Askujt nuk i bën çudi në Shqipëri që të shohë të veshur qytetarë në rrugë me marka luksoze veshjesh të cilat kushtojnë qindra mijëra euro, edhe pse paga mesatare në vend është afro 900 euro.

Dhe jo, këta individë nuk janë vetëm të pasurit apo emigrantë që vijnë nga jashtë, por njerëz të zakonshëm, madje dhe me paga minimale.

Kjo pasi tregu shqiptar i veshjeve është mbushur e mallra të kopjuara të firmave më luksoze në të gjithë botë, të cilat kushtojnë shumë lirë.

Këtë e konfirmojnë edhe shifrat e Drejtorisë së Përgjithshme të Doganave.

Gjatë vitit 2024, Administrata Doganore, ka ndaluar nga qarkullimi 40,911 copë veshje të ndryshme dhe aksesorë, të cilat dyshohej se shkelnin një pronësi intelektuale të markave tregtare të ndryshme si: “Louis Vuitton”, “Moncler”, “Lacoste”, “Tommy Hilfiger”,” Channel”, “Adidas”, “Prada”, “Emporio Armani”, “Calvin Klein”, “Miu Miu”, etj, për të cilat ka një aplikim për veprim të miratuar pranë Autoritetit Doganor.

Ajo që vihet re është numri i veshjeve fake të ndaluara është rritur ndjeshëm në raport ne vitin 2023.

Së fundmi qeveria ka inciuar disa ndryshime ligjore që synojnë ti japin më shumë mbrojtje bizneseve që kanë të regjistruar markën, gjithashtu edhe konsumatorëve.

Sipas draftit, pronarët e një marke të cilët konstatojnë se emri i tyre imitohet apo  përvetësohet nga dikush tjetër, do të mund të ngrenë padi në gjykatë, të kërkojnë nxjerrjen jashtë qarkullimit, konfiskimin dhe vënien nën kontroll të mallrave që dyshohet se shkelin të drejtat e markave të regjistruara më parë.

Nga ana tjetër, masat shkojnë edhe më larg.

Tregtarët abuzues mund të gjobitën me shuma marramendëse dhe të përfundojnë pas hekurave për tregtimin e mallrave të kopjuara dhe imitimin e markave prestigjioze. Megjithatë kontrolli nis nga dogana dhe tregu shqiptar ka nevojë për më shumë vëmendje në mënyrë që edhe qytetarët të mos bien pre  e mashtrimeve, por edhe bizneset të jenë të mbrojtur.

SPAK ka listuar problematikat e regjistruara në vitin 2024 në raportin vjetor të publikuar ditën e sotme.

Në raport Prokuroria e Posaçme thekson se ka vijuar bashkëpunimin ndërinstitucional me Prokurorinë e Përgjithshme, prokuroritë e juridiksionit të përgjithshëm, policinë gjyqësore, policinë e shtetit dhe agjencitë e tjera të zbatimit të ligjit.

Sipas tyre ky bashkëpunim ka qenë i vazhdueshëm dhe pa pengesa, në funksion të zbatimit të ligjit për luftën kundër terrorizmit dhe krimit të organizuar, parandalimit dhe ndëshkimit të autorëve të veprave të tilla penale.

SPAK tregon se gjatë vitit 2024, numri i hetimeve të filluara nga Prokuroria e Posaçme për shkak të kallëzimeve nga institucionet publike ka pësuar një rritje me rreth 66,6 % krahasuar me vitin paraardhës (nga 12 në vitin 2023, në 20 në vitin 2024), ndërkohë që hetimet e filluara për shkak të kallëzimeve nga policia e shtetit kanë pësuar një rënie në masën rreth 70,8%.

Për këtë periudhë, pranë Prokurorisë së Posaçme janë depozituar në total 300 kallëzime penale, prej të cilave rreth 8,3% e rasteve nuk kanë qenë në kompetencë të Prokurorisë së Posaçme.

Në funksion të ndjekjes penale dhe në respektim të dispozitave ligjore të ndarjes së kompetencës lëndore për veprat penale, gjatë vitit 2024, Prokuroria e Posaçme, pasi ka kryer hetimet e plota, ka transferuar pranë Prokurorive të Rretheve Gjyqësore 87 procedime penale me 114 persona të nën hetim. Ky numër procedimesh është i njëjtë me atë të vitit paraardhës.

SPAK ka publikuar raportin për vitin 2024, ku evidenton ekzistencën e 16 grupeve kriminale me rrezikshmëri të lartë shoqërore në Shqipëri, të cilat operojnë kryesisht në trafikun e kokainës dhe janë të lidhura me tregjet ndërkombëtare të krimit. Këto grupe janë të strukturuara mbi baza familjare dhe miqësore dhe veprojnë në qarqet e Tiranës, Durrësit, Shkodrës, Kukësit, Lezhës, Elbasanit dhe Vlorës.

Sipas raportit, SPAK ka arritur të provojë veprimtarinë kriminale të 10 prej këtyre grupeve, të cilat operonin në disa qytete të vendit. Grupet e organizuara përdorin metoda të sofistikuara, përfshirë komunikimet e koduara si SKY ECC dhe pastrimin e parave përmes kriptovalutave. Ato kanë depërtuar në struktura të rëndësishme të shoqërisë, duke përfshirë gjyqësorin, prokurorinë, policinë, median dhe akademinë.

Raporti thekson se grupet kriminale shqiptare mbeten ndër aktorët kryesorë në trafikun ndërkombëtar të drogës, veçanërisht në BE, me praninë e tyre të fortë në Itali, Spanjë, Belgjikë, Holandë, Francë, Gjermani, Zvicër, Norvegji dhe Mbretërinë e Bashkuar. Këto organizata kriminale kanë krijuar rrjete të forta në Amerikën Latine, ku porosisin kokainë direkt nga vende si Bolivia, Meksika, Peruja, Ekuadori dhe Paraguai. Dërgesat e drogës kalojnë përmes porteve kryesore evropiane si Roterdami, Antwerp, Algeciras, Pireu, si dhe përmes Durrësit dhe Tivarit në Ballkan.

Përveç trafikut të drogës, në një shkallë më të vogël, grupet shqiptare janë të përfshira edhe në kontrabandën e qenieve njerëzore dhe krimin kibernetik, duke operuar kryesisht në tregjet e BE-së, Mbretërisë së Bashkuar dhe SHBA-së. Sipas SPAK, shumë nga eksponentët kryesorë të këtyre grupeve janë vendosur në Dubai, duke shfrytëzuar këtë qendër financiare si një pikë strategjike për aktivitetet e tyre kriminale.

Po ashtu SPAK ka raportuar një rritje të numrit të çështjeve të hetuara për veprën penale të trafikut të drogës nga grupe të strukturuara kriminale gjatë vitit 2024. Sipas raportit, janë regjistruar 35 çështje të reja me 35 persona nën hetim.

Në total, numri i çështjeve të mbartura dhe të regjistruara për këtë vepër penale gjatë vitit 2024 ka arritur në 124, me 72 persona të përfshirë në hetime. Ndërkohë, gjatë këtij viti janë dërguar në gjykatë pesë çështje, ku janë përfshirë 33 të pandehur.

Krahasuar me vitin 2023, numri i rasteve të hetuara për trafik droge në kuadrin e grupeve të strukturuara kriminale ka shënuar një rritje prej 3.3%.

Prokuroria e Posaçme thekson se lufta kundër trafikut të drogës mbetet një prioritet, me hetime të thelluara për të goditur rrjetet kriminale që operojnë në këtë fushë.

“Gjatë vitit 2024 numri i çështjeve të regjistruara nga Prokuroria e Posaçme për veprën penale të trafikut të drogës, në kuadrin e grupit të strukturuar kriminal, është 35 çështje me 35 persona nën hetim. Numri i çështjeve nën hetim për këtë vepër penale gjatë këtij viti (mbartur dhe regjistruar gjatë vitit 2024), është 124 çështje me 72 persona nën hetim. Gjatë vitit 2024, numri i këtyre çështjeve të dërguara në gjykatë me kërkesë për gjykim ,është 5 çështje me 33 të pandehur.

Krahasuar me vitin 2023, numri i çështjeve nën hetim për veprën penale të trafikut të drogës, në kuadrin e grupit të strukturuar kriminal, (283/a/2, 333/a, 334) është rritur në masën 3,3% (nga 120 në vitin 2023 në 124 në vitin 2024)”, thuhet në raport.

Ministria e Brendshme ka publikuar listën përfundimtare të zgjedhësve për zgjedhjet për Kuvendin, datë 11 Maj 2025, për votuesit brenda vendit.

Nga të dhënat e gjeneruara nga Drejtoria e Përgjithshme e Gjendjes Civile të drejtën e votës e kanë 3,713,761 shtetas shqiptarë, brenda e jashtë vendit, ndër ta:

– 114,642 zgjedhës votojnë për herë të parë;
– 1,081 shtetas të papërfshirë, për shkak të dekriminalizimit;
– 5,225 është numri i qendrave të votimit.

Procesi i hartimit të listës përfundimtare të zgjedhësve është kryer nën mbikëqyrjen e auditëve të KQZ-së, duke kaluar në disa faza në zbatim të dekretit të Presidentit, përmes publikimeve të 3 ekstrakteve të përbërësve zgjedhore.

Për herë të parë në historinë e zgjedhjeve parlamentare në vend, listat zgjedhore përfshijnë dy kategori:
– Zgjedhësit që jetojnë brenda vendit;
– Zgjedhësit që jetojnë jashtë vendit.

Lista përfundimtare përmbyll procesin e hartimit dhe shpalljes së Listës së Zgjedhësve. DPGJC në çdo bashki vijon të përmbushë detyrimet mbi përgatitjen e infrastrukturës zgjedhore. Ndërkohë qytetarët mund të aplikojnë apo rinovojnë Letërnjoftimet elektronike të skaduara, si një nga 2 dokumentet biometrike, që përdoren për identifikimin e votuesve në zgjedhjet e 11 majit.

Ministria e Brendshme, Drejtoria e Përgjithshme e Gjendjes Civile dhe kompania shtetërore e prodhimit të dokumenteve të identitetit “IdentiTek” mbeten të angazhuara në përmbushje të standardeve më të larta, të këtij procesi të rëndësishëm.

844 persona janë nën hetim nga kjo prokurori, 328 janë procedime të reja, 412 janë hetuar me masë sigurimi arrest me burg. SPAK thekson se në gjykatë janë dërguar rreth 34% e të hetuarve.

43 procedime për krime zgjedhore dhe 29 për vepra terroriste.

SPAK evidenton se ka përdorur përgjime për 163 procedime penale, ndërsa gjatë vitit 2024 janë përgjuar 3096 telefona. “Krahasuar me 2023, numri i përgjimeve më i ulët”, thuhet në raport.

Janë ekzekutuar 2046 vendime gjykate.

Janë identifikuar 16 grupe kriminale të rrezikshme ndërsa Sky ECC mundësoi identifikimin e 9 grupeve

SPAK thekson gjithashtu se ka patur edhe presione të jashtme ndaj Prokurorisë së Posaçme nga krimi i organizuar, aktorë politikë dhe mediatikë të cilët cenojnë pavarësinë e tij Kushtetuese dhe efektivitetin në hetime.

“Ndërhyrjet e jashtme rrezikojnë gjithashtu, integritetin e prokurorëve dhe të procesit hetimor. Për të garantuar pavarësinë e SPAK-ut si dhe mbështetje për prokurorët në çështje të ndjeshme, nevojitet një reagim më i koordinuar dhe në kohë i të gjitha institucioneve të cilat kanë përgjegjësinë e mbrojtjes së integritetit të SPAK”, thuhet në raportin e Prokurorisë së Posaçme.

Grupet kriminale
Raporti i SPAK për vitin 2024 vëren se grupet kriminale shqiptare kanë rol të madh në tregjet ndërkombëtare, në trafikun e drogës dhe trafik të qenieve njerëzore.

Gjithashtu, Prokuroria e Posaçme vëren se grupet kriminale kanë rol edhe në krimin kompjuterik.

Rreth 65.5 milionë euro rezulton të jetë vlera e aseteve të konfiskuara dhe sekuestruara nga SPAK gjatë vitit 2024. Sipas raportit vjetor të këtij institucioni, vlera e aseteve të konfiskuara kap një shifër prej 36.8 milionë eurosh, ndërsa atyre të sekuestruara rreth 27.7 milionë euro. Kaq është vlera e konfiskimeve dhe sekuestrimeve në kuadër të Ligjit Anti-Mafia, Kodit Penal dhe Aktit Normativ.

Nga totali, rreth 56.2% janë konfiskime dhe 43.8% sekuestrime, pjesa dërrmuese e të cilave janë të proceduara sipas Ligjit Anti-Mafia dhe Kodit Penal.

Vlera e pasurive të konfiskuara dhe sekuestruara nga SPAK kapi shifra rekord në vitin që lamë pas. Të dhënat nga raporti tregojnë që pavarësisht se ka pasur një rënie të numrit të pasurive të konfiskuara në 2024, vlera rezulton më e lartë se në 2023. Konkretisht, vlera e pasurive të konfiskuara është në 938 milionë lekë nga 440 milionë lekë që ishte në vitin 2023, dhe 27 milionë euro nga rreth 18 milionë euro që ishte më parë.