Plagosën me shishe qelqi në fytyrë 24-vjeçaren në një lokal në Tiranë, kërkohet Antonela Berisha dhe e motra

Një ngjarje e rëndë ka ndodhur ditën e martë në kryeqytet. Me një postim në Instagram, Klea Prenga ka ndarë disa pamje të rënda nga një sulm i papritur teksa ajo po darkonte në një restorant. Prenga thotë se dikush e goditi nga pas dhe i theu gotën në fytyrë. Pas sulmit vajza ka marrë një mesazh në telefon ku thuhej se sulmin e kishte dhuratë nga Mariela Berisha, motra e Antonela Berishës. Dyshohet se sulmi ka ndodhur pasi Prenga ka hyrë në familjen e motrës së Antonelës. Pas ngjarjes policia ka shpallur në kërkim Antonela Berishën dhe motrën e saj.

NJOFTIMI I POLICISË: 

Tiranë

Specialistët për Hetimin e Krimeve të Komisariatit të Policisë Nr. 1 kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë dhe po punojnë për lokalizimin e shtetaseve A. B., 28 vjeçe, dhe M. B., 28 vjeçe, të dyja banuese në Tiranë, për veprën penale “Plagosja e rëndë me dashje” kryer në bashkëpunim, parashikuar nga neni 88/25 i Kodit Penal.

Këty dy shtetase, në bashkëpunim me njëra-tjetrën, në ambientet e një lokali në Tiranë, dyshohet se kanë goditur me shishe qelqi në fytyrë shtetasen K. P., 24 vjeçe.

Materialet i kaluan Prokurorisë.

ISHP jep alarmin: Kujdes nga mushkonjat! Mbroni veten nga virusi i Nilit!

Instituti i Shëndetit Publik ka dalë sot me këshilla të tjera për qytetarët se si të mbrohen nga virusi i Nilit Perëndimor.

Mos harroni. Virusi i Nilit Perëndimor nuk përhapet nëpërmjet prekjes. Megjithatë respektoni masat higjeno-sanitare si më poshtë:

– Shmangni kontaktin me duar të zhveshura kur trajtoni ndonjë kafshë të ngordhur.

Nëse po hidhni një zog të ngordhur, përdorni doreza ose qese plastike për ta vendosur trupin e pajetë në një kosh plehrash.

– Ndiqni gjithmonë udhëzimet për gatimin e plotë të mishit.

Instituti i Shëndetit Publik jep alarmin: Kujdes nga mushkonjat! Mbroni

U qëllua me thikë në zemër pas sherrit, ky është shqiptari që ndërroi jetë në Itali

Një mosmarrëveshje mes familjeve me origjinë shqiptare është kthyer në tragjedi mbrëmjen e së mërkurës në Tavullia, në provincën e Pesaro Urbinos. Gjatë një debati të dhunshëm, Dritan Idrizi, 38 vjeç, u godit me thikë për vdekje. Pavarësisht përpjekjes së dëshpëruar për ta shpëtuar në spitalin Cattolica, burri vdiq për shkak të tre goditjeve në gjoks.

Përleshja shpërtheu përgjatë rrugës që lidh Tavullian me San Giovanni në Marignano, ku Idrizi, i shoqëruar nga shokë të armatosur me shkopinj dhe hekura, kishte shkuar për të zgjidhur një mosmarrëveshje financiare prej 5,000 eurosh lidhur me gjoja punë ndërtimi. Situata degjeneroi shpejt: goditjet, grushtet dhe goditjet me çekiç i paraprinë përdorimit të thikës.

Përveç viktimës, gjatë përleshjes kanë mbetur të plagosur edhe tre persona të tjerë. Për momentin nuk ka asnjë të arrestuar, por karabinierët e Pesaros po hetojnë me akuzat për vrasje, tentativë vrasje dhe plagosje të rëndë./ADN24/

Mbi 61 mijë mjete të regjistruara për herë të parë gjatë 7 mujorit, shqiptarët po blejnë në Kore

Flota e mjeteve aktive vijon të pasurohet me mjete më pak ndotëse dhe të gjeneratës së fundit. Drejtoria e Përgjithshme e Shërbimit të Transportit Rrugor (DPSHTRR) bën të ditur se gjatë periudhvs janar – korrik 2024, janë regjistruar për herë të parë 61 081 mjete, ose 45% më shumë krahasuar me 7 mujorin e vitit 2023.

Ndërkohë që për muajin korrik, regjistrohet rekord shifrash të mjeteve të regjistruar për herë të parë për vitin 2024, prej 10 724 regjistrimesh, ose 34 % më shumë krahasuar me korrik 2023.

Sipas DPSHTRR, 83% të totalit të tyre e përbëjnë autoveturat, 117% më shumë krahasuar me të njëjtën periudhë për 2019.

Shtetet kryesore të origjinës janë Italia me 18.2 %, Republika e Koresë me 17.4 %, Gjermania me 17.2 %,  Zvicra me 9.1 %, SHBA me 6.7 % dhe Kina me 5.7 %.

Gjatë kësaj periudhe rezultojnë 3 857 mjete të çregjistruara në mënyrë të përhershme, me moshë mesatare mbi 22 vjeçare.

Tragjedi në garën e CrossFit në SHBA, atleti serb mbytet pak para përfundimit.

Një ngjarje tragjike ndodhi në një garë CrossFit në Teksas, SHBA, me një atlet nga Serbia që humbi jetën pasi u zhduk nën ujë pak para vijës së finishit.Videot kanë kapur momentet e fundit të Lazar Dukiqit, i cili duket se po përpiqet të qëndrojë jashtë ujit, por nuk ia doli. Trupi i sportistit fatkeq serb është gjetur një orë pas mbërritjes së zhytësve të parë në zonë.

Ngjarja tragjike ndodhi në garën e zhvilluar në Marine Creek Lake, ku shumë komentuan negativisht faktin se për herë të parë në një garë të tillë u zgjodh noti si eventi i fundit.

Në një video, një spektator është regjistruar duke rënë në ujë për të ndihmuar Dukiqin pasi shpëtimtarët e ndeshjes duket se nuk e kanë vënë re problemin e sportistit serb.


Kreu i autoritetit organizator në një konferencë për media shprehu keqardhjen për vdekjen e Dukiqit, pohoi se ka pasur personel të sigurisë dhe shtoi se ka bashkëpunim me autoritetet në Teksas prë hetimin e ngjarjes.

Sipas biografisë së Dukiqit në faqen e internetit të eventit, serb ishte sportisti numër 3 në garën në vendin e tij dhe numri 88 në renditjen botërore.

Greqi-Rregjistrohen 8 te vdekur nga virusi i “Nilit Perëndimor”

Është rritur në 8 numri i personave që kanë humbur jetën këtë vit në Greqi për shkak të virusit të “Nilit Perëndimor”.

Në deklaratën e bërë nga Instituti Kombëtar i Shëndetit Publik Grek (EODY), theksohet se në javën e parë të muajit gusht kanë humbur jetën edhe dy persona të tjerë për shkak të virusit.

Më tej në deklaratë informohet se në të njëjtën javë janë identifikuar 22 raste dhe se rastet më të shumta janë vërejtur në rajonin Thesali.Bashkë me këto dy persona numri i vdekjeve për të shkak të virusit në vitin 2024 është rritur në 8, thuhet në deklaratën ku më tej bëhet vlerësimi se rastet do të rriten.

Opozita protestë para Bashkisë së Tiranës/ Hidhet vezë drejt godinës

Opozita po mban protestën e radhës para Bashkisë së Tiranës.Një prej protestuesve ka hedhur vezë drejt godinës.

Policia ka rrethuar bashkinë për të shmangur incidentet. Në mes të protestës ka ndodhur një incident, ku një i moshuar është larguar nga podiumi.

Greqi/ Po kalonte autostradën, 75-vjeçarja shqiptare tërhiqet zvarrë nga makina dhe humb jetën

Një grua me origjinë shqiptare ka humbur jetën në Greqi, pasi u përpals nga një makinë.Një grua me origjinë shqiptare ka humbur jetën në Greqi, pasi u përpals nga një makinë.Sipas Protothema, bëhet fjalë për një 75-vjeçare, e cila u tërhoq zvarrë nga një makinë teksa po tentonte të kalonte Autostradën e Kombit.E moshuara kishte udhëtuar nga Kos për të vizituar një të afërm në Alissos, në Greqi.Aksidenti ka ndodhur në orën 05:40 të mëngjesit, ndërsa shkaqet e ngjarjes tragjike janë duke u hetuar nga policia. 

1...335336337...471Faqja 336 nga 471