Balluku takon ministrin Fratin, fokusi te ndërtimi i linjës nënujore Shqipëri–Itali

Zëvendëskryeministrja dhe Ministrja e Infrastrukturës dhe Energjisë, Belinda Balluku, zhvilloi sot në Romë një takim zyrtar me Ministrin e Mjedisit dhe Energjisë të Italisë, Gilberto Pichetto Fratin.

Diskutimet u përqendruan në forcimin e bashkëpunimit dypalësh në fushën e energjisë, si dhe në projektet strategjike që pritet të thellojnë partneritetin mes dy vendeve.

Në qendër të bisedës ishte projekti madhor për ndërtimin e linjës nënujore Shqipëri–Itali, një infrastrukturë energjetike e rëndësishme që do të lidhë sistemet elektroenergjetike të të dy vendeve. Ky projekt është pjesë e korridorit energjetik Lindje–Perëndim, që përfshin Rumaninë, Bullgarinë, Greqinë, Shqipërinë dhe Italinë, duke krijuar një rrjet strategjik me ndikim të drejtpërdrejtë në sigurinë energjetike të gjithë rajonit.

Nëpërmjet një postimi në rrjetet sociale, Ministrja Balluku theksoi rëndësinë e këtij investimi, i cili pritet të hapë një kapitull të ri në bashkëpunimin mes Shqipërisë dhe Italisë, duke ndihmuar në garantimin e qëndrueshmërisë dhe diversifikimit të burimeve të energjisë.

“Sot pata kënaqësinë të zhvilloj një bisedë të frytshme me Ministrin e Mjedisit dhe Energjisë të Italisë, z. Gilberto Pichetto Fratin. Diskutuam gjerësisht mbi forcimin e bashkëpunimit mes Shqipërisë dhe Italisë në sektorin energjetik, me fokus projektin strategjik për ndërtimin e linjës nënujore që do të lidhë dy vendet tona. Ky investim do të hapë një kapitull të ri në marrëdhëniet tona dhe do të kontribuojë në sigurinë dhe qëndrueshmërinë energjetike në rajon,” shkruan Balluku.

Gjatë takimit u theksua se raportet e shkëlqyera mes Shqipërisë dhe Italisë përbëjnë një bazë të fortë për nisma të reja bashkëpunimi në interes të qytetarëve të të dyja vendeve.

Takimi Balluku–Fratin është zhvilluar në kuadër të mbledhjes së përbashkët të dy qeverive shqiptare dhe italiane në Romë, një ngjarje që synon të forcojë më tej marrëdhëniet strategjike dhe partneritetin ekonomik e institucional mes Tiranës dhe Romës.

Sot Samiti i parë ndërqeveritar Shqipëri-Itali në Romë, Rama: I hapim rrugë 16 marrëveshjeve të reja

Sot do zhvillohet në Romë mbledhja e parë e përbashkët mes dy qeverive, asaj shqiptare dhe italiane.Në një postim në Facebook, kryeministri Rama tha se kjo mbledhje shënon një hap të rëndësishëm në forcimin e partneritetit strategjik mes Shqipërisë dhe Italisë, duke hapur rrugën për 16 marrëveshje të reja konkrete bashkëpunimi në fusha të ndryshme.

Takimi i nivelit të lartë pritet të përmbyllet me nënshkrimin e dokumenteve që thellojnë lidhjet ekonomike, kulturore dhe institucionale mes dy vendeve.

Fier -5 impiante të rinj diellorë me kapacitet mbi 80 MW

CREATOR: gd-jpeg v1.0 (using IJG JPEG v62), quality = 82

Këshilli Kombëtar i Territorit (KKTU), në mbledhjen e datës 29 shtator, ka dhënë miratimin për një total prej 302 MW kapacitet të ri të instaluar nga impiante fotovoltaikë të pavarur, të cilët do të operojnë në tregun e lirë, pa mbështetje financiare nga qeveria.

Projekti më i madh pritet të ndërtohet në Bashkinë Kolonjë, me një fuqi prej 62 MW, i zhvilluar nga kompania “Fortis Energy & Construction”, ndërsa një tjetër impiant me kapacitet 30 MW do të ngrihet në Fier.

Gjithashtu, disa kompani si “Erseka Solar” janë duke zgjeruar projektet ekzistuese me lote të rinj që tashmë janë në fazë prodhimi.

Rritje e kapacitetit të energjisë diellore

Në total, janë miratuar 13 projekte fotovoltaike, me kapacitete që variojnë nga instalime të vogla prej 2 MW deri në parqe të mëdha prej dhjetëra megavatësh.

Një pjesë e tyre do të përfitojnë çmim të rregulluar nga Enti Rregullator i Energjisë (ERE) dhe do ta shesin prodhimin e tyre tek shteti, ndërsa pjesa tjetër do të operojë si prodhues të pavarur në tregun liberal të energjisë.

Këto zhvillime pritet të rrisin ndjeshëm furnizimin me energji të pastër dhe të përshpejtojnë diversifikimin e burimeve energjetike, një objektiv strategjik për Shqipërinë në vitet në vijim.

Aktualisht, impianti më i madh fotovoltaik në prodhim në vend është ai i Karavastasë me kapacitet 140 MW, që mbetet një nga projektet kryesore të energjisë së rinovueshme në rajon.

Objektivat afatmesëm për diversifikim

Megjithëse pesha e energjisë diellore në totalin e prodhimit kombëtar mbetet ende e kufizuar, ritmi i miratimeve të reja tregon një trend të qëndrueshëm zgjerimi.

Në një periudhë afatmesme, këto investime pritet të ndihmojnë në krijimin e një ekuilibri më të qëndrueshëm midis burimeve ujore dhe atyre diellore, duke reduktuar varësinë nga kushtet klimatike dhe duke rritur sigurinë energjetike të vendit.

Lista e projekteve të miratuara

  • Gramsh – “Glow Solar” sh.p.k., 29.13 MW
  • Gramsh – “Voltz Solar” sh.p.k., 15.2 MW
  • Ersekë – “Erseka Solar Park 3 Lot 1” sh.p.k., 42.315 MW
  • Ersekë – “Erseka Solar Park 3 Lot 2” sh.p.k., 21.21 MW
  • Himarë (Porto Palermo) – “Sea Solar Energy” sh.p.k., 2 MW
  • Bulqizë – “Gjorica Solar Park” sh.p.k., 40 MW
  • Fier – “Power Energy” sh.p.k., 25 MW
  • Elbasan – “G.A.C” sh.p.k., 2 MW
  • Fier – “Gemtech Solar Park” sh.p.k., 10 MW
  • Fier – “Dion Energji” sh.p.k., 2 MW
  • Kolonjë – “Fortis Energy & Construction” sh.p.k., 62 MW
  • Fier – “EZ-5 Solar Park 2” sh.p.k., 30 MW
  • Fier – “Prosol Solar” sh.p.k., 21 MW

Ambasadorët e BE takim me Ramën në Kryeministri

Kreu i ekzekutivit Edi Rama, ka pritur këtë paradite në ambientet e kryeministrisë ambasadorët e vendeve Europiane

Delegacioni i diplomatëve të huaj kryesohet nga ambasadori i BE në Shqipëri, Silvio Gonzato, ndërsa të pranishëm janë pothuajse të gjithë kryediplomatët e vendeve anëtare të akredituar në Tiranë.

Pas takimit, Rama ndau dhe pamjet nga mbledhja, teksa shkruan: Sot me ambasadorët e vendeve të Bashkimit Europian, të ardhur edhe nga kryeqytetet fqinje për bashkëbisedimin e përvitshëm pas daljes së Raportit të Progresit të BE për Shqipërinë.

Berisha lajmëron protestë me 17 nëntor përpara kryeministrisë

Sali Berisha ka njoftuar se PD nisur nga dita e Hënë, do të nisë protestat.

Por duket se skenari këtë herë është pak më ndryshe nga protestat e mëparshme, pasi Berisha tha se ditën që do të ketë Kuvend, deputetët e PD dhe qytetarët do të protestojnë para Kryeministrisë.

Më pas tha ai do të thirret dhe protestë Kombëtare.

“Dita e hënë do të jetë dita e fillimit të parlamentit para kryeministrisë së qyqarëve dhe parlamentare, PD ndërmerr tani një fillim të ri, një analizë të plotë të gjendjes në vend të situatës, se narko- shteti i Ramës dhe ndaj kësaj diktuare ka vetëm një rrugë, protesta dhe vetëm protesta”, tha Berisha.

Pas atentatit në Rinas, AMP pezullon zinxhirin komandues të Operacionales

Pas atentatit të ndodhur një ditë më parë pranë aeroportit të Rinasit, ku mbeti i vrarë Gilmando Dani dhe u plagos punonjësi i Agjencisë së Mbikëqyrjes Policore (AMP), Muçi Shaljani, ka ardhur reagimi zyrtar nga institucioni.

Në deklaratën publike, AMP bën me dije se ka nisur menjëherë verifikimin e brendshëm të procedurave administrative të ndjekura, si dhe praktikën e plotë me agjencitë përkatëse dhe Policinë e Shtetit, në lidhje me procedurën e rekrutimit të Shaljanit, që daton nga shtatori i vitit 2025.

Ndërkohë, Drejtori i Përgjithshëm i AMP-së, Eduart Merkaj, ka urdhëruar pezullimin e zinxhirit komandues të strukturës së Forcës së Posaçme Operacionale të AMP-së, deri në zbardhjen e plotë të rrethanave të ngjarjes.

“Benz-i” ku u vr* krahu i djathtë i Shullazit në pronësi të tij? Reagon Elvis Kosova

Elvis Kosova, për të cilin u raportua se ishte pronari i automjetit tip Benz, me të cilin po udhëtonin Gilmando Dani, viktimë e atentatit të djeshëm dhe Muçi Shaljani (Sheqeri), ka reaguar lidhur me vrasjen e djeshme të ndodhur në aeroportit të Rinasit, duke mohuar çdo lidhje me ngjarjen.

Në një koment në rrjete sociale Elvis Kosova, shkruan se automjeti është në pronësi të kompanisë. Kosova njihet si biznesmen në fushën e shitblerjes së automjeteve.

“As nuk e mbaj mend ta kem pasur ndonjëherë këtë makinë. Nuk është në emrin tim fare, është në emër të kompanisë. Sa makina hyjnë e dalin nga kompanitë e mia, s’di, s’kam fjalë me këto. Zot na ruaj.”- shkruan Vis Kosova në një koment në rrjete sociale.

Mbeti i pl*gosur te at*ntati në Rinas, publikohet fotoja e punonjesit te AMP-se ,40-vjeçarit Muçi Shaljani


Personi ne foto eshte Muçi Shaljani Sheqeri 40 vjeç, i cili mbeti i plagosur në atentatin e ndodhur ditën e sotme te rrethrrotullimi  i Rinasit ku humbi jetën Gilamando Dani, miku i Emiljano Shullazit.

Muçi Shaljani ndodhet në spitalin e Traumës në gjendje kritike për jetën pasi është qëlluar dhe në kokë dhe ka dëmtime të rënda të trurit.

Mesohet se Shaljani ishte agjent i Agjencisë së Mbikëqyrjes Policore.

Ai drejtonte automjetin tip Benz në të cilin udhëtonte edhe Gilmando Dani në momentin që ndaj tyre është qëlluar me breshëri duke shkaktuar vdekje e menjëhershme të Dani dhe plagosjen rëndë të 40-vjeçarit.

Sipas burimeve nga spitali i Traumes ne Tirane , gjendja e 40-vjeçarit mbetet e rëndë, ndërsa ai është nën kujdesin intensiv të ekipit mjekësor.

Kujtojmë se një atentat me armë zjarri ndodhi këtë të martë rreth orës 14:20 në rrethrrotullimin pranë aeroportit të Rinasit.

Viktimë e ngjarjes mbeti Gilmando Dani, 47 vjeç, i njohur për lidhjet me Emiljano Shullazin, ndërsa i plagosur rëndë ka mbetur Muçi Shaljani (Sheqeri), rreth 40 vjeç.

Shaljani dhe Dani po udhëtonin me një automjet tip “Mercedes Benz S” kur ndaj tyre është hapur zjarr nga persona ende të paidentifikuar.

Si pasojë e breshërisë së plumbave, Dani humbi jetën në vend, ndërsa Shaljani u transportua në spital në gjendje të rëndë shëndetësore.

Menjëherë pas atentatit, autorët janë larguar me shpejtësi në drejtim të Fushë-Krujës, ndërsa pak më vonë është gjetur një automjet i djegur në fshatin Halil, që dyshohet se është përdorur prej tyre për të shpëtuar nga vendngjarja.

Shërbimet e Policisë kanë rrethuar zonën dhe kanë ngritur pika kontrolli në akset kryesore që lidhin Tiranën me Fushë-Krujën.

Grupi hetimor, në drejtimin e Prokurorisë, po punon për të zbardhur rrethanat e plota të atentatit dhe për të identifikuar autorët.

1...697071...303Faqja 70 nga 303