Në 11 maj do të hapen qendra votimi edhe në paraburgimet dhe burgjet e vendit.  Mesohet se numri total i të burgosurve dhe të paraburgosurve me të drejtë vote është 3,036. Megjithëkëtë, ata mund të votojnë vetëm nëse kanë karta identiteti. Drejtoria e Përgjithshme e Burgjeve tha zyrtarisht se po vijon punën në të gjitha Institucionet e Ekzekutimit të Vendimeve Penale (IEVP) për të garantuar pajisjen me dokumente identifikuese të vlefshme për të gjithë personat me të drejtë vote, duke iu mundësuar kështu ushtrimin e kësaj të drejte kushtetuese. 
Në këtë fazë, ata nuk ishin të gatshëm të tregonin se sa persona brenda IEVP-ve nuk kanë dokumente e rrjedhimisht rrezikojnë të mos votojnë. Ndërkohë, jo të gjithë ata që ndodhen të izoluar mund të votojnë. Sipas të dhënave zyrtare ,numri i personave që u pezullohet përkohësisht e drejta e votës, në bazë të ligjit të dekriminalizimit, është 1,357 persona, prej të cilëve:  1,294 të dënuar  dhe  63 të arrestuar.

Ligji jua ndalon të drejtën e votës personave që janë në burg për disa vepra të rënda, si: gjenocidi, krimet kundër njerëzimit, vrasjet, torturat, marrëdhëniet seksuale me të mitur ose me dhunë, rrëmbimet, apo krimet zgjedhore. Ndërkohë, KQZ ende nuk ka miratuar rregullat e votimit brenda burgjeve, pasi PD po këmbëngul që të votojnë vetëm ata të burgosur apo të paraburgosur të cilët kanë gjendjen civile brenda atij qarku ku ndodhet burgu.
Vota e të të dënuarve me burg është bërë mollë sherri që nga zgjedhjet lokale të vitit 2023, kur socialistët me votat e tyre përmbysën rezultatin dhe fituan Rrogozhinën. Nëse do të zgjedhin të votojnë, më 11 maj, në burgje do të shprehin vullnetin edhe politikanët. Ervin Salianji nga burgu i Fierit, apo Erion Veliaj, Aldi Bllako, Jurgis Cyrbja dhe Ilir Beqaj nga burgu i Durrësit.

Në Tiranë, nga burgu 313 Ilir Meta do të ketë mundësi edhe të zgjedhë, edhe të zgjidhet. Partia e tij garon në koalicion me Berishën, ndërsa vetë Meta do të jetë deputet në një pozicion të sigurt brenda këtij koalicioni, edhe pse gjasat janë që kur të rizgjidhet anëtar i parlamentit, të jetë akoma në qeli.

ReportTv

Katër orë e gjysëm pas mesnate ka mbaruar së numëruari edhe vota e fundit në primaret e Qarkut Fier. Më i votuari doli Eduart Sharka i Lushnjes , ku nga 4582 votues mori 795 vota ndër 22 kandidatë në këto votime ndjekur nga Luan Baci me 677 vota , ndërkohë që të votuar kanë qënë edhe Elisabeta Rredhi, Saimir Korreshi ,Gentian Koci dhe Pelivan Bufi,ndërsa më pak i votuar , i fundit në listë , vetëm me tre vota ishte Sevin Serjani.

Taulant Aliaj- 47
Luan Baci–677
Pelivan Bufi – 395
Gentian Cela – 191
Arjeta Cumani -23
Ilda Dhori- 215
Mustaf Gashi – 38
Silva Hasaj- 148
Arben Hoxhaj- 64
Julian Hoxhaj – 25
Vladimir Kajolli- 85
Gentian Koci -438
Saimir Korreshi –477
Samena Malenaj- 110
Altin Malokaj- 114
Alkida Mehmeti – 76
Dritan Petova – 16
Elizabeta Rredhi -492
Luljeta Sejko – 30
Fation Semanjaku – 84
Sevin Serjani -3
Eduart Sharka -795

Erdit Hazizaj është një prej personave të arrestuar nga operacioni antidrogë i zhvilluar nga Prokuroria e Posaçme këtë të shtunë. Ai akuzohet nga SPAK për trafik droge, kultivim i bimëve narkotike, grup i strukturuar e shpërdorim detyre.

Hetimet e SPAK kanë nisur prej disa kohësh për efektivët e arrestuar, pasi në aplikacionet Sky Ecc rezultoi se këta të fundit ishin të përfshirë me banda kriminale në fushën e narkotikëve dhe jo vetëm.

Erdit Hazizaj është 45-vjeçari, babai i dy fëmijëve, oficeri i lartë i policisë që la karrierën për të garuar në Primaret e vitit 2023.  Hazizaj ka punuar si shef komisariati në qyetete të ndryshme si Ersekë, Pogradec ,Durrës, Peqin, Polican dhe Kavajë (2001-2015) . Grumbullimi i përvojës e ka bërë që të promovohet edhe si e Oficer Specialist në policinë e Kavajës ndersa në fund merr titullin specialist i rendit botëror, me te cilin e ushtron profesionin në qytete të medha si Durrësi dhe Tirana, në institucione të rëndësishme rendruajtesë si Drejtoria vendore e Policisë Durrës dhe me pas në Tiranë, ku ushtroi profesionin e Shefit ndaj krimeve të jetës (2015- 2016). Hazizaj ka ushtruar punën e specialistit të hetimit gjatë viteve (2018-2021). Hazizaj ka mbajtur nga detyra të thjeshta në Policinë e Shtetit si specialist hetimi në Drejtorinë e Pastrimit Parave dhe deri në shef qarkullimi e shef komisariati.

Prokuroria e Posaçme dhe Policia e Shtetit kanë realizuar një tjetër operacion të gjerë ku janë goditur disa grupe kriminale të përfshira në trafikun e drogës. Gjatë operacionit, janë lëshuar rreth 10 masa sigurie të firmosura nga GJKKO, pas kërkesës së SPAK. Operacioni ka prekur disa qytete të Shqipërisë, përfshirë Tiranën, Kukësin, Fierin, Vlorën, Gjirokastrën dhe Sarandën.

Sipas burimeve, 4 nga masat e sigurisë janë për oficerë të policisë. Janë arrestuar 3 efektivë policie, ndërkohë që një tjetër është shpallur në kërkim. Një prej të arrestuarve është Shkëlzen Ruska, shef i krimeve në Himarë, i cili akuzohet për kultivim kanabisi, pjesëmarrje në grup kriminal të strukturuar, shpërdorim detyre dhe veprime të tjera të kryera nga organizata kriminale.

Po ashtu, është arrestuar edhe Ervis Alisinanaj, shefi i Krimeve në Komisariatin e Lushnjes, i cili përballet me akuzat e të njëjtave vepra penale, si dhe për ushtrimin e ndikimit të paligjshëm ndaj funksionarëve të tjerë publikë.

Shefi i Komisariatit të Policisë Kufitare në Sarandë, Elvis Dërvishi, është shpallur në kërkim dhe akuzohet për “trafikim narkotikësh”, “Grup të strukturuar kriminal”, “Kryerja e veprave penale nga organizata kriminale” dhe “Shpërdorim detyre”.

Erdit Hazizaj është i katërti person i arrestuar, i cili ishte larguar nga policia në vitin 2022. Ai akuzohet për trafik droge, kultivim bimësh narkotike, dhe përfshirje në grupe kriminale.Hetimet e SPAK kanë nisur prej kohësh për këta efektivë, pasi janë zbuluar lidhjet e tyre me bandat kriminale nëpërmjet aplikacioneve të koduara si Sky Ecc, ku rezulton se ata ishin të përfshirë në veprimtari kriminale që lidhen me narkotikët dhe më gjerë.

Një sasi lënde plasëse i është vendosur zyrës noteriale të noterit Fran Gjoni, e cila ndodhet pranë sheshit “Gjergj Kastrioti” në qendër të qytetit të Lezhës.Nga shpërthim janë shkaktuar dëme të vogla materiale, ndërsa referuar pamjeve të kamerave të sigurisë, kanë qenë dy persona të cilët kanë vendosur lëndën plasëse dhe janë larguar.

Fran Gjoni është vëllai i ish gjyqtarit Gjin Gjoni, i cili prej një viti është bërë pjesë e politikës si kryetar i Partisë Demokratike në Lezhë dhe kandidat për primare për të qenë deputet.