Inflacioni i përgjithshëm për muajin Shkurt rezultoi 1.9%, sipas publikimit më të fundit të INSTAT. Një nga kategoritë që ka shënuar rritjen më të lartë është ajo e produkteve “Qumësht, djathë dhe vezë”, e cila renditet ndër sektorët kryesorë mes grupit të ushqimeve me një normë inflacioni prej 2.8%. 

Megjithatë, krahasuar me të njëjtën periudhë të një viti më parë, kjo kategori ka shënuar një rënie prej 2.1 pikë përqindje, pasi në shkurt të vitit 2023 inflacioni për këtë grup produktesh ishte 4.9%.

Ndërkohë, sipas të dhënave të Eurostat, çmimi i qumështit në vendet e Bashkimit Europian ka pësuar një rritje të ndjeshme. Në tremujorin e fundit të vitit 2024, çmimet e qumështit në BE u rritën mesatarisht me 15.3%, krahasuar me të njëjtën periudhë të vitit 2023. Rritjet më të mëdha u regjistruan në Irlandë (+43.7%), Lituani (+33.2%), Belgjikë (+30.8%) dhe Suedi. 

Por si ka qenë trendi në Shqipëri? 

Të dhënat tregojnë se edhe në vendin tonë çmimi i qumështit ka pësuar ndryshime gjatë tremujorit të fundit të vitit 2024. Në tetor, një litër qumësht kushtonte 156.2 lekë, në nëntor çmimi u rrit lehtë në 156.4 lekë, ndërsa në dhjetor ra në 155.9 lekë.  Nga ana tjetër, nëse i referohemi sërish listës së çmimive nga INSTAT, një litër qumësht në Janar të këtij viti kushtontë rreth 155.7 lekë.

Pavarësisht rritjes së ndjeshme të çmimit të qumështit në Europë, ai vijon të mbetet më i ulët se në Shqipëri. Për tremujorin e fundit të vitit 2024, çmimi mesatar i qumështit në vendet e BE-së ishte rreth 0.53 euro për litër, ekuivalent me rreth 53.3 lekë, që është dukshëm më i ulët se çmimi në tregun shqiptar.

Viti 2025 ka nisur me një numër të lartë licencash për prodhimin e energjisë nga dielli. Sipas të dhënave zyrtare nga Enti Rregullator i Energjisë, në total për 2 muajt e parë të vitit janë licencuar 9 kompani për impiante të vegjël me kapacitet deri në 3 MW. 8 nga 9 centralet e licencuar parashikohet të pozicionohen në Qarkun e Fierit. Po ashtu, është licencuar edhe një impiant i madh 100 MW, gjithashtu i parashikuar për t’u zhvilluar në Darzezë të Fierit.

Këto licenca vijnë pas atyre të vitit 2024 që shënoi dhe vlerën më të lartë nga pikëpamja e kapacitetit për aktivitetin e prodhimit të energjisë nga ky burim energjie. Në total gjatë vitit që shkoi u licencuan mbi 303 MW energji diellore për 17 kompani që tashmë kanë marrë dritën jeshile, duke rritur kapacitetin që pritet të instalohet nga ndërtimi i parqeve.

Licencat e para për prodhimin e energjisë nga dielli u dhanë në vitin 2018, për të kaluar në vitet 2019 – 2021, përgjatë të cilëve u licencuan vetëm 6 MW. Pas kësaj periudhe filloi të shënohej një rritje e ndjeshme e numrit të kompanive dhe kapacitetit të planifikuar për t’u instaluar. Sipas të dhënave zyrtare, në vitin 2022 u licencuan 15 kompani për projekte me kapacitet të instaluar të parashikuar prej 225.143 MW, ndërsa gjatë vitit 2023 u dhanë 9 licenca për një kapacitet total prej 102 MW.

Aktualisht, numërohen 62 kompani që kanë marrë licencat e tyre në aktivitetin e prodhimit të energjisë nga dielli, ndërkohë që projektet e tyre arrijë në rreth 731 MW. Dhënia e këtyre lejeve merr një rëndësi të veçantë në drejtim të diversifikimit të burimeve të prodhimit të energjisë, duke qenë se aktualisht vendi është i varur ndjeshëm nga energjia ujore.

Drejtoria Vendore e Policisë Fier

•Specialistët e Komisariatit të Policisë Fier arrestuan në flagrancë shtetasin H. P., 63 vjeç, banues në Fier, pasi dyshohet se në rrugë, ka ngacmuar seksualisht një shtetase 14-vjeçe.

•Specialistët e Seksionit për Hetimin e Krimeve Kibernetike referuan materialet në Prokurori, ku nisi procedimi penal për shtetasin A. P., 40 vjeç, banues në Fier, pasi dyshohet se ka publikuar në rrjete sociale, fotografi të ish-bashkëjetueses së tij, me mbishkrime fyese.

•Specialistët e Sektorit të Qarkullimit Rrugor referuan materialet në Prokurori, ku nisi procedimi penal për shtetasin D. P., 35 vjeç, banues në Fier, pasi në aksin rrugor “Libofshë-Fier”, automjeti që drejtonte ky shtetas, është përplasur me motomjetin me drejtues shtetasin B. B., 80 vjeç, banues në Petovë. Nga përplasja është dëmtuar 80-vjeçari, i cili ndodhet në spital, në kujdesin e mjekëve.

Materialet procedurale iu referuan Prokurorisë së Fierit, për veprime të mëtejshme.

Sot festohet Dita e Verës, një festë me origjinë të lashtë. Dita e Verës filloi të festohej masivisht në të gjithë Shqipërinë në dekadat e fundit, por rrënjët i ka në qytetin e Elbasanit.Jo vetëm rrënjët, por dhe gjithë traditat, gatimet dhe mënyra e festimit, janë ekskluzivitet i kësaj zone.

Elbasani ka meritën se ka mbajtur “gjallë” për shekuj këtë festë, dhe gjithë ritet e saj. Edhe në kohën e diktaturës, ku kjo festë pothuajse u shua në gjithë Shqipërinë, në Elbasan festohej si festa më e madhe e vitit, çdo 14 mars.

Gjithashtu një detaj i kësaj feste është edhe vendosja në dorë e “verores”, një byzylyk prej fijesh të bardha dhe të kuqe që lidhet në kyçin e dorës dhe zgjidhet kur të shihet dallëndyshja e parë.

Në disa krahina, veroret varen në degë pemësh, që dallëndyshet t’i marrin e të sjellin mbarësi.Tashmë edhe Tirana ka vite që organizon aktivitet të shumta për këtë ditë si: koncerte, panaire dhe aktivitete të tjera.

Origjina e festës i ka gjurmët në tempullin e Zanës së Malit të ndërtuar pranë lumit Shkumbin në Elbasan.

Zana ishte perëndia e gjuetisë, pyjeve dhe natyrës dhe dilte vetëm në datën 14 Mars, e cila shënonte fillimin e Verës, kjo në atë kohë njiheshin vetëm dy stinë, dimri dhe vera.

Kjo legjendë u kalua brez pas brezi dhe festivali i Ditës së Verës është i njohur për traditën dhe vlerat e veçanta kulturore. Simboli i kësaj feste është ballokumja.

Për këtë ditë te veçantë çdo familje ka recetën e saj të ruajtur ndër vite.

Më parë festohej në Elbasan, tani është bërë festë kombëtare.

Një sasi eksplozivi u vendos gjatë orëve të para të mesnatës në një bar-lokal pranë stadiumit të Lezhës.Mesohet se ngjarja ka ndodhur rreth orës 02:00 dhe fatmirësisht nu ka shkaktuar dëme në njerëz, por vetëm dëme materiale.

Menjëherë pas shpërthimit, forcat e policisë kanë mbërritur në vendngjarje dhe kanë nisur hetimet për zbardhjen e rrethanave dhe identifikimin e autorëve, të cilët ende mbeten të panjohur.

Ngjarja ka krijuar shqetësim te banorët dhe bizneset përreth, ndërsa policia po punon për të siguruar prova që mund të çojnë në zbardhjen e kësaj ngjarjeje.

Kryedemokrati Sali Berisha ka reaguar në lidhje me përgjim në burg të Erion Veliajt, ku flet për një sulm të organizuar mediatik ndaj magjistratëve Ols Dado dhe Erion Bano, teksa u përdor nga SPAK në seancën e Apelit për ta lënë në burg.Përmes një postimi në rrjetet sociale, Berisha shprehet se këto përgjime u urdhëruan nga Edi Rama dhe u zbatuan nga Ulsi Manja përmes Drejtorisë së Burgjeve.

Sipas liderit demokrat, ishte vetë Ulsi Manja i cili u investua personalisht, duke e tërhequr në një vendqendrim tjetër për të liruar dhomën për vendosjen e çimkave, si dhe i lejoi telefonin, në mënyrë që të fliste me ato që donin.

Berisha rikujton denoncimin e tij, më 19 Shkurt, se vëllai i Veliajt, Arbër Veliaj kishte ardhur nga Vjena dhe pas takimit me të vëllain në burg, kishte nisur shpërndarjen e çantave me para për mediat.

Në këtë skenar, sipas Berishës, dalin Mero Baze dhe Carlo Bollino, të cilët kanë dëshmuar në hetuesi për porositë dhe pagesat që kanë marrë nga i vëllai i kryebashkiakut, Arbër Veliaj.

Berisha e konsideron Veliajn si kurbanin e parë të Ramës për zgjedhjet e 11 Majit, për ta mbajtur PS-në edhe pas disfatës në zgjedhje.

Reagimi i plotë:

Kurthi Rama-Uluziu dhe Lal Vjedhësi – Kurbani i 11 Majit!

Në një operacion përgjimesh si në filma, në qelitë e burgut qeveritar në Durrës, u faktua se Lal Vjedhësi, siç e kisha denoncuar disa javë më parë, nga qelia, në bashkëpunim me Mjerot dhe Karlon e qeverisë, kishte montuar dhe paguar një fushatë të egër terrori mediatik kundër prokurorit Dado dhe gjykatësit Bano.

Kurthi ishte organizuar nga Edi Rama, i cili kishte urdhëruar regjistrimin e telefonatave dhe bisedave në dhomë.

Në të vërtetë, qytetari dixhital që informoi javë më parë se Lali Vjedhësi kishte thirrur nga Vjena dhe kishte ngarkuar vëllanë e tij, Arbër Velia, për të drejtuar këtë fushatë, sot njofton se përgjimi i Lali Vjedhësit është urdhëruar nga Edi Rama dhe zbatuar nga Uluzi Manja përmes Policisë së Burgjeve, e cila varet direkt nga ministri Manja, dhe askush tjetër nuk mund të vendoste përgjues në qelitë qeveritare të burgut të VIP-ave në Durrës.

Sipas tij, vetë Uluziu u investua personalisht, duke e tërhequr në një vendqendrim tjetër për të liruar dhomën për vendosjen e çimkave, sikundër është po Uluziu, që në zbatim të kurthit i lejoi telefonin, në mënyrë të fliste me ato që donin.

Po kështu, në këtë skenar dalin edhe njerëz të besuar të qeverisë, si Mero dhe Bolino. Thuhet se këta të fundit kanë dëshmuar në hetuesi për porositë dhe pagesat që kanë marrë nga vëllaçko, Arbër Velia.

Operacioni i fundosjes përfundimtare të Lal Vjedhësit u shoqërua edhe me sulmet e ashpra të Ramës ndaj Etjen Xhafës dhe videot e shpërndara ku shihet Erion Velia me çantë shpine, para arrestimit, në zyrën e Xhafës.

Si përfundim, mund të thuhet se kurbani i parë i madh i zgjedhjeve të 11 majit u ther sot, dhe se me këtë kurth, Rama siguroi postin e kryetarit të PS-së pas disfatës zgjedhore të 11 majit 2025.

Eria Ago mësohet se është e dashura e Safet Bajrit e cila u arrestua së fundmi.

Ajo akuzohet se ka gisht në vrasjen e Fatbardh Licit, i cili u ekzekutua në lagjen Kiras në vitin 2018, në afërsi të banesës së tij.

Sipas akuzave të SPAK, Ago akuzohet për përkrahjen e  autorit të krimit dhe është vendosur në pranga që më datë 26 shkurt ndërsa akutalisht raportohet se ndodhet në burgun e grave në Pogradec.
Emri i saj  nuk mbetet i panjohur për togat e zeza.
Kjo edhe pse prej kohësh ishte kthyer në një “biznesmene” dhe kishte hapur një butik rrobash në një nga zonat më të frekuentuara të Tiranës, në rrugën Myslim Shyri.
Gjtihastu ajo është përmendur edhe në përgjimet që futën në burg Hermes Nikajn, i njohur ndryshe si “Zogu i Tiranës”.
Në vitin 2020, përgjimet e Nikajt, kanë nxjerrë në skenë edhe emra të njohur të showbizit shqiptar.
Një nga protagonistet në këtë rrjet prositucioni është edhe ish-missi, Eria Ago.

Në përgjime, Ago kërkohet nga Anjeza Bena për të kryer marrëdhënie intime. Mesazhet përcillen përmes “Zogut të Tiranës”.

Biseda e përgjuar nga prokuroria:

Zogu: Hiç,do takoj një shok se nuk e kisha takuar ka kohë

Anjeza: Po do kemi ndonjë gocë, për naj sfilatë më thuaj, 1 ose 2, kemi një rast shumë të mirë, po “E” (përmend emrin e një vajze) i the ti?

Zogu: Jo nuk e kam ba hala muhabetin, ka qenë shumë e hallakatur, as nuk e kam takuar

Anjeza: Ça bëhet mo?

Zogu: Asgjo, të zakonshmet. Tërhiqe mos e këput

Anjeza: Po si të gjithë

Zogu: Si të gjithë, çfarë do bëjmë?

Anjeza: Ti s’more hala dhuratën e ditëlindjes. Ti je rehat komplet, do më kujtosh se ta kam nda parfumin

Zogu: E di, po po.

Anjeza: Po më shif noj p…,s’ka ndoj p…

Zogu: Se di ça të them shpirti jote, aman ku ti gjej

Anjeza:Po për qef o shpirt, si do njeri për hall

Zogu:E di e di, por çfarë të them unë, këto janë.

“Duke ju përshendetur të gjithëve që jeni duke lexuar këtë status dhe më gjërë. Dua të ndaj me ju një deklarate të fortë për sa i përket titujve të sotshëm në portale, në kronikën rozë dhe në shumë faqe të medha në rrjete sociale. Nuk do duhej në këto komente të tejzgjatemi në reflektim, por të mos besojmë në atë çfarë është shkruar sot mbi emrin tim, qellimit për të hedhur balte mbi figuren time publike dhe mbi moralin tim tashmë është një objektiv i deshtuar për ata gazetare apo menaxhues portalesh. Shpifja e tyre duke besuar ne ndërgjegjen tuaj dhe në pafajësinë time më bënë të ndihem mirë në këto momente. Nuk dua të shfaqem si njeri që dua të mohoj të vërtetën, por si një vajzë që vjen nga një familje e lartë dhe me plot moral, unë nuk kam pasur kurr nevoje të mbeshtetem tek një partner, si pasoje e nevojës ekonomike, sepse puna ime e palodhshme dhe kontributi i familjes time më bënë që unë të kem atë çfarë dua. Dua të theksoj që nuk mohoj njohjen me Hermesin, sepse ai ka nje lidhje miqsore me mua dhe familjen time, por vetem kaq. Duke ju përshëndetur dhe duke besuar serisht që ju keni besim në ndërgjegjen dhe në figuren time dua ta mbyll me një shprehje: Çdo moment fjalët tona janë gënjeshtra dhe vetëm veprimi ynë është e vërteta!,”-shkruante ajo.

Pas kësaj ngjarje, emri i Eria Agos u zhduk nga mediat dhe vëmendja e publikut, por la pas një sërë intervistash kur e paraqiste veten si balerinë, më pas si modele në shume sfilata mode, gjithashtu dhe figurante nëpër klipe të ndryshme muzikore. Madje kishte përfaqësuar edhe Shqipërinë në “Miss Tourism Queen 2013”. Në një nga intervistat që kishte dhënë atë kohë fliste dhe për dashurinë./ Zëri

Sipas kryesocialistit Edi Rama parimi kryesor i listës së kandidatëve lidhet me hapjen e PS.Në kuadër të kësaj filozofie hapje për të cilën këmbëngul Edi Rama janë 24 deputetë aktual nga grupi parlamentar i PS të cilët mbetën jashtë listave të hapura dhe të mbyllura mes tyre dy politikanë karriere si Petro Koci dhe Nasip Naço. Disa prej tyre sollën në sallën e Kuvendit reagimet e para.

Shumica e pjesës së mbetur nga ky grup parlamentar e gjen veten në listën e hapur me një probabilitet jo të favorshëm për të qenë në parlamentin ardhshëm..

Në këtë listë janë vendosur emra me peshë e kontribute në PS siç janë Pandeli Majko, Damian Gjiknuri, Fatmir Xhafaj,Erion Brace,Klotilda Bushka, Mimi Kodheli ,Xhemal Qeralia,Olta Xhacka, Toni Gogu, Blerina Gjylameti dhe Ermonela Felaj

Në listën finale dërguar në KQZ,  Edi Rama ka preferuar që më shumë se gjysmën e kabinetit qeverisës ta fusë në listën e mbyllur e pjesën tjetër në atë të thapur.

Ministrat Anila Denaj, Blendi Gonxhe dhe Ervin Hoxha do të duhet të luftojnë vetë nëse do të duan një vend në parlament ndryshe nga kolegët e tyre Igli Hasani, Petrit Malaj dhe Delina Ibrahimaj me vende të garantuara nga PS në listën e mbyllur.

Për herë të parë në karrierën e tij politike Taulant Balla ministër për marrëdhëniet me parlamentin dhe drejtues politik i diasporën, nuk do të garojë në qarkun Elbasan me fokus në kështjellën e tij Librazhdin. Balla është në listën e mbyllur të Tiranës, ndërsa kujdestarinë e Librazhdit e merr Bora Muzhaqi, ministre shteti për Rininë edhe ajo në listën e mbyllur të Elbasanit.

Nëse lista e PS analizohet në të 12 qarqet, qarku me ndryshim më të madh është ai i Fierit drejtuar prej Belinda Balluku. Përveç Antoneta Dhimës e gjithë lista është kompozuar me figura totalisht të reja.

Deputetët aktual të PS në Listë të Hapur

Pandeli Majko

Damian Gjiknuri

Fatmir Xhafaj

Erion Braçe

Klotilda Bushka

Mimi Kodheli

Xhemal Qeralia

Olta Xhaçka

Toni Gogu

Blerina Gjylameti

Ermonela Felaj

Fadil Nasufi

Eni Zake

Ilirjan Pendavinji

Vullnet Sina

Florenc Spaho

Saimir Hasalla

Luan Duzha

Alban Xhelili

Erjon Meka

Ilir Ndraxhi

Arben Pëllumbi

Etilda Gjonaj

Etjen Xhafaj

Ornaldo Rakipi

Deputetët aktualë të PS jashtë liste

Nasip Naço

Petro Koçi

Klevis Xhoxhi

Lavdrim Krashi

Ilir Metaj

Gerta Duraku

Bujar Çela

Eduard Ndreca

Niko Kuri

Anduel Tahiraj

Paulin Sterkaj

Shpresa Marnoi

Laert Duraj

Baftjar Zeqaj

Mirela Pitushi

Ismet Beqiraj

Lindita Buxheli

Tatiana Piro

Ilir Topi

Bardhyl Kollçaku

Pranvera Resulaj

Teuta Rama

Agron Çela

Denis Deliu