Skandal në Ksamil: 19-vjeçari nga Ballshi rrihet me grushta e gurë nga dy vajza!
Një ngjarje e pazakontë ka ndodhur në Ksamil, ku një 19-vjeçar nga Ballshi ka përfunduar viktimë e dhunës nga… dy vajza!
Sipas denoncimit të tij në Polici, për motive ende të paqarta, vajzat 18 dhe 22 vjeçe e kanë sulmuar brutalisht në një lokal. I riu pretendon se është goditur me grushta dhe gurë, duke shkaktuar një skenë të vërtetë skandali në mes të klientëve.
Policia njofton se vajzat, njëra nga Gjirokastra dhe tjetra nga Saranda, tashmë janë proceduar penalisht. Materialet janë dërguar në Prokurori për hetime të mëtejshme.
