Institucionet zyrtare kanë konfirmuar se 51 persona kanë humbur jetën nga zjarri katastrofik që mbrëmë përfshiu diskotekën Pulse në Koçan.

Policia ka ndaluar disa persona të lidhur me organizimin e festës, ndërsa hetimet vijojnë për përcaktimin e përgjegjësisë, sipas medias vendase.

Ministri i Brendshëm ka paralajmëruar një konferencë për media në orën 9 të mëngjesit, në të cilën priten më shumë detaje për tragjedinë.

Detaje të reja mësohen nga tragjedia në Koçan të Maqedonisë së Veriut. Të paktën 50 persona kanë humbur jetën në qytetin lindor të Maqedonisë së Veriut, pas një shpërthimi zjarri në një klub nate, kanë njoftuar autoritetet përmes agjencisë së lajmeve MIA. Numri i të plagosurve ende nuk është i saktë, por disa prej tyre janë dërguar për trajtim në spitalet e Shtipit dhe Shkupit.

Për momentin, autoritetet nuk kanë dhënë detaje të tjera mbi shkakun e zjarrit dhe mënyrën se si ai është përhapur. Sipas mediave vendase, shpërthimi i zjarrit ka ndodhur për shkak të përdorimit të mjeteve piroteknike gjatë një performancë nga grupi muzikor maqedonas DNA. Në momentin e shpërthimit, klubi ka qenë i mbushur plot me njerëz.

Pasi ka shpërthyer zjarri, zjarrfikësit, ambulancat dhe policia kanë mbërritur në vendin e ngjarjes.

Në mëngjesin e sotëm, shumë të afërm janë parë përpara klubit në Koçan, të shqetësuar për familjarët e tyre, pasi nuk e dinë nëse ata janë ende gjallë apo jo.

Një grua ka deklaruar për Radion Evropa e Lirë: “Po kërkoj mbesën time. Nuk na lejojnë të hyjmë dhe nuk dimë ku është ajo. Telefoni i saj është në funksion, por ajo nuk përgjigjet. Ishim në spitalin në Koçan dhe në Shtip, disa janë dërguar në Shkup. Ndoshta është e plagosur dhe nuk mund të përgjigjet. Diku duhet të na tregojnë urgjentisht ku të kërkojmë.”

Drejtori i Qendrës për Menaxhim të Krizave, Stojançe Angellov, ka deklaruar se ndodhet në Koçan, bashkë me ministrin e Mbrojtjes, Pançe Toshkovski dhe Drejtorin e Byrosë për Siguri Publike, Aleksandar Janev. Autoritetet kanë njoftuar se do të japin më shumë informacione më vonë gjatë ditës.

Të paktën 50 persona kanë vdekur në orët e vona të natës në qytetin lindor të Maqedonisë së Veriut, Koçan, si pasojë e shpërthimit të zjarrit në një klub nate, kanë thënë autoritetet maqedonase për agjencinë e lajmeve MIA.

Numri i të plagosurve nuk dihet, por një pjesë e tyre janë transferuar në klinikat në Shtip dhe Shkup.

Autoritetet ende nuk kanë treguar se si është përhapur zjarri dhe çfarë e ka shkaktuar atë.

Sipas mediave lokale, zjarri është përhapur nga mjetet piroteknike që janë përdorur gjatë një performance nga bendi maqedonas DNA. Në kohën e shpërthimit dhe përhapjes së zjarrit, klubi ka qenë i mbushur me njerëz.

Mediat lokale kanë thënë se pas shpërthimit të zjarrit, në vendin e ngjarjes kanë arritur zjarrfikësit, ambulanca, dhe zyrtarët policorë.

Këtë mëngjes, shumë njerëz janë parë përpara objektit në Koçan, tejet të brengosur për familjarët e tyre, meqë nuk e dinë nëse janë të gjallë apo të vdekur.

“Po kërkoj mbesën time. Nuk po na lejojmë të hyjmë dhe nuk e dimë ku është ajo. Telefoni i saj është duke punuar, por ajo nuk po përgjigjet. Ishim në spitalin në Koçan, në Shtip, disa njerëz i kanë dërguar në Shkup. Ndoshta është e plagosur dhe nuk mund të përgjigjet. Dikush duhet të na tregojë me urgjencë ku të kërkojmë”, ka thënë një grua për Radion Evropa e Lirë.

Drejtori i Qendrës për Menaxhim të Krizave, Stojançe Angellov ka bërë të ditur se është në Koçan, bashkë me ministrin e Mbrojtjes, Pançe Toshkovski dhe Drejtorin e Byrosë për Siguri Publike, Aleksandar Janev.

Autoritetet kanë thënë se do të deklarohen më vonë gjatë ditës.