“Shëndetësi e sëmurë”, BIRN: 8 në 10 shqiptarë besojnë se sistemi është i k*rruptuar

Kur kisha nënën tek Trauma, veç lekë kërkonin dhe të drejtonin: shko merr këtë aty. I linin njerëzit derisa na drejtonin për të blerë protezë dhe të gjitha gjërat e nevojshme për ndërhyrjen. Nuk ia mban kujt të ankohet, sepse nuk të kapin me dorë”. Kjo është vetëm një nga dëshmitë e familjarëve për përvojën e tyre me korrupsionin në spitalet shqiptare, e publikuar në raportin “Vlerësim i perceptimit të publikut shqiptar mbi korrupsionin në sektorin e shëndetësisë” nga shoqata “Together for Life”.

Raporti i publikuar në maj 2025 bazohet në anketimin e 1 mijë qytetarëve dhe njerr në pah një fenomen mjaft shqetësues në sektorin e shëndetësisë. Të dhënat tregojnë se 8 në 10 persona shprehin bindjen se sistemi shëndetësor në Shqipëri është i korruptuar.

83% e të anketuarve e konsiderojnë sistemin shëndetësor si të korruptuar,” thekson raporti.Alma Lahe, një prej eksperteve të këtij raporti, argumenton se ajo që i prek pacientët dhe për të cilën ata tregojnë ndjeshmëri më të madhe është korrupsioni i vogël, që e ndjejnë drejtpërdrejt në xhepin e tyre.

“Nga raporti i publikuar nga TFL rezulton se korrupsioni është një fenomen mjaft i përhapur në këtë sektor dhe ai është i përhapur në të gjitha nivelet, duke filluar nga korrupsioni i ‘vogël’ nëpërmjet mirëmbajtjes së ofruesve të shërbimit që kërkojnë, apo pranojnë pagesë jo formale nga pacientët për shërbime që duhet të ofrohen falas dhe deri te korrupsioni i ‘madh’ që përfshin institucionet e larta dhe që ka të bëjë me procedurat tenderuese në infrastrukturë, pajisje apo shërbime,” tha Lahe për BIRN.

Raporti i Shoqatës “Together for Life” tregon se korrupsioni ka prekur të gjitha nivelet e sistemit shëndetësor. Spitalet universitare perceptohen si më të korruptuarat nga 8 në 10 të anketuar (81%); spitalet rajonale perceptohen si shumë të korruptuara nga 76% e të anketuarve, ndërsa spitalet bashkiake perceptohen si shumë të korruptuara nga 60% e burrave dhe 55% e grave.

Presidenti i Këshillit Kombëtar të Urdhrit të Mjekëve, Dritan Trepça është i vetëdijshëm se korrupsioni në sistemin shëndetësor perceptohet si një ndër format më shqetësuese të korrupsionit publik për qytetarët.

“Një nga burimet më të zakonshme të perceptimit për korrupsion në shëndetësi është praktika e ryshfetit apo ‘bakshishit’ për mjekët, infermierët, apo personelin tjetër për të marrë kujdes të favorshëm, më të shpejtë, apo më të kujdesshëm. Këto praktika, ndonëse shpesh justifikohen si ‘traditë’ apo ‘falënderim’, në realitet ushqejnë një sistem informal pagesash që cenon barazinë në qasje,” tha Trepça.

Gjetjet e raportit të shoqatës “Together for Life” tregojnë se 70% e pacientëve kanë paguar ryshfet për shërbimin e kërkuar, sepse u është lënë të kuptohet se ndryshe nuk do ta merrnin atë shërbim. Ndërkohë, 53% e të anketuarve thonë se kanë paguar për të marrë shërbim më të mirë, 42% për të përshpejtuar marrjen e shërbimit dhe 22% të pacientëvë u është kërkuar pagesë drejtpërdrejt nga stafi.

“Tre në katër pjesëmarrës (75%) raportojnë se kanë dhënë ryshfet për kryerjen e operacioneve dhe trajtimeve. Kjo sugjeron një presion të madh mbi pacientët për të siguruar trajtim adekuat në raste urgjente ose jetike,” thekson raporti.

“Vizitat në spitalet publike (56%) dhe lindjet e kujdesi obstetrik-gjinekologjik (52%) janë ndër shërbimet për të cilat pjesëmarrësit në anketë pranojnë se kanë dhënë ryshfet”, nënvizohet në raportin “Vlerësim i perceptimit të publikut shqiptar mbi korrupsionin në sektorin e shëndetësisë”.

Rreth 2 në 3 të intervistuar (63%) mendojnë se shkaku kryesor i përhapjes së korrupsionit në sistemin shëndetësor është kultura e pranuar e ryshfetit në shoqërinë shqiptare. Sipas raportit, mungesa e kontrollit dhe e ndëshkimeve nga autoritetet është faktori kryesor që nxit korrupsionin në shëndetësi. Po ashtu, qytetarët përmendin keqmenaxhimin dhe mungesën e transparencës, mungesën e vetëdijes dhe guximit për të raportuar korrupsionin, pagat e ulëta të personelit shëndetësor si dhe nënfinancimin e sistemit nga shteti si shkaqe kryesore.Doktor Trepçka nga Urdhri i Mjekëve thotë se perceptimi për korrupsionin në sektorin e shëndetësisë është një ndër pengesat për ndërtimin e një sistemi të drejtë, efikas dhe të besueshëm.

“Korrupsioni i perceptuar, edhe kur nuk është i faktuar, në çdo rast krijon një klimë mosbesimi që dëmton si qytetarin, ashtu edhe vetë profesionistin. Zgjidhja kërkon një qasje të gjithanshme: transparencë, drejtësi, ndërgjegjësim dhe forcim të institucioneve,” thekson ai.

Lahe nga shoqata “Together for Life” thekson se shoqëria civile ka një rol të rëndësishëm në monitorimin e institucioneve, me qëllim që të kërkojë transparencë.

Është roli dhe misioni i shoqërisë civile të jenë aktivë në monitorim dhe në të kërkuarit nga institucionet të jenë më transparente, të përgjegjshme dhe llogaridhënëse”, thotë ekspertja Alma Lahe.

Ekspertët e raportit rekomandojnë ndër të tjera se: “Për të rikthyer besimin e publikut, është thelbësore që rastet e korrupsionit të ndiqen dhe ndëshkohen në mënyrë të drejtë, të paanshme dhe në kohë nga autoritetet përkatëse. Kjo përfshin zbatimin konsekuent të ligjit dhe shmangien e çdo tolerance ndaj praktikave korruptive në sektorin shëndetësor”./Reporter.al

Komisioni i Jashtëm i PE miraton raportin për Shqipërine

Komiteti i Punëve të Jashtme të Parlamentit Europian ka vlerësuar “angazhimin e palëkundur të Shqipërisë për anëtarësim në BE” në një raport të miratuar të mërkurën. Eurodeputetët theksojnë konsensusin e gjerë politik të Shqipërisë dhe mbështetjen e fortë publike për anëtarësimin në BE, së bashku me përputhjen e plotë me politikën e jashtme dhe të sigurisë të BE-së.

Raporti u miratua nga Komiteti i Punëve të Jashtme me 57 vota pro dhe 11 kundër, me 6 abstenime.

Raportuesi austriak Andreas Schieder nënvizon se Shqipëria është tashmë një shtet pararojë me reformat integruese me objektiv anëtarësimin e vendit në familjen evropiane brenda vitit 2030, megjithatë ende nuk është arritur vija e finishit.

Në raport bëhet thirrje për miratimin e reformave të rëndësishme, ndalimin e ndërhyrjeve të huaja – si ajo ruse – për frenimin e procesit të anëtarësimit të vendit në BE, si dhe për më shumë dialog politike.

Sa i përket zgjedhjeve, përmendet fakti se ato ishin konkurruese, por të zhvilluara në një mjedis të thellësisht të polarizuar, me shqetësime për përdorimin e burimeve administrative.

Nevojë urgjente për thellimin e reformave
Duke përshëndetur synimin e Shqipërisë për të përmbyllur bisedimet e anëtarësimit deri në vitin 2027 dhe progresin e arritur deri tani, eurodeputetët theksojnë nevojën urgjente për të intensifikuar reformat. Prioritetet kryesore përfshijnë forcimin e pavarësisë së gjyqësorit, luftën kundër korrupsionit dhe krimit të organizuar, si dhe mbrojtjen e të drejtave themelore. Forcimi i pluralizmit mediatik dhe transparencës mbetet thelbësor për të ndërtuar besimin e publikut.

Dialog politik dhe lufta kundër ndërhyrjeve të jashtme
Raporti vëren se polarizimi politik vazhdon të jetë i theksuar dhe i shoqëruar me retorikë përçarëse, duke bërë thirrje për dialog politik më konstruktiv dhe gjithëpërfshirës. Eurodeputetët shprehin shqetësim serioz për ndikimin e huaj keqdashës, veçanërisht nga burime të lidhura me Kremlinin, që kërcënojnë institucionet demokratike të Shqipërisë dhe përpjekjet për anëtarësim në BE. Ata bëjnë thirrje për rritjen e qëndrueshmërisë institucionale ndaj abuzimeve me financimin politik, manipulimeve mediatike dhe kërcënimeve kibernetike.

Screenshot 208

Mbështetje përmes iniciativave të BE-së
Eurodeputetët përshëndesin instrumentin e ri të Reformës dhe Rritjes prej 922 milionë eurosh të dedikuar për Ballkanin Perëndimor, i cili do të mbështesë Agjendën e Reformës të Shqipërisë sapo të përmbushen kushtet. Hapja e zyrës së Parlamentit Evropian në Tiranë shihet si një hap thelbësor për të forcuar lidhjet mes BE-së, institucioneve vendore dhe partnerëve të shoqërisë civile në të gjithë rajonin.

Procesi zgjedhor dhe reformat në drejtësi
Raporti analizon zgjedhjet parlamentare të majit 2025, duke i përshkruar ato si konkurruese, por të zhvilluara në një mjedis të thellësisht të polarizuar, me shqetësime për përdorimin e burimeve administrative. Eurodeputetët u bëjnë thirrje partive politike shqiptare të angazhohen për reforma të plota zgjedhore, në përputhje me rekomandimet e OSBE/ODIHR dhe Komisionit të Venecias.

Përparimi i bërë në reformat gjyqësore dhe hetimet për korrupsionin në nivele të larta vlerësohen pozitivisht, megjithëse ndërhyrja politike mbetet një sfidë. Eurodeputetët bëjnë thirrje për përpjekje të vazhdueshme për të mbrojtur pavarësinë e gjyqësorit dhe për të rritur llogaridhënien.

Raportuesi Andreas Schieder (S&D, Austri) tha:

“Shqipëria me të drejtë mund të quhet një ‘kandidate pararendëse’ për anëtarësimin në BE. Kjo edhe falë mbështetjes së gjerë nga populli shqiptar. Por ende nuk jemi në vijën e finishit. Është thelbësore të vazhdohet në këtë rrugë me të njëjtin ritëm dhe përkushtim, duke luftuar korrupsionin dhe forcuar shtetin e së drejtës. Duhet një fokus i qartë në zgjerimin e modelit ekonomik, krijimin e vendeve të punës dhe përmirësimin e modelit të mirëqenies sociale, si dhe në një reformë zgjedhore gjithëpërfshirëse dhe të plotë”.

Dollari amerikan pritet të bjerë me 9%” – Morgan Stanley parashikon forcimin e euros ndaj monedhës amerikane në 2026

Dollari amerikan do të bjerë në nivelet e regjistruara gjatë pandemisë Covid në mesin e vitit 2026, i goditur nga uljet e normave të interesit dhe ngadalësimi i rritjes, sipas parashikimeve nga Morgan Stanley.

Indeksi i dollarit amerikan do të bjerë rreth 9 përqind rreth kësaj kohe në vitin 2026, parashikuan strategët. Kjo do të përkeqësojë rënien e kohëve të fundit të dollarit amerikan, pasi trazirat tregtare rëndojnë mbi monedhën amerikane.

“Ne mendojmë se normat dhe tregjet e valutave kanë hyrë në trende të konsiderueshme që do të vazhdojnë, duke e çuar dollarin amerikan shumë më poshtë, pas dy vitesh tregtie të lëkundura brenda intervaleve të gjera” shpjeguan ata.

Raporti i Morgan Stanley u bashkohet shumë analistëve ekonomikë që vënë në pikëpyetje perspektivën për dollarin, ndërsa tregtarët peshojnë qasjen shkatërruese të Presidentit të SHBA-së Donald Trump.

Indeksi i dollarit amerikan ka rënë me gati 10% që nga kulmi i shkurtit, ndërsa politikat tregtare të Trump ndikojnë negativisht në asetet amerikane, duke vënë në pikëpyetje rolin kryesor të dollarit në ekonominë botërore.

Fituesit më të mëdhenj nga dobësimi i dollarit do të jenë euro, jeni dhe franga zvicerane, që konsiderohen si rivalët e monedhës amerikane për të qenë asete të sigurta globale, shkruan strategët e Morgan Stanley. Ata e shohin euron të rritet në nivelin 1.25 në vitin 2026 nga rreth 1.13 që është tani, ndërsa dollari do të vazhdojë rënien. Jeni, që aktualisht tregtohet me rreth 143 për dollar, mund të forcohet në 130, thanë analistët.

Banka tha se rendimentet e obligacioneve 10-vjeçare të thesarit do të arrijnë në 4 përqind deri në fund të vitit 2025 dhe do të pësojnë një rënie shumë më të madhe në vitin 2026, ndërsa Rezerva Federale e SHBA-së do të ofrojë ulje të normës së interesit prej 175 pikësh bazë.

Vodhën kasafortën me 15 mijë € në një banesë,në pranga dy persona

Specialistët për Hetimin e Krimeve të Komisariatit të Policisë Nr. 2 në bashkëpunim me Drejtorinë Vendore të Policisë Vlorë, pas kallëzimit nga një shtetas, se i kishin vjedhur kasafortën me një shumë parash, në banesë, kanë organizuar dhe finalizuar operacionin policor të koduar “Reagimi”, për zbardhjen e rastit. 

Si rezultat i operacionit u identifikuan, u kapën dhe u vunë në pranga shtetasit:
A. Xh., 40 vjeç dhe L. Gj., 38 vjeç, të dy banues në Vlorë, të dënuar më parë për vjedhje. Nga verifikimet rezultoi se shtetasi A. Xh. ishte me masë sigurie “Arrest në shtëpi”, për veprën penale “Vjedhja”. 

Nga hetimet e kryera gjatë operacionit dyshohet se këta shtetas, më datë 02.06.2025, kanë vjedhur një kasafortë me 15 000 euro, në një banesë në rrugën “Muhamet Gjollesha”.

Rikonceptimi i rezidencave qeveritare, Rama: Rruga për t’i kthyer këto asete në funksion publik

Zhvillohet sot “Hospitality Albania”, ku 7 finalistët e Fazës II prezantojnë përpara një Jurie ndërkombëtare projekt-idetë arkitekturore për rimëkëmbjen dhe modernizimin e rezidencave qeveritare, nga struktura të amortizuara me kosto të lartë mirëmbajtjeje, në destinacione ekskluzive dhe tërheqëse për turizmin elitar dhe pritjen e personaliteteve të rëndësishme. 

Kryeministri Edi Rama u shpreh se kjo është rruga për t’i kthyer këto asete në funksion publik. 

Kreu i qeverisë shtoi se kjo është një rrugë e re, ku po shihet potenciali i madh që ka vënia në shfrytëzim e aseteve shtetërore për të përfshirë publikun përmes shtetit si palë e interesuar duke ndryshuar edhe formulat e ndërveprimit.Sot hapim një tjetër nga kapitujt e punë së korporatës shqiptare të Investimeve, që ka të bëjë me rrjetin e rezidencave të dikurshme qeveritare që prej shumë kohësh kanë mbetur në një limbo si rezultat i mos përdorimit për shkak të humbje së funksionit.
Eksperienca e 2 rezidencave në Tiranë që tanimë janë transformuar njëra në një shtëpi pritjeje të shtetit shqiptar për personalitete të fushave të ndryshme e tjetra në një qendër për artistë të rinj nga e gjithë bota në bashkëpunim me fondacionin francez, na ka treguar se kjo është rruga për t’i kthyer këto asete në funksion publik.
Një ra për vilën e Enver Hoxhës në Vlorë dhe tjetri për një tjetër rezidencë qeveritare në Velipojë.
Është një rrugë e re, ku po shohim potencialin e madh që ka vënia në shfrytëzim e aseteve shtetërore për të përfshirë publikun përmes shtetit si palë e interesuar duke ndryshuar edhe formulat e ndërveprimit”, tha ai.

Kina njofton Spitalin e Parë me Inteligjencen Artificiale në Botë, duke shënuar lidershipin e Azisë në Inovacionin në Kujdesin Shëndetësor

Një moment revolucionar në sektorët e Teknologjisë Mjekësore dhe IA-së që po përparojnë me shpejtësi në Azi ka dalë në pah me zbulimin e spitalit të parë të IA-së në botë, “Spitali i Agjentëve”, i zhvilluar nga studiues të Universitetit Tsinghua. Kjo strukturë e përparuar, që paraqet pacientë dhe mjekë virtualë të mundësuar nga modele të mëdha gjuhësore (LLM), simbolizon ndikimin në rritje të Azisë në peizazhin global të kujdesit shëndetësor. Profesionistët mjekësorë virtualë e zhvillojnë në mënyrë autonome ekspertizën e tyre, duke ofruar një qasje të re ndaj kujdesit ndaj pacientit, edukimit mjekësor dhe efikasitetit të kujdesit shëndetësor.

Një Transformim i Kujdesit Shëndetësor në Zemër të Azisë

Spitali i Agjentëve, shumë i ngjashëm me qytetin e IA-së në Stanford që tërhoqi vëmendjen globale vitin e kaluar, demonstron lidershipin e Kinës në bashkimin e IA-së dhe kujdesit shëndetësor. Të aftë për të diagnostikuar dhe trajtuar mbi 10,000 pacientë vetëm në pak ditë – një detyrë që do t’u merrte mjekëve njerëzorë dy vjet – këta mjekë të IA-së kanë arritur një shkallë saktësie prej 93.06% në të dhënat MedQA. Aftësia e tyre në simulimin e të gjithë procesit të kujdesit, nga diagnoza deri te ndjekja, po riformëson shkencën mjekësore. Spitali përfshin 14 agjentë mjekësh të inteligjencës artificiale dhe katër agjentë infermierie të inteligjencës artificiale që punojnë në mjedise të dizajnuara për të simuluar praktikën mjekësore në botën reale, duke përmirësuar rezultatet e pacientëve dhe duke ofruar një mjedis trajnimi pa rrezik për studentët e mjekësisë.

Roli i Azisë në Formësimin e Inovacionit MedTech

Azia po shfaqet si një qendër globale për inovacionin në IA dhe MedTech. Spitali i Agjentëve është një shembull kryesor se si zgjidhjet e kujdesit shëndetësor të drejtuara nga IA po rrisin efikasitetin mjekësor dhe po revolucionarizojnë ofrimin e kujdesit shëndetësor. Këto përparime gjithashtu nxjerrin në pah mundësi të reja për arsimin mjekësor dhe logjistikën e kujdesit shëndetësor, të cilat kanë potencialin të ndikojnë në modelet globale të menaxhimit të spitaleve.

Gjurmëzimi në Zgjerim i MedTech World në Azi

MedTech World, një platformë kryesore globale për inovacionin e kujdesit shëndetësor, vazhdon të forcojë lidhjet e saj me sektorin MedTech në lulëzim të Azisë. Pas një turneu shumë të suksesshëm në Shangai, MedTech World po bashkëpunon në mënyrë aktive me inovatorët dhe institucionet kineze. Dr. Dylan Attard, bashkëthemelues dhe drejtor ekzekutiv i MedTech World, foli për këto zhvillime gjatë pjesëmarrjes së tij në S-Tron China, ku ai krahasoi tregun e Teknologjisë Mjekësore të Kinës me trendet globale dhe nënvizoi rëndësinë e bashkëpunimit përtej kufijve për të shfrytëzuar potencialin e plotë të këtyre përparimeve.

Duke folur për këto zhvillime, Dr. Attard komentoi:

“Turneu ynë i fundit në Shangai ka qenë frymëzues, duke shfaqur përparimin e jashtëzakonshëm të Kinës në konvergjencën e IA-së dhe kujdesit shëndetësor. Lançimi i Spitalit Agent është një dëshmi e lidershipit të Kinës në hapësirën e Teknologjisë Mjekësore, dhe MedTech World është i emocionuar të eksplorojë më shumë mundësi në rajon. Isha i nderuar të flisja në S-Tron China, ku eksploruam se si ekosistemi i Teknologjisë Mjekësore i Kinës krahasohet me standardet ndërkombëtare dhe si mund të bashkëpunojmë përtej kufijve për të çuar përpara inovacionin në kujdesin shëndetësor. MedTech World është i përkushtuar për të ndërtuar ura midis ekosistemit dinamik të Azisë dhe komunitetit tonë global të Teknologjisë Mjekësore për të nxitur ndryshime me ndikim në kujdesin shëndetësor.”

Vr*sja e ish-drejtorit të Policisësë Vlorës/Prokuroria kërkon burgim të përjetshëm për Bledar Jambellin dhe Kristaq Levin

Prokuroria Tiranë kërkon burgim të përjetshëm për shtetasit B.J. dhe G.K. për vrasjen e ish-drejtorit të Policisësë Vlorës, A.C 

Prokuroria pranë Gjykatës së Shkallës së Parë të Juridiksionit tëPërgjithshëm Tiranë, kërkon burgim të përjetshëm për shtetasitB.J. alias B.M. dhe K.L. alias G.K. për veprat penale ‘Vrasje e punonjësve të policisë së shtetit’ dhe ‘Mbajtja pa leje dhe prodhimi i armëve, armëve shpërthyese dhe municionit’ parashikuar nga anent 79/b dhe 25 dhe 278/1 të Kodit Penal. 

Nga hetimet e procedimit penal nr.139/2017, rezultoi se i pandehuri B.J. një person me rrezikshmëri të madhe shoqëroredhe në ndjekje nga organet hetimore dhe policore prej viteve2000, në vitin 2012 u hetua nga Shërbimet e Policisë nëDrejtorinë Vendore Policisë Vlorë për ngjarje të rënda kriminalekonkretisht vrasjes së shtetasve Sh.M. dhe E. Sh. dhe falë punëshetimore në kohën që kjo Drejtori drejtohej nga i ndjeri A.C., uarrestua dhe hetua për këto fakte penale të rënda të citura mësipër, por më pas gjatë procesit gjyqësor doli i pafajshëm dhe u lirua.

Pikërisht për këtë shkak, në vitin 2017 shtetasi B.J. në shenjëhakmarrjeje përgatiti vrasjen e ish-Drejtorit Policisë Vlorë. Për realizuar këtë qëllim, ai lidhi marrëveshje me shtetasin K. L. dhe për të realizuar vrasjen takoi edhe shtetasin M. Sh., të cilit iupremtua pagesë reth 20.000 euro dhe se do ta merrte nëGjermani pasi të kryente vrasjen, duke e bindur të kryejë krimin.Shtetasi K.L. e pajisi shtetasin M.Sh., me 2 armë të llojitpistoletë, njëra tipit Zastava dhe tjetra Clock me silenciator, ndërsa vetë u vendos në ndjekje viktimës nga larg duke marrëvëzhgim. 

Shtetasi M.Sh e gjuajti të paktën 8 herë viktimën duke lënë nëvendngjarje pa shenja jete. Ky shtetas u ndalua menjëherë dhe pas arrestimit nënshkroi marrëveshje bashkëpunimi me drejtësinë. I pandehuri M.Sh. u dënua me dhjetë vjet burgim pasipranoi akuzën dhe faktin penal, bashkëpunoi me drejtësinë dhe u pendua për krimin e kryer duke i kërkuar ndjesë familjarëve të viktimës. 

Nga hetimet rezultoi provuar tej çdo dyshim arsyeshëm se vrasjau krye me dashje në formën e paramendimit e shtyrë nga motive hakmarrje dhe për motive përfitimi të dy bashkëpunëtorëve të tjerë. Këta tre persona bashkëpunuan në drejtimin e B.J. për vrarë A. C. si qëllim final, të shtyrë nga motive ndryshme. Organizuesi këtij bashkëpunimi ka pasur qëllim hakmarrje, ndërsa ndihmësi ka pasur qëllimin për ndihmuar shokun e tij dhe njëkohësisht djalin e hallës M. Sh. për të përfituar holla dhe e ndihmoi në kryerjen vepres penale, ndërsa M. Sh. kishteinteresin përfitimit material në këtë bashkëpunim dhe për pasojëtë tre kryen vrasjen e ish drejtorit të Policisë Vlorë. 

Për këtë arsye Prokuroria pranë Gjykatës së Shkallës sëParë të Juridiksionit të Përgjithshëm kërkoi: 

Deklarimin fajtor të të pandehurit B. J. për vepren penale “ Vrajse e punonjëseve të policisë shtetit” parashikuar nga nenet79/b dhe 25 K.Penal dhe dënimin e tij burgim përjetëshëm; dhe 

Deklarimin fajtor të të pandehurit K.L. për veprenpenale “Vrajse e punonjësve të policisë shtetit” parashikuar nganenet 79/b dhe 25 K.Penal dhe dënimin e tij burgimpërjetëshëm.

FIER-Ngjarjet dhe veprat penale ndodhur ne 24 oret e fundit

Drejtoria Vendore e Policisë Fier

Specialistët për Hetimin e Krimeve të Komisariatit të Policisë Lushnjë:
-arrestuan në flagrancë shtetasin R. B., 44 vjeç, banues në fshatin Golem i Madh, pasi u kap jashtë banesës, ndërkohë që ishte me masë sigurie “Arrest në shtëpi”, për veprën penale “Vjedhja”;
-arrestuan në flagrancë shtetasin G. Z., 38 vjeç, banues në Lushnjë, pasi dyshohet se ka ushtruar dhunë ndaj nënës së tij;
-referuan materialet në Prokurori, ku nisi procedimi penal për shtetasin A. S., 38 vjeç, pasi dyshohet se ka kryer punime ndërtimi, pa leje;
-referuan materialet në Prokurori dhe shpallën në kërkim shtetasen K. K., 59 vjeçe, banuese në Lushnjë, pasi kanë kallëzuar 2 shtetas, se shtetasja K. K., në cilësinë e avokates, iu ka marrë shuma të ndryshme parash, me anë të mashtrimit, duke iu premtuar përfaqësim gjyqësor. Punohet për kapjen e shtetases K. K.

Specialistët për Hetimin e Krimeve të Komisariatit të Policisë Fier referuan materialet në Prokurori, ku nisi procedimi penal për shtetasin E. G., 38 vjeç, banues në Libofshë, pasi dyshohet se ka kanosur ish-bashkëshorten e tij, nëpërmjet thirrjeve telefonike.

Specialistët për Hetimin e Krimeve të Komisariatit të Policisë Mallakastër referuan materialet në Prokurori, ku nisi procedimi penal për shtetasin N. F., 68 vjeç, pasi dyshohet se ka kryer punime ndërtimi, pa leje.

Specialiatët për Hetimin e Narkotikëve referuan materialet në Prokurori, ku nisi procedimi penal për shtetasen G. Xh., 20 vjeçe, banuese në Fier, pasi gjatë kontrollit fizik, iu gjet një sasi e vogël lënde e dyshuar narkotike cannabis sativa.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

1...838485...305Faqja 84 nga 305