecët ‘pastruan’ rrugët nga makinat e parkuara pranë zonës së portit.
Kryeministrja Meloni la Puglian paarditen e sotme, ndërsa shoqërohet nga familja e saj për një vizitë në bregdetin e Vlorës, duke pranuar ftesën e kryeministrit Edi Rama.
