Aksident në Autostradën Levan -Tepelenë në vendin e quajtur kthesa e Fratarit. Një çift burrë e grua nga Tepelena të plagosur.

Sipas provave në vendngjarje automjeti që udhetonte çifti drejt Tepelenës ka goditur frikshëm nga prapa një automjet të tonazhit të rende i cili kishte ndalur në rrugë për shkak të një defekte në motor.
Goditja ka qënë e fortë ndërsa të dy janë plagosur. Për momentin ata janë përcjellë në Qendren spitalore të qytezës së Fratarit e cila ndodhet 500 m larg vendngjarjes..

Një aksident i frikshëm është regjistruar pak minuta më parë në autostradën Durrës – Tiranë.

Një automjet tip “Golf 5” është përplasur nga një kamion dhe makina ka ngecur mes kamionit dhe trafikndarëseve.Mesohet se nga aksidenti nuk ka persona të lënduar, por vetëm dëme materiale.

Aksidenti i pazakontë ka krijuar radhë të gjata në autostradë, ndërkohë që në vendngjarje pritet të mbërrijnë efektivët e Policisë Rrugore dhe grupi hetimor që do të zbardhë shkaqet.

Mbrëmjen e së hënës, në autostradë u vra brenda në makinë Kristjan Marku, dhe policia e Vlorës është duke bashkëpunuar me atë të Lezhës për të zbardhur atentatin.

Gjatë mbrëmjes të së hënës policia ka shkuar në disa banesa në Rrëshen për të kryer kontrolle. Disa nga banesat e kontrolluara kanë qenë të fisit Reçi, me të cilët fisi Marku (i njohur ndryshe edhe si Bardhi) janë në hasmëri prej vitesh.

Katër anëtarë të fisit Reçi janë shoqëruar në polici për tu pyetur dhe gjatë deklarimeve ata kanë mohuar të kenë lidhje me vrasjen e të riut në Vlorë.

Pas marrjes në pyetje të shoqëruarit janë lënë të lirë, ndërsa hetuesit kanë dyshimet se ekzekutimi ka ndodhur për shkak hasmërie. Sakaq sipas grupit hetimor viktimën e kanë kapur 3 plumba nga 11 gëzhoja që janë gjetur në vendngjarje dhe një prej tyre ka rezultuar fatal.

Për shkak të rëndësisë së ngjarjes një mjek ligjor ka mbërritur në Vlorë nga kryeqyteti për të kryer ekspertizën. Rreth orëve të mëngjesit familjarët e mbërritur kanë tërhequr trupin e viktimës, me mbi 15 makina që kanë shoqëruar makinën e kortezhit.

Kristjan Marku është person me precedentë penalë. Ai ka qenë arrestuar për tentativë vrasje në vitin 2023. Në atë kohë ai tentoi të vriste nipin e Kastriot Reçit, Sajmir Reçi. Hasmëria ka vijuar më pas, ku Kristjanit i vranë xhaxhain, Martin Bardhi, në një lokal në Rrëshen, në shtator të 2023.

Kryetarja e Bashkisë së Lushnjës Eriselda Sefa është paraqitur këtë të martë në Prokurorinë e Posaçme SPAK.Kryetarja e Bashkisë së Lushnjës Eriselda Sefa është paraqitur këtë të martë në Prokurorinë e Posaçme SPAK.Devis Leshi, Aksioner i shkollës private në Lushnje, në atë kohë tregoi se nëpërmjet rikonstruksionit të rrugës “Vatha Korreshi”, po tentohet të futet në oborrin e shkollës ku ai është pronar.

Shoku i të plagosurit në Fier nga i dashuri i gruas, në një lidhje me emisionin Me zemër të hapur në News 24 të moderatores Evis Ahmeti ka dhënë më tepër detaje për ngjarjen.

Ai tha se miku i tij Gledi nuk i kishte folur për problemet që kishte pasur me bashkëshorten. Sipas tij, atë ditë, djali i çiftit i kishte thënë të afrohej “sepse kishte sherr” dhe kishte gjetur Gledin të mbuluar me gjak.

“Ditën e ngjarjes unë isha nisur për tek spitali i Fierit , sepse kisha disa vizita tek të afërmit e mi. Përpara shkova tek lokali dhe pashë djalin dhe e përqafova. Pasi mori telefonatën nga nëna e tij , ai doli nga lokali dhe Gledi shkoi pas tij.

Ai erdhi me vrap dhe më tha “Shpejt se ato të dy po zihen. Kur shkova , pashë Gledin në gjak, por nuk e kuptova se ishte qëlluar me armë. Lajmërova patrullën e policisë që ishte në qarkullim  dhe e dërgova në spital. Gledi nuk konsumonte alkool dhe nuk ishte shprehur për problemet që kishte me ish-bashkëshorten”, tha shoku i të plagosurit.

Gjendja e 40-vjeçarit të plagosur është e rëndë dhe ndodhet në intubim tek Trauma.

Shirat e dendur që shoqëruan zonën e Myzeqesë dy ditët e fundit sollën mjaft probleme.Veç dëmeve të shkaktuara nga erërat e forta në pemë dhe makina, probleme janë shfaqur dhe në tokat bujqësore.

Niveli i lartë i reshjeve ka bërë që kanalet të mbushen në nivelin maksimal duke bërë që uji të përhapet dhe në të mbjella, ndërkohë që janë përmbytur edhe stanet.

Në hidroforin e Karavastasë është dëmtuar një nga pompat dhe më pak ujë tërhiqet nga zonat bujqësore.

T/CH

Drejtori i Përgjithshëm i Agjencisë Kombëtare të Mbrojtjes Civile, Haki Çako, deklaroi sot se, akset kryesore të të gjithë zonave në vend janë të hapura ndërsa vijon moti i keq.

Pas një situate të ngarkuar prej 3 ditësh në shkallë vendi me reshje të shumta dëbore dhe shiu nga veriu në jug të vendit, aktualisht situata është shumë e përmirësuar dhe gjendemi tashmë në një situatë të favorshme totalisht, pasi rrugët, akset kryesore të të gjithë zonave janë të hapura”, tha ai.

“Thuajse edhe ato rurale janë drejt hapjes dhe përmirësimit në zonat më të thella dhe të gjitha strukturat janë të angazhuara, janë në krye të detyrës”, vijoi Çako.

Ai theksoi se, “ka funksionuar shumë mirë Mekanizmi i Mbrojtjes Civile në shkallë vendi, duke angazhuar të gjitha institucionet dhe strukturat dhe të gjitha kapacitet për t’i ardhur në ndihma të gjitha rasteve të kërkuara ndihmë nga qytetarët.

“Reshjet pothuajse janë ndërprerë në shkallë vendi. Tashmë ka prezencë të dëborës vetëm në zonat e thella malore, por shpresohet që shumë shpejt edhe ato pak fshatra të jenë të aksesueshme”, tha Çako.

Ai theksoi se, “ka një përmirësim të ndjeshëm të motit si që do të vijojë në ditët në vazhdim dhe AKMC në kontakt intensiv me të gjitha institucionet e paralajmërimit të hershëm me informacionin do të vërë në dijeni qytetarët për çdo situatë që do të përvëlojë më pas”.

Çako përcolli një mesazh për të gjithë qytetarët, të cilët u shpreh ai, “do të duhet patjetër të jenë të kujdesshëm për zonat me prezencë të shtuar të dëborës dhe të akullit për të qarkulluar me automjete me zinxhirë, por edhe me goma dimërore si dhe të jenë të kujdesshëm për lëvizjet e kontrollueshme në rastet kur ka rrezikshmëri të theksuar”.

“Pothuajse të gjitha strukturat gjithashtu janë të gatshme në Qendrën Kombëtare të Emergjencave Civile dhe në të gjitha strukturat e tjera, duhet t’i drejtohen për nevojat që do të kenë”, tha ai.

REAGIMI I MINISTRISE

Edhe Ministria e Mbrojtjes ka bërë një përditësim në lidhje me situatën e motit të keq, ku njofton se të gjitha akset kombëtare janë të kalueshme. Problematikë, sipas ministrisë, paraqiten disa akse rurale në zona të ndryshme të vendit.

Më konkretisht, në bashkinë Dibër ka problematika në rrugët rurale në disa fshatra të njësive Maqellare, Melan, Luzni, Muhurr. Po punohet për hapjen e rrugëve që lidhin njësinë administrative Kala e Dodës me fshatrat Sllovë, Selishtë dhe Arras.

Në bashkinë Bulqizë janë të bllokuara rrugët rurale të njësive administrative Ostren, Trebisht, Klenjë, Gjoricë, Zerqan dhe aksi rrugor Trebisht-pikë kalimi kufitar.

Në bashkinë Klos janë të bllokuar rrugët e fshatrave me qendrat administrative Gurë dhe Xibër. Në bashkinë Mat janë të bllokuara 2 fshatra në njësinë administrative Komsi dhe aksi rrugor Vig Macukull.

Në bashkinë Krujë po vijon puna për hapjen e rrugës që lidh fshatin Shkretë me aksin Cudhi-Qafështamë. Në bashkinë Fushë-Arrëz vazhdon të jetë e bllokuar rruga me njësinë administrative Iballë me fshatrat e saj.

Në Bashkinë Devoll vijon puna për hapjen e rrugëve lidhëse me fshatrat Miras. Në bashkinë Pogradec po punohet për hapjen e rrugëve të fshatrave Proptisht, Velçan, Trebinjë, Dardhas dhe Çërravë.

Në bashkinë Has po punohet për hapjen e rrugës që lidh njësinë administrative Arrën me rrugën nacionale dhe rrugët e fshatrave Cahan dhe Xhebexhi.

Vijojnë angazhimin për normalizimin e situatës në Vlorë, prej tashmë tre ditësh Forcat e Armatosura me 7 pompa thithëse dhe 15 mjete të kalueshmërisë së lartë, ekskavatorë, kamionë vetëshkarkues etj.