Partia Socialiste ne Fier ka tashme nje kryetare grua ne krye te saj. Lajmi eshte bere i ditur nga drejtuesja politike e Qarkut Fier Belinda Balluku e cila ka bere edhe prezantimin ne kryesine e PS FIER
Emerimi ne krye te PS Fier i Dorina Gjinos ka ardhur pasi kreu i meparshmen i kesaj force politike , Ramion Kurti ,eshte kandidat ne listat e hapura per zgjedhjet e 11 majit dhe ka bere doreheqjen per tu angazhuar ne fushaten elektorale.

Postimi i Drejtueses Politike te PS te Qarkut Fier Belinda Balluku:

Partia Socialiste e Fierit, nga sot ka një kryetare të re, Dorina Gjino.
I urojmë suksese dhe na ka të gjithëve në krah!

Një përplasje mes dy automjetesh ka përshkallëzuar në një përleshje të dhunshme në lagjen 13, Durrës. Fillimisht, një automjet Audi me targa gjermane, ku udhëtonin një familje shqiptare emigrante, dhe një Volksëagen me targa shqiptare, janë përfshirë në një aksident. Pas debatit mes drejtuesve të mjeteve, situata degjeneroi, kur shoferi i Audi-t u dhunua nga një grup të rinjsh, të cilët ndërhynë në konflikt.

Si pasojë e dhunës, ai ka pësuar thyerje të hundës dhe çarje në vesh, duke u transportuar me urgjencë në Spitalin Rajonal të Durrësit. Fatmirësisht, ai ndodhet jashtë rrezikut për jetën. Ndërkohë, drejtuesi i Volksëagen-it është larguar nga vendngjarja dhe mbetet ende i paidentifikuar.

Forca të shumta policie kanë mbërritur në zonë dhe po punojnë për zbardhjen e ngjarjes, duke sekuestruar pamjet e kamerave të sigurisë të bizneseve përreth për të identifikuar autorët e dhunës.

Kolegji Zgjedhor Gjyqësor, mori në shqyrtim ankimin e Partisë Bashkimi Popullor i Pensionistëve Shqiptarë, përfaqësuar nga Selami Jenishehri, duke e gjobitur këtë të fundit me 50 mijë lekë.

Jenishehri ishte fillimisht në koalicion në “Aleanca për Shqipërinë Madhështore”, dhe depozitoi një ankimim në Apelin e Gjykatës Administrative për zgjedhjet parlamentare të vitit 2021, ku duket se kërkon ‘zhbërjen’ e tyre.

Që në në krye të herës, edhe nga ekspertët, u duk si ankimim qesharak, e në fakt, duket se i tillë ka qenë, pasi Kolegji Zgjedhor Gjyqësor e ka cilësuar abuziv.

Eshte dorëzuar ne policine e Tiranes Oltion Buzi rreth nje jave me pare.
Oltion Buzi eshte pronari i Buzi Store dhe ishte i shpallur ne kerkim qe nga Janari 2025.Oltion Buzi ishte i shpallur në kërkim që nga janari 2025 pasi nuk ka deklaruar 3.7 milionë euro të ardhura, e për këtë arsye biznesi i tij është proceduar për evazion fiskal.

Prokuroria e Tiranës përmes një njoftimi, në muajin janar tha se firma “Buzi Sport”, përdorte në kompjuter një sistem të paautorizuar për monitorimin dhe lëshimin e faturave tatimore.

Kuponat e lëshuara prej këtij sistemi ishin të pa fiskalizuara. Sakaq, organi i akuzës sqaron se “Buzi Store” në disa raste ka lëshuar fatura me vlera më të mëdha, ndërkohë që deklaroheshin një vlerë më e vogël për qëllime tatimore, duke shmangur kështu detyrimet tatimore.

Pas kontrollit të 8 pikave të kësaj firme, janë sekuestruar në cilësinë e provës materiale njësi kompjuterike, telefona, tableta, vlera monetare mbi 8 milionë lekë, të cilat nuk ishin të justifikuara me dokumentacionin ligjor.

Presidenti i Shteteve të Bashkuara, Donald Trump, ka vendosur tarifa të reja doganore për importet nga 60 vende, përfshirë ato të rajonit të Ballkanit, një masë që pritet të ndikojë ndjeshëm në tregtinë ndërkombëtare. Duket se Shqipëria, Kosova dhe Mali i Zi janë më të avantazhuarat sa i përket masave të vendosura.
Maqedonia e Veriut do të përballet me një tarifë prej 33%, ndërsa Serbia është vendi më i prekur, me një normë prej 37%. Bosnje Hercegovina do të ketë një tarifë prej 35%, ndërsa Shqipëria, Mali i Zi dhe Kosova do të përballen me një normë më të ulët prej 10%. Këto tarifa synojnë të mbrojnë prodhimin vendas amerikan, por pritet të shkaktojnë reagime nga vendet e prekura, duke ndikuar në marrëdhëniet tregtare dhe ekonomike mes SHBA-së dhe rajonit.

Presidenti i Amerikës është shpehur se tarifat më të larta do të vendosen për ato vende të cilat sufiçiti tregtar është më i lartë.Sa i përket vendit tonë, në vitin 2024 importet u vlerësuar ne 20 mld lekë, ndërsa eksportet në 7 miliardë lekë, me një deficit tregtar në gati 13 miliardë lekë.

Serbia e cila është edhe më e prekura eksportoi në total mallra me vlerë 209.9 milionë dollarë drejt SHBA-së dhe importoi mallra me vlerë 814.4 milionë dollarë nga SHBA-ja, duke rezultuar në një deficit prej 604.5 milionë dollarësh. Produktet kryesore që Serbia eksportoi drejt SHBA-së përfshijnë goma të automjeteve dhe municione eksplozive.

Nga ana tjetër edhe Maqedonia e Veriut se do të preket ndjeshëm nga tarifat. Marrëdhëniet tregtare ndërmjet Maqedonisë së Veriut dhe Shteteve të Bashkuara gjatë vitit 2024 kanë qenë të qëndrueshme, me një deficit tregtar në disfavor të Maqedonisë së Veriut. Sipas të dhënave, në vitin 2024, Maqedonia e Veriut eksportoi mallra drejt SHBA-së me vlerë totale prej 60.6 milionë dollarësh dhe importoi mallra nga SHBA-ja me vlerë 173.7 milionë dollarë, duke rezultuar në një deficit tregtar prej 113.1 milionë dollarësh për Maqedoninë e Veriut.

Sa i përket Bosnje Hercegovinës, në vitin 2024, ajo eksportoi drejt SHBA-së mallra me vlerë 53 milionë dollarë dhe importoi nga SHBA-ja mallra me vlerë 179 milionë dollarë, duke rezultuar në një deficit tregtar prej 126 milionë dollarësh.

Prokuroria e Posaçme kundër Korrupsionit dhe Krimit të Organizuar (SPAK) njoftoi se ka marrë informacion në datën 12 mars 2025 për një ndërhyrje të paligjshme në adresat e email-eve të disa prokurorëve të posaçëm. Falë masave të sigurisë, sistemi i brendshëm i SPAK mbeti i pacënuar.

Sipas verifikimeve, ndërhyrja ka ndodhur vetëm në adresat e email-eve të disa prokurorëve dhe nuk ka prekur sistemin e përgjithshëm të IT-së të institucionit. Pjesëmarrësit në këtë akt kanë arritur të marrin disa informacione, por nuk kanë siguruar akses në dosje hetimore. Ata gjithashtu kanë tentuar të ndërhyjnë në email-in e Drejtuesit të Prokurorisë së Posaçme, Altin Dumani, por pa sukses.

Pas një hetimi intensiv, me përfshirjen e Byrosë së Hetimit dhe Sektorit të Ekspertizës, janë identifikuar dhe arrestuar brenda 24 orëve dy individë: ai që ka realizuar ndërhyrjen në email-e dhe ai që ka shpërndarë informacionin tek persona të tretë. Gjithashtu, janë sekuestruar pajisjet e përdorura për këtë akt dhe skedarët e shkarkuar.

Prokurori i çështjes ka urdhëruar që informacionet e marra të mos publikohen për të ruajtur sekretin hetimor. Janë marrë në pyetje edhe individë të tjerë që mund të kenë lidhje me të arrestuarit dhe që kanë pasur akses në informacionet.

Në përfundim të hetimit të brendshëm administrativ, është konfirmuar se sistemi i përgjithshëm i IT-së nuk ka pësuar dëme dhe janë marrë masa shtesë për forcimin e protokolleve mbrojtëse. Deri tani, nuk ka prova që sugjerojnë se të arrestuarit kanë bashkëpunuar me personel të brendshëm të SPAK.

SPAK u shpreh se janë marrë të gjitha masat për mbrojtjen e dosjeve dhe të dhënave të ndjeshme, si dhe për ruajtjen e integritetit të infrastrukturës së institucionit. Hetimet vazhdojnë në kuadër të dyshimeve për ekzistencën e një grupi të strukturuar kriminal.