Drejtoria Vendore e Policisë Fier

Lushnjë/Më datë 06.08.2024, rreth orës 23:40, në fshatin Zhymë, shtetasi E. K., 29 vjeç, duke drejtuar automjetin, dyshohet se ka humbur kontrollin dhe për pasojë automjeti ka dalë nga rruga.

Nga dëmtimet e marra, shtetasi E. K. ka humbur jetën.

Grupi hetimor po punon për sqarimin e plotë të rrethanave të aksidentit.

Një aksident i rëndë ka ndodhur në aksin Lushnjë-Fier në orët e para të mëngjesit, me pasojë një të vdekur.

Mësohet se një makinë e marrë me qira ka përfunduar jashtë rruge, në Krutje, vendi i quajtur “Sheshpushimi i shoferit”.

Fillimisht mjeti është përplasur me një shtyllë elektrike dhe më pas me një strukturë betoni e muri anësor të një kanali aty pranë.

Viktima është shoferi i mjetit, i cili është ende i paidentifikuar.

Të tjera detaje kanë dalë në dritë nga tragjedia e dyfishtë e ndodhur mëngjesin e së martës në fshatin Shalës të Konispolit.

69-vjeçari Hysen Islamaj u konfliktua verbalisht dhe qëlloi disa herë me sëpatë bashkëshorten e tij Shano Islamaj, 66 vjeçe, e cila humbi jetën për shkak të plagëve të marra.

Pas ngjarjes së rëndë, djali Klementin Islamaj ka shkuar në banesë dhe në pjesën e shkallëve është konfliktuar me babanë e tij 69-vjeçar, ku dyshohet se e ka shtyrë nga shkallët, duke gjetur vdekjen e menjëhershme.

Sipas dëshmisë së 40-vjeçarit, ai nuk ka dashur ta vrasë të atin.

“Nuk doja ta vrisja, ishte ngjarje aksidentale”, mësohet të këtë thënë para oficerëve 40-vjeçari.

Mësohet se Hysen Islamaj njihej si një njeri problematik dhe se kishte pasur konflikte edhe me banorë të tjerë të fshatit.

Detaje të reja kanë dalë nga krimi i rëndë që ndodhi në Konispol mëngjesin e së martës. 
Viktimat e ngjarjes së Shalësit në Konispol do t’i nënshtrohen ekspertizës mjeko-ligjore në Tiranë.
Mësohet se pasi janë dërguar si fillim në morgun e spitalit të Sarandës, trupi i Hyso Islamajt, 69 vjeç dhe i Shano Islamajt u transportuan me ambulancë në mjekësinë ligjore në Tiranë. 

Siç raportoi edhe policia, në sherr e sipër 69-vjeçari dyshohet se ka vrarë me sëpatë bashkëshorten e tij, duke i shkaktuar asaj vdekjen e menjëhershme. Sakaq, pasi u njoftua për krimin e rëndë, djali i tij ka nisur të zihet me të moshuarin dhe më pas e ka hedhur nga shkallët.

69-vjeçari me iniciale H. I., vrau me sëpatë bashkëshorten e tij, Sh. I., 66 vjeçe. Më pas autori është konfliktuar me djalin e tij, shtetasin K. I., rreth 40 vjeç, i cili e ka shtyrë nga shkallët e banesës. Si pasojë e dëmtimeve, 69-vjeçari ka humbur jetën në vendngjarje.

Për ngjarjen e rëndë është arrestuar djali 40-vjeçar me iniciale K.I., teksa po verifikohen motivet e krimit të rëndë.

I dyshuari pas arrestimit po merret në pyetje dhe prokuroria do klasifikojë më tej edhe veprën penale, nëse do ta ngrejë akuzën për vrasje me dashje apo në rrethana aksidentale.

Raportohet se ka qenë mbesa e 40-vjeçarit, ajo që ka marrë në telefon babain e saj dhe i ka thënë se gjyshi vrau gjyshen. E gjithë ngjarja e rëndë ka ndodhur në praninë e vajzës.

Një makinë ka shpërthyer në flakë mesditën e sotme në qafën e Kalasë në qytetin e Beratit.

Automjeti, tip ‘Peugeot’, me targa AA 381 AB, i marrë me qira nga disa turiste, ka shpërthyer në flakë në pjesën e përparme të tij.

Fatmirësisht 4 pasagjeret që ndodheshin në brendësi të mjetit kanë arritur të dalin në kohë nga mjeti, duke mos marrë lëndime, ndërsa raportohen vetëm dëme materiale.

Pas marrjes së informacionit, forcat zjarrfikëse të Beratit kanë mbërritur në vendngjarje, duke bërë të mundur shuarjen e flakëve, ndërkohë që kjo situatë krijoji për rreth 30 minuta një kaos tek banorët e zonës dhe tek turistët e huaj, pasi zona ky ndodhi ngjarja është një nga atraksionet më të vizituara në qytetin e Beratit.

Një aksident është regjistruar sot në Durrës. Ngjarja ndodhi në lagjen 16, rruga Vllazërimi. 

Mesohet se një makinë që ishte me urgjencë, ndërsa brenda kishte një fëmijë të sëmurë, ka kaluar me semafor të kuq, ndërsa është përplasur me një furgon.

I mituri është dërguar në spital ndërsa nga përplasja e mjetit, janë dëmtuar dhe disa makina të tjera që ishin të parkuara.