Një i ri ka përfunduar mbrëmjen e kësaj të marte në Urgjencën e Spitalit Rajonal të Durrësit, pasi dyshohet se është plagosur me një kaçavidë.
Ngjarja dyshohet se ka ndodhur në zonën e “Rrotës së Kuqe”, në Plazhin e Durrësit. Sipas të dhënave paraprake, i riu është goditur dy herë me mjetin e fortë.
Ai i është nënshtruar ndërhyrjes kirurgjikale dhe ndodhet jashtë rrezikut për jetën.
Policia ka nisur hetimet për zbardhjen e plotë të rrethanave të ngjarjes dhe identifikimin e personit përgjegjës.
