Greqi/ Po kalonte autostradën, 75-vjeçarja shqiptare tërhiqet zvarrë nga makina dhe humb jetën

Një grua me origjinë shqiptare ka humbur jetën në Greqi, pasi u përpals nga një makinë.Një grua me origjinë shqiptare ka humbur jetën në Greqi, pasi u përpals nga një makinë.Sipas Protothema, bëhet fjalë për një 75-vjeçare, e cila u tërhoq zvarrë nga një makinë teksa po tentonte të kalonte Autostradën e Kombit.E moshuara kishte udhëtuar nga Kos për të vizituar një të afërm në Alissos, në Greqi.Aksidenti ka ndodhur në orën 05:40 të mëngjesit, ndërsa shkaqet e ngjarjes tragjike janë duke u hetuar nga policia. 

Makina me 2 shtetas te huaj bie në Kanalin e Butrintit

Një tjetër automjet ka përfunduar sot në ujërat e Kanalit të Butrintit, duke shënuar rastin e dytë brenda 8 ditësh. Ngjarja është shënuar rreth orës 05.00, kur një automjet i marrë me qera që vinte nga kufiri, ka humbur kontrollin dhe ka përfunduar në Kanalin e Butrintit në afërsi të fshatit Vrinë.

Nga burime paraprake bëhet me dije se kanë qenë dy persona brenda në mjet, të cilët kanë mundur të dalin me not pa dëmtime. Policia e Sarandës është ndodhur menjëherë në vendin e ngjarjes ku ka nisur hetimet. Sipas policisë mjeti që ka rënë ka qenë tip “Fiat” me targa AA 459 RL me drejtues shtetasin e huaj Patryk Sajnog.

Ai i është nënshtruar testit të alkoolit ku herën e parë ka rezultuar në masën 0.906 mg/l dhe më pas 0.894 mg/l. Gjithashtu ai rezulton pa leje drejtimi. Për këtë arsye është arrestuar nga policia. Disa orë më pas automjeti është nxjerre me vinç nga uji.

Vritet me 5 plumba shqiptari në Francë/ Plagoset rëndë i biri 24-vjeç 

Një ngjarje e rëndë është shënuar në lagjen Teisseire të Grenoble, Francë të dielën. Një shqiptar i armatosur me pistoletë hapi zjarr mbi një grup prej tre personash, edhe këta shqiptarë. Viktimë nga ngjarja ka mbetur Ylli Bezhani 47 vjeç i cili ka marrë 5 plumba në trup.

I biri 24-vjeçar i viktimës dhe nipi 21 vjeç së bashku me një tjetër shqiptar mbetën të plagosur rëndë.Ngjarja ndodhi pak para orës 20:00 në një zonë të qetë të qytetit, rreth 100 metra larg nga kryqëzimi me Avenue Paul-Cocat.

Autori i cili lëvizte me një skuter elektrik hapi zjarr drejt shqiptarëve. Ai shkarkoi karikatorin e tij drejt tyre dhe më pas u largua menjëherë. Policia është në kërkim të tij por deri më tani nuk ka asnjë informacion.

Bezhani humbi jetën për shkak të plagëve të marra. Djali i tij 24-vjeçar ndodhet gjithashtu në gjendje kritike për jetën.

Prokurori i Grenoble, Eric Vaillant, njoftoi se është hapur një hetim për “vrasje” dhe “tentativë vrasjeje”.

I dënuar për drogë, vritet me thikë shqiptari në Itali

Një shtetas shqiptar i identifikuar si Dritan Idrizi, ka humbur jetën pas një sulmi me thikë në zemër.

Sipas mediave italiane, viktima quhej Dritan Idrizi , me origjinë shqiptare, 38 vjeç, i dënuar më parë për drogë.

I armatosur me shkopinj dhe së bashku me 2 bashkatdhetarë të tjerë, ai shkoi në shtëpinë e një shqiptari të katërt për të larë hesapet dhe për të mbledhur mijëra euro për punë.Njëri nga grupi duket se ka goditur banoren në kokë, ndoshta me çekiç, më pas një person i armatosur me thikë ka goditur Idrizin me tre goditje në gjoks.

Ende nuk është identifikuar personi që ka marrë plagën me thikë.

Shfaqet virusi i ri vdekjeprurës që po alarmon planetin tone! OBSH organizon takimin urgjent

Shefi i Organizatës Botërore të Shëndetësisë Tedros Adhanom Ghebreyesus thirri të mërkurën një takim “urgjent” të ekspertëve ndërkombëtarë mes rasteve në rritje të variantit më vdekjeprurës të virusit Mpox në vendet afrikane.

Sipas raporteve, ky variant shumë virulent i virusit Mpox mund të infektojë më shumë individë në më pak kohë, duke e bërë atë një shqetësim global për ekspertët e OBSH-së.


Duke pasur parasysh situatën aktuale në vendet afrikane, drejtori i përgjithshëm i OBSH-së Tedros Adhanom Ghebreyesus tha: “Në dritën e përhapjes së Mpox jashtë DRC dhe potencialit për përhapje të mëtejshme ndërkombëtare brenda dhe jashtë Afrikës, unë kam vendosur të mbledh një komitet urgjence. sipas Rregulloreve Ndërkombëtare të Shëndetit për të më këshilluar nëse shpërthimi përfaqëson një emergjencë të shëndetit publik me shqetësim ndërkombëtar.”

Çfarë është virusi Mpox?

Virusi Mpox, i njohur gjithashtu si lija e majmunit, është një sëmundje virale që shkakton vlime të dhimbshme të lëkurës, përveç temperaturës, dhimbjes së kokës dhe dhimbjeve të muskujve. Virusi përhapet nga një individ në tjetrin përmes kontaktit të ngushtë dhe lëkurë me lëkurë. Mund të transmetohet edhe nëpërmjet pikave të infektuara të frymëmarrjes gjatë teshtitjes dhe kollitjes.

Mpox është sjellë nga virusi mpox, i cili i përket gjinisë Orthopoxvirus, njëlloj si virusi i lisë . Virusi është zoonoz, që do të thotë se përhapet nga kafshët te njerëzit. Ai përhapet kryesisht përmes kontaktit me kafshët dhe primatët e infektuar, në Afrikë. Për më tepër, kontakti i ngushtë me individë të infektuar ose materiale të kontaminuara mund të rezultojë në transmetim nga njeriu te njeriu.

Cila është periudha e inkubacionit të këtij virusi? Virusi Mpox është një sëmundje ngjitëse që mund të zgjasë nga 2 deri në 4 javë. Megjithatë, simptomat fillojnë të shfaqen brenda 24-48 orëve pas infektimit.

Përhapja aktuale e Mpox në Republikën Demokratike të Kongos ka parë tashmë rreth 27,000 raste dhe ka marrë më shumë se 1,100 jetë, shumica prej tyre fëmijë, që nga fillimi i vitit 2023.

Shkrumbohet nga flakët makina në Baypasin e Vlorës

Një automjet është përfshirë nga flakët në Baypasin e Vlorës, mbi fshatin Radhimë. Makina ka qenë duke udhëtuar nga Orikumi në drejtim të Vlorës në momentin kur është përfshirë nga zjarri.

Dyshohet se shkak i zjarrit është bërë një shkëndijë elektrike. Në vendin e ngjarjes ka mbërritur edhe zjarrfikësja.

Ç’fare ka ndodhur ne Fier ne 24 oret e fundit, njoftim i Policise

Drejtoria Vendore e Policisë Fier

Stacioni i Policisë Patos arrestoi shtetasin e shpallur në kërkim E. T., banues në Patos, pasi Gjykata e Fierit e ka dënuar me 10 muaj burgim, për veprat penale “Dhuna në familje”, “Veprime në kundërshtim me vendimin e Gjykatës” dhe “Largimi i të burgosurit nga vendi i qëndrimit”.    

Komisariati i Policisë Fier referoi materialet në Prokurori ku nisi procedimi penal për shtetasit:  

-A. Ll., 47 vjeç dhe R. M., 59 vjeç, të dy banues në Fier, pasi janë konfliktuar me njëri-tjetrin, për motive të dobëta;  

-A. R., 19 vjeç dhe L. B., 18 vjeç, të dy banues në Fier, pasi gjatë kontrollit të ushtruar në motomjetin pa targa, që shtetasi A. R. e drejtonte pa leje drejtimi, shërbimet e Policisë gjetën dhe sekuestruan 2 mjete prerëse (thika) që i posedonin këta shtetas. 

Komisariati i Policisë Lushnjë referoi materialet në Prokurori ku nisi procedimi penal për shtetasen V. B., 65 vjeçe, banuese në fshatin Grabjan, pasi ka kryer punime ndërtimi, pa leje, në tokën e saj.    

Policia Rrugore referoi materialet në Prokurori ku nisi procedimi penal për shtetasin A. Z., 72 vjeç, banues në Divjakë, pasi biçikleta që drejtonte është përplasur me një motomjet. Nga përplasja janë dëmtuar lehtë dy drejtuesit.  

Materialet procedurale i kaluan Prokurorisë, për veprime të mëtejshme.

Sot protesta e 20-të kundër Veliajt, kërkohet me ngulm largimi i tij

Sot në orën 11:00, pritet të zhvillohet para Bashkisë së Tiranës protesta e 20-të, e organizuar nga Aleanca për Mbrojtjen e Teatrit, ku do të jenë të pranishëm edhe përfaqësues nga PD-ja si dhe figura të njohura të artit. 

Qindra qytetarë, aktivistë dhe përfaqësues të opozitës do të kërkojnë sërish dorëheqjen e kryebashkiakut të Tiranës, Erion Veliaj.

Protestat para kësaj bashkie po zhvillohen për skandalet që kanë ndodhur në këtë institucion, siç janë afera e inceneratorëve dhe dosja “5D”, ku janë arrestuar pas hetimeve të SPAK-ut, një sërë drejtorësh. Qytetarët kërkojnë me ngulm largimin e Veliajt nga zyra dhe vënien e tij para drejtësisë.  

Edhe vetë Veliaj u mor në pyetje nga SPAK-u për aferën e inceneratorëve, ndërsa gjykata lëshoi disa javë më parë masa të tjera sigurie, me urdhër të prokurorit të posaçëm.

Ndërkohë, hetimet për inceneratorët vazhdojnë, ka shkuar në SPAK grupi i parë, janë edhe dy grupe të tjera. Fillimisht u akuzuan për korrupsion, por tashmë mbi personat e përfshirë rëndon edhe akuza e grupit të strukturuar kriminal për një aferë rreth 130 milionë euro, për një incenerator që nuk ekziston. 

Edhe pse në temperatura të larta, aktivistët për Mbrojtjen e Teatrit dhe opozita nuk tërhiqen. 
Në protestat e fundit nuk kanë munguar tensionet, përplasjet me policinë, pasi protestuesit kanë tentuar të futen brenda godinës së bashkisë.

Janë hedhur edhe flakadanë dhe shishe me benzinë, si dhe janë djegur goma. Anëtarët e opozitës në Këshillin Bashkiak të Tiranës nuk janë lejuar që të futen në institucionin e bashkisë.

Megjithatë, qytetarët kanë paralajmëruar se protestat nuk do të ndalen

1...336337338...472Faqja 337 nga 472