Ka përfunduar faza e parakualifikimit për ndërtimin e Portit të ri në Porto RomanoNë një postim në rrjetet sociale, Zëvendëskryeministrja Belinda Balluku, njëherësh Ministre e Infrastrukturës dhe Energjisë, deklaroi se 5 konsorciume ndërkombëtare morën pjesë në një garë të hapur dhe transparente.

Komisioni, i udhëhequr nga konsulenti ndërkombëtar Royal HaskoningDHV, kualifikoi 2 konsorciume, të cilët pas dorëzimit të dokumentacionit fizik do të paraqesin ofertat ekonomike. Sipas Ballukut, Shqipëria do të ketë një port model, një HUB në Mesdhe, i cili do t’i shërbejë të gjithë rajonit.

Faza e parë përfshinte hapjen e garës tenderuese, pjesë e të cilës ishte edhe zhvillimi i një terminali kontejnerësh me dy shtretër.

Faza e dytë ishte e ajo e parakualifikimit, ku ofertuesit e mundshëm parakualifikohen me kusht që të plotësojnë një sërë kriteresh të paracaktuara teknike dhe financiare. Me mbylljen e kësaj faze, nis tashmë faza e ofertimit në të cilën ofertuesit e parakualifikuar mund të dorëzojnë ofertën e tyre financiare.

Ky projekt synon modernizmin e infrastukturës portuale, me anije më të mëdha dhe thellësi pothuajse të dyfishtë krahasuar me thellësinë aktuale.

Fondi për ndërtimin e portit është 390 milionë euro. Royal HaskoningDHV është kompania e cila do të mbikëqyrë të gjithë procesin, që nga gara e deri të punimet për ndërtimet e portit. 

Porto Romano do të jetë një port i klasit botëror, ndërkombëtar, teknologjikisht i avancuar dhe efikas, i cili do të trajtojë ngarkesat e parashikuara në të ardhmen në det për Shqipërinë dhe rajonin.

Ky port nuk do t’i shërbejë vetëm Shqipërisë, por edhe Kosovës dhe Maqedonisë së Veriut, pasi do të lidhet përmes hekurudhës me dy porte të thata në Prishtinë dhe Strugë.

Në mbledhjen e fundit të Këshillit të Ministrave, është miratuar në parim, kontrata financiare, ndërmjet Republikës së Shqipërisë dhe Bankës Evropiane për Investime, për projektin “Infrastruktura hekurudhore e Korridorit VIII, faza 1–Shqipëri”. Në këtë vendim thuhet se:

Në mbështetje të nenit 100 të Kushtetutës, të neneve 26 e 27, të ligjit nr.9665, datë 18.12.2006, “Për huamarrjen shtetërore, borxhin shtetëror dhe garancitë shtetërore të huas në Republikën e Shqipërisë”, të ndryshuar, dhe të nenit 10, të ligjit nr.43/2016, “Për marrëveshjet ndërkombëtare në Republikën e Shqipërisë”, të ndryshuar, me propozimin e Zëvendëskryeministrit dhe ministër i Infrastrukturës dhe Energjisë dhe të ministrit të Financave, Këshilli i Ministrave vendosi:

1. Miratimin, në parim, të kontratës financiare, ndërmjet Republikës së Shqipërisë dhe Bankës Evropiane për Investime, për projektin “Infrastruktura hekurudhore e korridorit VIII, faza I-Shqipëri”, sipas tekstit që i bashkëlidhet këtij vendimi.

2. Miratimin, në parim, të Deklaratës së Nderit, sipas tekstit që i bashkëlidhet këtij vendimi.

Gjithashtu është miratuar në parim dhe marrëveshja e grantit, ndërmjet Republikës së Shqipërisë dhe Bankës Evropiane për Investime, për projektin “Infrastruktura hekurudhore e Korridorit VIII, faza I– Shqipëri”

Në mbështetje të nenit 100 të Kushtetutës dhe të nenit 10, të ligjit nr.43/2016, “Për marrëveshjet ndërkombëtare në Republikën e Shqipërisë”, të ndryshuar, me propozimin e Zëvendëskryeministrit dhe ministër i Infrastrukturës dhe Energjisë dhe të ministrit të Financave, Këshilli i Ministrave

Miratimin, në parim, të marrëveshjes së grantit, ndërmjet Republikës së Shqipërisë dhe Bankës Evropiane për Investime, për projektin “Infrastruktura hekurudhore e korridorit VIII, faza I-Shqipëri”, sipas tekstit që i bashkëlidhet këtij vendimi.

BE është duke zbatuar strategjinë “Global Gateway” që lidh vendet dhe rajonet në mbarë botën, duke nxitur investimet publike dhe private në një rrjet global të transportit dhe zinxhirëve të furnizimit. Linja hekurudhore e projektit të rehabilitimit, ndjek atë ekzistuese dhe pas përfundimit të punimeve parashikohet që trenat të kenë një shpejtësi 120 kilometra/orë.

Ky korridor u përfshi në rrjetin kryesor të transporit transeuropian, i njohur si TEN T, duke i dhënë prioritet financimit të tij. Maqedonia e Veriut dhe Shqipëria po përmirësojnë linjat ekzistuese dhe po ndërtojnë hallkat që mungojnë përgjatë korridorit, me qëllim shkurtimin e distancave fizike dhe zhvendosjen e sa më shumë pasagjerëve dhe mallrave përmes mënyrave të qëndrueshme të transportit.

Këto investime po shoqërohen me masa reformuese për përmirësimin e konkurrueshmërisë së sektorit hekurudhor. Strategjia e Portës Globale lidh vendet dhe rajonet në mbarë botën duke inkurajuar investimet publike dhe private në një rrjet global të transportit dhe zinxhirëve të furnizimit, energjisë së gjelbër, telekomunikacionit modern, arsimit dhe kërkimit. Korridori VIII është një nga korridoret pan-evropiane, i cili përfshin si infrastrukturën rrugore dhe hekurudhore, dhe është konceptuar për të lehtësuar shkëmbimin e mallrave dhe pasagjerëve midis vendeve të BE-së, shteteve të Ballkanit që kanë dalje në Detin e Zi dhe Detin Kaspik.

Në buxhetin 2025 u parashikua të financohen rreth 88 milionë euro për Korridorin VIII, nyja më e rëndësishme rrugore në vend. Financimi për 14 lote të Korridorit VIII zë 26.6% të fondeve të brendshme për transportin rrugor. 8 lote punimesh do të financohen për zgjerimin e Elbasan -Qafë Thanë që kushtojnë 3,4 miliardë lekë.

Ndërsa 6 lote të tjera financohen për ndërtimin e segmenteve me drejtim nga Durrësi, Elbasan -Papër dhe Papër -Ura e Grykshit me 5,4 miliardë lekë financim. Vlera e plotë e këtyre 6 loteve është 15 miliardë lekë ose 150 mln euro në një gjatësi rreth 35 km.

Aksi tjetër vijues i Korridorit VIII është rruga Tiranë – Elbasan që ka përfunduar tashmë, ndërkohë që kanë përfunduar ndërtimi i By-pass-it të Fierit dhe të Vlorës që ndihmojnë qarkullimin lindje perëndim. Në pjesën shqiptare, pika dalëse në Maqedoni e Korridorit VIII do të jetë Ura e Bushtricës në Përrenjas, për të shmangur lartësinë që krijon dalja në Qafë-Thanë.

Pak dite më par, kryeministri Edi Rama dhe zëvendëskryeministrja Belinda Balluku, inspektuan një nga kantierët më të rëndësishëm të Korridorit VIII, ku po ndërtohen dy tunele me gjatësi totale prej 1.1 km. Këto tunele do të lidhin qytetet e Elbasanit dhe Librazhdit, duke mundësuar përmirësimin e infrastrukturës dhe lidhjen më të mirë midis këtyre dy zona. Zv.kryeministrja Balluku, e cilësoi këtë projekt si një nga kantierët më të rëndësishëm të korridorit, duke theksuar rëndësinë e ndërtimit të këtyre tuneleve.

Projekti konsiderohet një investim strategjik për infrastrukturën e vendit, duke lehtësuar kështu dhe lidhjet rrugore. Korridorit VIII do të lidhë portet e Italisë, me portet e Varnës dhe Burgasit duke kaluar përmes Shqipërisë, Maqedonisë së Veriut dhe Bullgarisë. Në territorin shqiptar ai shtrihet në rreth 154 km.

Në një kohë kur tarifat 10 %  të vendosura nga Shtetet e Bashkuara të Amerikës për mallrat shqiptare që eksportohen, kanë hyrë në fuqi,  Kryetari i Partisë Demokratike, Sali Berisha në një konferencë së bashku me Sindikatat e Bashkuara, ke premtuar se këto tarifa do të hiqen.

 “Ne do bëjmë gjithçka që “Made in Albania” të mbushë tregjet shqiptare dhe tregjet e botës. SHBA kanë vendosur një sistem tarifash sepse të gjithë kanë pasur tarifa ndaj tyre. Kjo është e vërteta. Ta mësoni të vërtetën. Të gjithë këta që qahen sot, kanë pasur tarifa. Shqipëria nuk do ketë asnjë tarifë për mallrat amerikane dhe jam i bindur se kjo gjë do ndodhë edhe me qeverinë e SHBA pasi t’i heqim ne. Edhe njëherë, u garantoj për një partneritet luajal dhe zëri juaj, avokat i fuqishëm i njerëzve të punës, do jetë një zë që do dëgjohet nga qeveria.”

Sa i përket pagave, Berisha theksoi se nuk do të ketë rrogë nën 500 Euro si dhe do të vendoset paga për orë pune. Ndërsa premtoi uljen e taksave për bizneset në 10 për qind.

Zëvendëskryeministrja Belinda Balluku ka vijuar takimet për promovimin e sipërmarrjeve që po kontribuojnë në ekonomitë familjare dhe zhvillimin ekonomik të vendit.

Ajo është ndalur në një prej serrave në zonën e Çermës, që kultivon specin trikolor për tregun europian.

Ndonëse nga Mallakastra, sipërmarrësi ka investuar në këtë zonë një serrë model, me sipërfaqe prej 3 hektarësh. Kultivimi i specit trikolor bëhet përmes mbrojtjes biologjike, duke garantuar një produkt cilësor e të pastër që tregtohet kudo në Europë. Ndërkohë, kjo sipërmarrje nuk është veç një biznes familjar, por në këtë serrë janë punësuar edhe fermerë nga zona.

Qeveria shqiptare synon që në vitin 2030, të arrijë 1 miliardë euro eksporte bujqësore, aktualisht janë 540 mln. Këtë vit pritet të ketë edhe subvencione për mbrojtjen biologjike, duke kaluar në një etapë tjetër, ku produket shqiptare të konkurrojnë denjësisht në supermarketet e Evropës.

Një autobus në lëvizje është përfshirë nga zjarri paraditen e kësaj të shtune në dalje të tunelit të Kardhiqit, teksa brenda mjetit kishte edhe pasagjerë të cilët po udhëtonin nga Gjirokastra në drejtim të Sarandës.Siç shihet edhe nga pamjet, flakët kanë përpirë totalisht autobusin, teksa një shtëëllungë e madhe e tymit ka mbuluar zonën.

Shkak i flakëve dyshohet se është bërë një shkëndijë elektrike, ndërsa brenda janë djegur edhe sende personale të pasagjerëve.Në momentin kur ka rënë zjarri, pasagjerët i ka kapur paniku dhe kanë dalë me shpejtësi, teksa deri më tani, nuk raportohet për persona të lënduar.

Fier/Informacion paraprak

Rreth orës 11:00, në lagjen “8 Shkurti”, automjeti me drejtues shtetasin L. G., 80 vjeç, ka përplasur këmbësoren, shtetasen D. K., 64 vjeçe, e cila ka shkuar në spital për kryerjen e ekzaminimeve.

Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.