Një aksident rrugor është regjistruar mëngjesin e kësaj të shtune në aksin Levan–Vlorë, ku një automjet tip “Fiat” është përfshirë në një përplasje në rrethana ende të paqarta.
Si pasojë e aksidentit, në këtë segment rrugor është krijuar trafik i rënduar dhe lëvizja e mjeteve po zhvillohet me vështirësi.
Policia ka mbërritur në vendngjarje dhe po punon për zbardhjen e shkaqeve të aksidentit, si dhe për normalizimin e qarkullimit.
Sipas të dhënave paraprake, fatmirësisht nuk raportohet për persona të lënduar.
Ende nuk dihet nëse automjeti është përplasur me bordurat anësore të rrugës apo me një mjet tjetër.
