Policia e Tiranës ka publikuar planin e masave lidhur me protestën e njoftuar nga Partia Demokratike që do mbahet ditën e nesërmen në orën 10:00, para Parlamentit.
Policia ka njoftuar se lëvizja do të jetë e kufizuar në këtë mënyrë:
Nga ora 06:00 deri në përfundim të tubimit, kufizimi në rrugën “George Ë. Bush”.
Në varësi të zhvillimit të tubimit, mund të ketë kufizime të qarkullimit të automjeteve edhe në akse të tjera rrugore. Në rast bllokimi, për të ndihmuar qytetarët që do të qarkullojnë në këto akse, Policia e Tiranës ka marrë masa për devijimin e qarkullimit të automjeteve në rrugë alternative.
Policia e Tiranës kërkon mirëkuptimin e qytetarëve për kufizimin e lëvizjes me automjete, si dhe apelon që të distancohen në rast se gjenden përballë veprimeve të kundërligjshme që cenojnë rendin dhe sigurinë publike.
