Spitali Rajonal Memorial Fier mirëpret Prof. Dr. Elias Mossialos, fokus te autonomia financiare dhe menaxhimi modern
Spitali Rajonal Memorial Fier zhvilloi një vizitë zyrtare me Prof. Dr. Elias Mossialos, një nga figurat më të njohura të shëndetit global dhe drejtues akademik në London School of Economics.
Gjatë takimit u diskutua ecuria e spitalit, objektivat strategjikë për vitin 2026, si dhe përvoja e Memorial-it si model referimi për zbatimin e autonomisë financiare në sistemin spitalor. U theksua rëndësia e menaxhimit modern dhe e qëndrueshmërisë financiare si elementë kyç për rritjen e cilësisë së shërbimeve shëndetësore.
Vizita u konsiderua një hap i rëndësishëm drejt forcimit të bashkëpunimeve ndërkombëtare dhe shkëmbimit të ekspertizës profesionale në fushën e shëndetësisë.
Drejtuesit e Spitalit Rajonal Memorial Fier shprehën mirënjohje për vizitën dhe kontributin e dhënë, duke riafirmuar angazhimin për standarde të larta dhe shërbime cilësore për qytetarët.
