Sektori për Hetimin e Krimeve Ekonomike dhe Financiare i DVP Fier referoi materialet në Prokurori ku nisi procedimi penal për shtetasit A. K., 45 vjeç, banues në Patos, E. K., 56 vjeç, banues në Lushnjë dhe E. M., 36 vjeç, banues në Fier, pasi gjatë kontrollit në automjetet që këta shtetas drejtonin, u gjetën mallra të ndryshme që dyshohet se po i tranportonin me qëllim shitjen, pa fatura tatimore.
Materialet procedurale i kaluan Prokurorisë, për veprime të mëtejshme.
Ditën e djeshme, në plazhin e Darëzezës, shtetasi Dh. D., 72 vjeç, në momentin që ka rënë në kontakt me ujin, dyshohet se ka pësuar arrest kardiak dhe për pasojë ka humbur jetën.
Grupi hetimor po punon për dokumentimin ligjor të këtij rasti.
Komisariati i Policisë Fier arrestoi shtetasin S. K., 40 vjeç, banues në fshatin Kallm i Vogël, pasi ka ushtruar dhunë ndaj bashkëshortes së tij. Grupi hetimor po punon për dokumentimin ligjor të këtij rasti.
Pas ndryshimeve në qeveri, kryeministri Edi Rama u nis me pushime në jug të vendit.
Teksa po pushon në vilën qeveritare në Dhërmi, Rama është parë mbrëmjen e djeshme në vendlindjen e nënës së tij, fshatin Vuno.
Siç shihet edhe në foton e mëposhtme, Rama ecën zbathur në kalldrëm e më pas ndalon për të pirë kafe në qendër të fshatit. Ndërsa personat e tjerë janë kthyer dhe shohin me habi paraqitjen e kryeministrit.
Kujtojmë se në përditshmëri, qoftë brenda apo jashtë vendit, edhe kur ka takime me liderët botërorë, Rama vesh atlete, apo këpucë speciale, për të cilat ka thënë se i duhen sepse ka probleme me mesin.
Qendra e pritjes së emigrantëve në Lezhë pothuajse është gati dhe nga Italia konfirmohet se 20 gushTi do jetë data kur vjen kontingjenti i parë.
Por stafi që do shërbejë aty, duke përfshirë edhe ata që do punojnë në kuzhinë apo si sanitarë përveç policëve, do ketë edhe rregullore strikte, që cilësohet edhe si “surreale”.
Dhe një prej tyre është “shmangia ndaj kurthit prej grave” dhe në këtë rast ndaj atyre shqiptare që mund të punojnë aty, por edhe jashtë qendrës. Mund të quhet edhe një kod etike.
Sepse “një burrë që sheh gruan e tij duke u ballafaquar nga një burrë tjetër, mund të reagojë keq!”. Por jo vetëm kaq, sepse teksa shqiptarët cilësohen një “popull modest”, “lakuriqësia apo veshja jo e mirë në publik nuk është e mirëseardhur”,shkruan La Repubblica. Pra një kod etike edhe për veshjen, përveç sjelljes morale.
Dhe rregullorja për efektivët që do vijnë në Shëngjin dhe Gjadër (Vademecum), përmban konkretisht në katërmbëdhjetë pika.
45 oficerët e parë të policisë italiane morën pjesë në kursin e planifikuar dhe presin të nisen drejt Shqipërisë në datën 20 Gusht, teksa do pasohen edhe nga të tjerët. Në total 500 policë, karabinierë dhe oficerë të Guardia di Financa.
Kontigjenti i parë fillimisht për të monitoruar burgun e vogël të zbrazët që po ndërtohet aktualisht në Gjadër dhe më pas emigrantët e paligjshëm.
Por bien në sy edhe pika të tjera në rregullore dhe mesa duket, shqetësimi është se prania e forcave të rendit italian mund të shkaktojë disa fërkime. Aty u tregohet agjentëve italianë se si duhet të sillen në bar dhe restorant.
“Konsumimi i kafes nuk është në banak, por vetëm ulur, në restorante përmbajuni menusë, kërkesat për ndryshime nuk janë të mirëpritura”. Dhe, në fund, rekomandimi i rekomandimeve: “Kini kujdes se si flisni… pothuajse të gjithë shqiptarët dinë italisht!”.
Sekretari i Përgjithshëm i Policisë së burgjeve të UIlpa, Gennarino De Fazio, është shumë kritik për metodat jotransparente, me të cilat u identifikuan 45 të parët e kontingjentit, duke bërë krahasime mes gjendjes në paraburgimet italiane dhe atyre që po ndërtohen në Shqipëri.
Rreth orës 07:00, në fshatin Shalës, Konispol, dyshohet se gjatë një konflikti për motive të dobëta, në banesë, shtetasi H. I., 69 vjeç, ka vrarë me mjet prerës (dyshohet sëpatë) bashkëshorten e tij, shtetasen Sh. I., 66 vjeçe.
Më pas, shtetasi H. I. dyshohet se është konfliktuar me djalin e tij, shtetasin K. I., rreth 40 vjeç, i cili e ka shtyrë shtetasin H. I. nga shkallët e banesës. Si pasojë e dëmtimeve, shtetasi H. I. ka humbur jetën në vendngjarje.
Shërbimet e Stacionit të Policisë Konispol, pas njoftimit të marrë, kanë shkuar menjëherë në vendngjarje ku kanë bërë të mundur kapjen dhe shoqërimin në ambientet e Policisë të autorit të dyshuar, shtetasit K. I.
40-vjeçari ndodhet në polici, ku po jep sqarimet e tij për ngjarjen. Kujtojmë se ngjarja e rëndë ndodhi rreth orës 07:00, në fshatin Shalës. Huso Islamaj akuzohet se ka vrarë me sëpatë gruan e tij, Shano Islamaj. Policia po heton rreth ngjarjes.
Grupi hetimor ndodhet në vendngjarje dhe, nën drejtimin e Prokurorisë, po punon për sqarimin e plotë të rrethanave të ngjarjes.
Ashtu siç u bë e ditur dhe më herët, është shtyrë hapja e kampit në Gjadër, ku do të strehohen emigrantë që do dërgohen nga autoritetet italiane.
Ky fakt është bërë i ditur sot përmes një artikulli në ‘La Repubblica’. Kjo e fundit ka publikuar këtë të martë një artikull, ku bën me dije se kontingjenti italian që do të menaxhojnë qendrat e emigrantëve, do të mbërrijë në Shqipëri më 20 gusht.
Ndonëse hapja e kampit në Gjadër ishte parashikuar të ndodhte në fillim të muajit gusht, La Repubblica raporton se hapja e kampit do të bëhet e mundur në fund të këtij muaji dhe në fillim të shtatorit, pavarësisht deklaratave të kryeministres Meloni në prani të homologut të saj, Edi Rama.
Mes të tjerash media italiane ka publikuar edhe një dokument mbi trajnimin që iu është bërë personave që do të menaxhojnë burgun prej 20-vendesh për emigrantët në Gjadër. Në këtë rregullore përcaktohet edhe mënyra se si do të vishen punonjësit dhe deri te pirja e kafesë.
Për të përmbushur nevojat e tregut në rritje, vendi ynë ka zgjeruar ndjeshëm kanalet e importit, siç konfirmohet nga të dhënat zyrtare për tregtinë e jashtme. Gjatë 6-mujorit të parë të këtij viti, importet e zarzavateve janë rritur me 43.5%, ndërsa importet e frutave janë rritur me 31.1% krahasuar me të njëjtën periudhë të vitit të kaluar.
Kjo tregon një intensifikim të konsiderueshëm të importeve të frutave duke sfiduar kështu prodhimin vendas. Nga ana tjetër, INSTAT raporton se eksporti i frutave në sasi për periudhën janar-qershor 2024 është rritur me 63.4%, por në vlerë është zvogëluar me 10.21%.
Një analizë e të dhënave historike që nga fillimi i këtij viti tregon se sasia më e lartë e importit të zarzavateve u regjistrua në muajt shkurt dhe mars. Në të kundërt, importet e frutave arritën kulmin në mars të këtij viti, një periudhë kur edhe sezoni i prodhimit vendas ka nisur. Gjatë marsit, importuam 49% më shumë fruta në krahasim me të njëjtën periudhë të vitit të kaluar. Krahas importeve Scan Intel ka analizuar shifrat për të kuptuar edhe mbi situatën e eksporteve për këto dy kapituj.
Gjatë gjashtë muajve të parë të vitit eksportet për frutat dhe arrat e ngrënshme arritën në 1.9 mld lekë ose 10.2% më shumë se një vit më parë. Ndërsa, po në të njëjtën periudhë u eksportuan 7.8 mld lekë zarzavate ose 4% më pak se në gjashtë mujorin e vitit 2023.
Por çfarë e shtyn vendin tonë drejt prodhimit të jashtëm? Përveç efektit të emigracionit në zonat rurale dhe mungesës së fuqisë punëtore, edhe turizmi po nxit rritjen e kërkesës për produkte ushqimore, duke orientuar vendin tonë drejt tregut të jashtëm për të përmbushur kështu kërkesen e shtuar konsumatore.
