Prokurori Klodian Braho zgjidhet kryetar i SPAK me 7 vota të anëtarëve të KLP.

Kandidati tjetër Adnan Xholi mori 3 vota. 1 votë shkoi për Elvin Gokaj. Ndërsa Doloreza Musabelliu nuk mori asnjë votë.

Por kush është prokurori i posaçëm Braho?

Klodjan Braho u lind në Skrapar më 21 korrik 1982. Në vitet 2000-2004 kreu studimet në Fakultetin e Drejtësisë dhe në 2005-2008 studioi në Shkollën e Magjistraturës. Ai mori emërimin më 14 nëntor 2007.

Ka pasur këto detyra:

14.11.2007-2012/ Prokuror pranë Prokurorisë pranë Gjykatës së Rrethit Gjyqësor Berat.

2012-2015/ Prokuror pranë Prokurorisë së Gjykatës së Rrethit Gjyqësor Vlorë.

2014-2015/ Zv.drejtues i Prokurorisë pranë Gjykatës së Rrethit Gjyqësor Vlorë.

2015-19.12.2019/ Prokuror në Prokurorinë pranë Gjykatës së Shkallës së Parë për Krimet e Rënda Tiranë.

Nga 19 dhjetori 2019  dhe aktualisht është prokuror pranë Prokurorisë së Posaçme kundër Korrupsionit dhe Krimit të Organizuar (SPAK).

GJKKO ka liruar nga qelia ish-ministrin e Mjedisit, Lefter Koka.

Ish-ministri i Mjedisit, Lefer Koka është liruar nga burgu pas 4 vjetësh i arrestuar per aferen e inceneratorëve. GJKKO shoi masën e sigurise arrest me burg për inceneratorin e Fierit.

Për dënimin për inceneratorin e Elbasanit Koka ka fituar lirinë me kusht nga Gjykata e Durrësit ndërsa për dënimin per incenerarorin e Tiranes e ka shlyer dënimin me kohën e paraburgimit.

Për inceneratorin e Fierit çështja është kthyer për rigjykim në Apel nga Gjykata e Lartë.

Kreu i grupit parlamentar të PS-së, Taluant Balla ka qenë i ashpër me demokratin Flamur Noka, pasi ky i fundit e ofendoi me fjalën ‘injorant’. 

Balla: Sot dalim para shqiptarëve me një buxhet dhe plot të mira, për ata që na kanë dhënë nderin që të qeverisim si shumicë. Edhe ju sot keni një seancë të rëndësishme, por serioziteti i kauzave që ju keni marrë dhe i lini rrugëve e tregon. Sot ka një debat të rëndësishëm për raportin e OSBE-ODIHR-it për zgjedhjet. Ju talleni me kauzat që nisni, me kërkesën tuaj për të bërë një mocion me debat për zgjedhjet. Thatë; lepurit! Po pse ne kemi firmosur. Ku është ky, të të fyejë ky që është i vetmi flamur, që nuk e di se kur është ngritur flamuri, është fundi! Ai tha; këta i ka bindur Ervin Salianji. Edhe hallin e brendshëm të Partisë tuaj na e sollët këtu.

 aksident ka ndodhur mëngjesin e sotëm në aksin Fier- Levan në vendin e quajtur “Kthesa e Azotikut”.

Paraprakisht mësohet se një autobus që udhëtonte në drejtim të Vlorës është përplasur me një automjet tip “ Audi” i cili ka përfunduar në kanalin anësor të rrugës, por fatmirësisht pa të lënduar.

Në vendngjarje kanë shkuar menjëherë shërbimet e policisë dhe grupi hetimor të cilët po punojnë për përcaktimin e shkaqeve të këtij aksidenti dhe disiplinimin e trafikut.

Tirana renditet mes qyteteve europiane me trafik të dendur sipas indeksit të Numbeo-s, duke reflektuar motorizimin e lartë, rritjen e popullsisë dhe ngarkesën e qarkullimit në kryeqytet.Tirana në vendin e 49-të në Europë, me 39 minuta pritje në trafik

Trafiku mbetet një nga sfidat kryesore urbane, sidomos në qytetet me popullsi të dendur, numër të lartë turistësh dhe aktivitet intensiv ekonomik. Sipas Indeksit të Trafikut të Numbeo-s, që mat kohën e udhëtimit, pakënaqësinë me lëvizjen, emetimet e CO₂ dhe efikasitetin e qarkullimit, Tirana pozicionohet në vendin e 49-të ndër 129 qytete të Europës.

Kryeqyteti shqiptar regjistron 123 pikë në indeks dhe rreth 39 minuta kohë pritjeje për lëvizje brenda qytetit, duke e renditur mes zonave me trafik të konsiderueshëm. Ky nivel lidhet ngushtë me rritjen e shpejtë të popullsisë, shtimin e fortë të automjeteve dhe ritmet e larta të urbanizimit.

Krahasimi me rajonin: Tirana e dyta pas Beogradit

Ndër vendet e rajonit, trafiku më i rënduar regjistrohet në Beograd, që kryeson me 136.9 pikë, ndonëse koha mesatare e pritjes është 37 minuta. Tirana vjen e dyta, ndërsa situata shfaqet më e lehtë në qytetet e tjera të Ballkanit.

Shkupi dhe Sarajeva shënojnë indekse dukshëm më të ulëta, përkatësisht 97.2 dhe 94.7 pikë, me rreth 30 minuta pritje në trafik. Të dhënat tregojnë se kryeqyteti shqiptar përballet me ngarkesë shumë më të lartë se mesatarja rajonale.

Cilat qytete europiane kanë trafikun më të rënduar?

Sipas indeksit, qytetet me trafikun më problematik në Europë janë Krasnodar dhe Moska në Rusi, që kryesojnë për nivelin e lartë të vonesave dhe mbingarkesës. Pas tyre renditen qytete si Napoli dhe disa qendra urbane në Rumani, që gjithashtu përballen me problematika të theksuara të qarkullimit. Londra renditet në 10-shen e parë, duke reflektuar sfidat e një metropoli me dendësi të lartë dhe fluks shumë të madh lëvizjesh.

Vendet me trafikun më të lehtë në Europë

Në krahun tjetër të renditjes qëndrojnë qytete me sisteme më efikase të qarkullimit, si Viena, Banja Luka, Spliti dhe Tartu në Estoni. Këto qendra shquhen për menaxhim më të mirë të trafikut dhe infrastrukturë të adaptuar për flukse më të moderuara automjetesh.

Scan