Një 74-vjeçar është aksidentuar mbrëmjen e sotme në aksin rrugor Levan–Vlorë, në rrugën e vjetër.
Sipas informacionit paraprak të policisë, aksidenti ka ndodhur rreth orës 18:00, ku një automjet i drejtuar nga një 58-vjeçar ka përplasur këmbësorin, banues në fshatin Levan.
I plagosuri është transportuar në Spitalin Rajonal Fier, ku po merr ndihmë mjekësore.
Drejtuesi i automjetit është shoqëruar në Komisariat për veprime të mëtejshme. Nga testi i alkoolit, ai ka rezultuar se nuk kishte konsumuar alkool.
Grupi hetimor vijon punën për zbardhjen e plotë të rrethanave dhe shkakut të aksidentit.
