Drejtoria Vendore e Policisë Fier
Specialistët për Hetimin e Narkotikëve arrestuan në flagrancë shtetasin F. L., 35 vjeç, banues në Fier, pasi nga kontrolli i kryer nga shërbimet e Forcës së Posaçme “Shqiponja”, në automjetin që drejtonte në gjendje të dehur, u gjet një sasi lënde e dyshuar narkotike Kokainë që u sekuestrua me cilësinë e provës materiale.
Specialistët e Sektorit të Qarkullimit Rrugor arrestuan në flagrancë shtetasin N. P., 69 vjeç, banues në Fier, pasi u kap duke drejtuar automjetin, në gjendje të dehur.
Specialistët për Hetimin e Krimeve të Komisariatit të Policisë Fier referuan materialet në Prokurori, ku nisi procedimi në gjendje të lirë për shtetasit:
-L. Rr., 31 vjeç dhe F. Rr., 34 vjeç, të dy banues në Vlorë, pasi në fshatin Varibob, dyshohet se për motive të dobëta, kanë goditur me grushte, një shtetas 32 vjeç;
-D. R., 33 vjeç, banues në Roskovec, pasi iu gjetën në automjet, 8 celularë të dyshuar të vjedhur.
Materialet procedurale iu referuan Prokurorisë së Fierit, për veprime të mëtejshme.
