Kryeministri Edi Rama, gjatë mbërritjes në Samitin BE–Ballkani Perëndimor në Tivat të Malit të Zi, deklaroi se nuk ekziston ende një projekt i miratuar për Zvërnecin dhe se për këtë arsye nuk ka vend për shqetësime.
Në lidhje me protestat kundër projektit të përfolur në Zvërnec, Rama i cilësoi ato pjesë të një “lufte hibride”, duke pretenduar se pas tyre qëndrojnë elementë iranianë. Ai gjithashtu hodhi poshtë informacionet dhe pamjet që kanë qarkulluar publikisht, duke i quajtur video të rreme dhe duke theksuar se projekti nuk është ai për të cilin është folur deri tani.
