Një aksident i rëndë ka ndodhur ditën e sotme në rrugën e Kombit, në afërsi të Milotit.
Raportohet se në aksident janë përfshirë dy automjete, një Volksëagen Golf dhe një mjet tip “Mercedes-Benz”.
Për pasojë janë plagosur 5 persona, mes të cilëve edhe dy fëmijë.
Të plagosurit raportohet se janë dërguar me urgjencë në Spitalin e Traumës, ndërsa nga përplasja aksi rrugor u bllokua për disa momente.
Durrës/Finalizohet operacioni policor i koduar “IKONAT”.
Vidhnin dhe trafikonin vepra arti, kapen në flagrancë dhe vihen në pranga 2 shtetas.
Njëri prej të arrestuarëve, i punësuar rojë pranë parqeve arkeologjike.
Sekuestrohen në cilësinë e provës materiale 13 statuja të madhësive dhe formave të ndryshme.
Specialistët e Seksionit për Hetimin e Trafiqeve të Paligjshme të DVP Durrës, në zbatim të masave të përcaktuara në planin operacional kombëtar “Sundimi i ligjit”, bazuar në inteligjencën policore për një rast të vjedhjes dhe trafikimit të veprave të artit nga parqet arkeologjike, kanë organizuar dhe finalizuar operacionin policor të koduar “IKONAT”.
Si rezultat u arrestuan shtetasit:
P. L., 53 vjeç, banues në Fier dhe E. Ç., 56 vjeç, banues në Lushnjë.
Këta shtetas janë kapur në flagrancë gjatë operacionit, në vendin e quajtur “Bishti i Zhurit”, Rrogozhinë, duke lëvizur me një automjet në të cilin gjatë kontrollit u gjetën 13 statuja dhe ikona të madhësive dhe formave të ndryshme.
Nga veprimet hetimore dyshohet se këta shtetas, në bashkëpunim me njëri-tjetrin, merreshin me trafikimin e veprave të artit dhe kulturës. Shtetasi P. L., duke përfituar nga fakti se ishtë i punësuar pranë parqeve arkeologjike, herë si rojë dhe herë si ndihmës, siguronte statuja dhe ikona të madhësive të ndryshme në qytetet Fier, Berat, Gjirokastër, dhe më pas në bashkëpunim me shtetasin E. Ç., i trafikonin me qëllim përfitimin.
Një pjesë të statujave dhe ikonave ua shisnin shtetasve të huaj nga Italia, Greqia dhe Mali i Zi, kundrejt vlerave që varionin nga 10 000 deri në 20 000 euro.
Në drejtimin e Prokurorisë vijon puna për zbardhjen dhe dokumentimin e plotë të këtij rasti.
Materialet procedurale i kaluan Prokurorisë, për veprën penale “Trafikimi i veprave të artit dhe kulturës”.
Fier
Në vijim të informacioneve të dhëna mbrëmjen e djeshme, për një aksident të ndodhur në aksin rrugor “Lushnjë-Fier”, ku humbi jetën këmbësori, shtetasi H. S., 85 vjeç, ju informojmë se specialistët e Sektorit të Policisë Rrugore të DVP Fier arrestuan në flagrancë drejtuesin e automjetit që dyshohet se ka aksidentuar 85-vjeçarin, shtetasin A. F., 55 vjeç, banues në Fier.
Po këta specialistë arrestuan në flagrancë shtetasit:
-K. H., 41 vjeç, banues në Kolonjë, pasi duke drejtuar automjetin, në gjendje të dehur, ka humbur kontrollin dhe për pasojë automjeti ka dalë nga rruga;
-M. K., 29 vjeç, pasi është konstatuar nga shërbimet e Policisë, duke drejtuar automjetin, në gjendje të dehur.
Specialistët për Hetimin e Krimeve Ekonomike të DVP Fier ndaluan shtetasin e shpallur në kërkim Asllan Koraj, 41 vjeç, banues në Fier, pasi Gjykata e Fierit e ka dënuar me 3 vjet burgim, për veprat penale “Fshehja e të ardhurave” dhe “Mospagimi i taksave dhe tatimeve”.
Në vijim të informacionit të dhënë ditën e djeshme, për një zjarr të rënë në një kanal, në aksin rrugor “Plug-Savër”, ku u dogjën disa barishte, disa panele dhe një furgon që ndodhej në një karburant jofunksional, ju informojmë se specialistët për Hetimin e Krimeve të Komisariatit të Policisë Lushnjë arrestuan në flagrancë shtetasin B. K., 63 vjeç, si dhe filloi procedimi në gjendje të lirë për shkak të moshës, për shtetasin Xh. B., 74 vjeç, të dy banues në Lushnjë, pasi dyshohet të jenë autorët e zjarrvënies.
Po këta specialistë arrestuan në flagrancë shtetasin G. D., 44 vjeç, banues në Lushnjë, pasi dyshohet se ka ushtruar dhunë ndaj bashkëjetueses së tij.
Gjithashtu, referuan materialet në Prokurori, për shtetasin N. B., 60 vjeç, banues në Lushnjë, pasi ka kundërshtuar punonjësit e Policisë Bashkiake.
Specialistët për Hetimin e Krimeve të Komisariatit të Policisë Fier referuan materialet në Prokurori ku nisi procedimi në gjendje të lirë për shtetasit:
-J. H., 67 vjeç, banues në fshatin Ngjeqar, pasi u konstatua duke ndërtuar pa leje, në tokën e tij;
-V. G., 32 vjeç, banues në Fier, pasi shërbimet e Policisë i kanë gjetur në automjet, një fenelinë të ngjashme me atë të Policisë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
Finalizohet operacioni policor i koduar “Lokalizimi”.
Operacioni, nga Policia e Kurbinit, me mbështetje të Forcës Kombëtare të Sigurisë, Njësia Shkodër.
Qarkullonte i armatosur dhe tentoni t’iu largohej shërbimeve të Policisë, pas ndjekjes dhe ndërhyrjes profesionale, kapet dhe vihet në pranga 19-vjeçari i kërkuar për krime kundër personit dhe armëmbajtje pa leje.
Në momentin e kapjes, Policia i gjeti 19-vjeçarit, një armë zjarri pistoletë me mulli dhe municion luftarak.
Shërbimet e Komisariatit të Policisë Kurbin, në bashkëpunim me Forcat Kombëtare të Sigurisë Shkodër (FKS), në kuadër të megaoperacionit policor të koduar “Sundimi i ligjit”, për kapjen e shtetasve në kërkim, bazuar në informacionet e siguruara nga inteligjenca policore se një shtetas i kërkuar qarkullonte në qytetin e Mamurrasit dhe dyshohej se ishte i armatosur, organizuan dhe finalizuan operaconin policor të koduar “Lokalizimi”.
Shtetasi në kërkim, sapo ka parë shërbimet e Policisë, është larguar me shpejtësi.
Falë ndjekjes dhe ndërhyrjes profesionale, shërbimet e Policisë kanë kapur dhe vënë në pranga shtetasin P. N., 19 vjeç, banues në Mamurras.
Në momentin e kapjes së këtij shtetasi, shërbimet e Policisë gjetën në automjetin e tij, 1 armë zjarri pistoletë me mulli dhe municion luftarak, që i posedonte 19-vjeçari.
Shtetasi P. N. ishte shpallur në kërkim pasi Gjykata, në vitin 2023, i ka caktuar masën e sigurisë “Arrest në burg”, për veprat penale “Vrasja në rrethana cilësuese”, mbetur në tentativë dhe “Armëmbajtja pa leje”.
Më datë 25.03.2023, në Kurbin, shtetasi P. N. dyshohet se ka qëlluar me armë zjarri në drejtim të baneses së shtetasve K. N dhe E. N.
Në vijim të veprimeve procedurale janë sekuestruar në cilësinë e provës materiale, arma e zjarrit, municioni luftarak, automjeti me të cilin lëvizte ky shtetas dhe një celular.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.
Drejtuesi politik i qarkut Fier, Taulant Balla , ne nje deklarate per mediat ka reaguar ne lidhje me protesten e sotme te fermereve te luleshtrydhes ne Kafaraj duke iu bashkuar shqetesimit te tyre. Balla ka shpjeguar se kjo situate ka ardhur si shkak i deziformimit te disa mediave e portaleve te vendeve fqinje per te prishur imazhin e cilesise se produkteve shqiptare teksa u ka bere thirrje kultivuesve qe ne kete periudhe te shmangin perdorimin e pesticideve per te patur prodhim teresisht bio.
Nderkohe Balla ka injoruar deklaratat e kreut te PL – se Ilir Meta , persa i perket procesit te anetaresimeve te reja ne Partine Socialiste qe i ka kinsideruar si “ nje milione pemet e pyllit orbital ne Tirane, ku ka thene se pergjigjen do ta marre ne rezultatet e zgjedhjeve te 2025- es.
Balla gjithashtu ka hedhur poshte dhe deklaratat e kreut te demokrateve greke Loverdhos i cili pas vizites se Bejlerit ne burgun e Fierit u shpreh se ne Shqiperi nuk ekziston ligji dhe se vendi yne nuk ka asnje shans per tu pjese e Bashkimit Europian. “ Eshte nje keqardhje e madhe politizimi deri ne kete nivel i procesit gjyqesor dhe ju e dini fare mire qe ne nuk i komentojme ne asnje rast vendimet e gjyqesorit pasi drejtesia e re kerkon mbeshtetje dhe do ua japim gjithmone” ka thene nder te tjera Balla.
Keto deklarata Ministri Brendeshem dhe drejtuesi politik i PS Qarkut Fier Taulant Balla i ka bere pas ceremonise se rivitalizimit te bustit te ish futbollistit te Apolonise dhe Kombetares Kujtim Majaci
Policia greke ka vënë në pranga një shtetas shqiptar, i cili dyshohet se në 8 shkurt ka hapur zjarr ndaj efektivë të skuadrës “DIAS” të policisë greke. Ngjarja atëherë ndodhi në rrugën Paiania-Makropoulo, ku policia tentoi të ndalonte një automjet por drejtuesi nuk i’u bind urdhrit duke hapur zjarr. Policia u kundërpërgjigj me të shtëna por nga përplasja nuk pati dëme në njerëz.
Ngjarja në fakt lidhej me tentativën e vjedhjes së kompanisë “ALYKON” në të njëjtën ditë, kompani e cila ishte tentuar të vidhej edhe në 13 janar. Pas ngjarjes së 8 shkurtit, pranë kompanisë polica gjeti automjetin e shtetasit shqiptar S. Sinaj, 20 vjec dhe brenda tij patentën e babait të tij, shtetasit Andon Sinaj, 51 vjec nga Vlora. Pikërisht tek këta shtetas u ngritën dyshimet dhe u zhvilluan hetime.
Pas analizimit të pamjeve filmike, dëshmive dhe hetimeve të tjera të zhvilluara këtë periudhë, u arrit të identifikohej si autor i tentativës së vrasjes së efektivëve të policisë, vjedhjes dhe tentativës së vjedhjes pikërisht 51 vjecari Andon Sinaj. Të enjten policia ka ushtruar kontroll në banesën e tij dhe në një servis makinash që ka në pronësi në Paiania të Athinës. Gjatë kontrollit të servisit u gjetën 4 kamera që filmonin një rrugë publike, një shkop dhe një xhaketë që rezulton se e kishte veshur gjatë ngjarjes. Në banesën e tij u gjetën dhe sekuestruan 5.5 gram marijuanë dhe një kapuc që rezulton se e ka veshur gjatë përplasjes me policinë. Gjithashtu rezulton se në momentin e arrestimit ai mbante veshur rrobat që kishte edhe gjatë përplasjes me policinë.
Andon Sinaj sipas policisë greke konsiderohet me rrezikshmëri, pasi jo vetëm ka hapur zjarr me pistoletë ndaj policisë, por në të shkuarën ka qëlluar më armë edhe ndaj një personi tjetër pa arritur ta dëmtojë ndërkohë që rezulton i dënuar më parë me 12 vjet burg për cështje droge. Pas daljes nga burgu ishte urdhëruar deportimi i tij, por rezulton se ai vazhdonte të qëndronte në Greqi pa dokumentacionin e nevojshëm.
Gjatë marrjes në pyetje ai nuk i ka pranuar ngjarjet në kompaninë “ALYKON” dhe përplasjen me armë me policinë greke.
Një sherr brutal është regjistruar në Rodos të Greqisë. Pas konfliktit verbal, të rinjtë kanë përshkallëzuar sherrin në përdorimin e thikave. Si pasojë e ngjarjes është plagosur një 25-vjeçar. Autorët janë dy të rinj me origjinë nga Shqipëria.
Në fillim ka pasur një sherr verbal mes 25-vjeçarit dhe një 17-vjeçari shqiptar, por më pas situata ka agravuar në plagosje. Si pasojë e sherrit festimet për karnavalet u ndërprenë. I plagosuri nuk është identifikuar ende për mediat greke.Dy shqiptarët ende të paidentifikuar janë vënë në pranga, ndërsa i plagosuri është transportuar në spital. Policia ka nisur hetimet dhe po punon për të zbardhur shkaqet e konfliktit.
Ish-kryebashkiakja e Patosit ka përfunduar në dyert e SPAK. Rajmonda Balili është nën akuzën për abuzimin me tenderat në kohën kur ishte kryebashkiake e Patosit.
Balili ka bërë një deklaratë për mediat, ku është shprehur se nuk është dakord me pezullimin nga detyra, teksa u shpreh se ka ardhur vetë të njihet me hetimet.
Rajmonda Balili: Nuk kam qenë në shqipëri kur është dhënë masa. Kam ardhur vetë të njihem me hetimet. Jam marrë në pyetje më parë. Nuk mund ta them nr sa tendera ka marrë pjesë “Genti 001” dhe ç’problem ka. Ato kanë qenë baza materiale. Do t’i përgjigjem drejtësisë patjetër, nuk jam dakord me pezullimin nga detyra”
Ajo është pezulluar nga detyra si prefekte e qarkut Fier me vendim të GJKKO. Gjithashtu Balili akuzohet edhe për favorizim të një kompanie në dy raste. Ish-kryebashkiakja a bashkëpunuar me 6 zyrtarë të bashkisë gjatë kohës që ajo e drejtonte.
